Спорт өлкәсендәге уңышлары белән 9 сыйныф укучылары бүләкләнде. Аларны чын күңелдән уңышлары белән котлыйбыз, киләчәктә  дә уңышлар теләп калабыз.

Укучылар белән бик күңелле итеп табигатьтә сабантуе уздырдык. Укучылар төрле конкурсларда үзләренең көчләрен сынадылар, осталыкларын күрсәттеләр.

Әюпов Җәлилнең экология буенча ясаган  рәсеме республикага җибәрелде.

Бәйрәм бүген барлык мәктәпләрдә,

Хис ташкыны безнен күкрәктә.

Укытучының моңсу карашлары

 Озату сүзен яза йөрәккә

Укулар инде безнең артта калды

Җыелыштык соңгы бәйрәмгә.

Һәркем тоя үзен  әзер итеп

Таулар, диңгезләрне кичәргә.

9 сыйныф укучысы Гыйльфанов Динар  2021-2022 уку елында мәктәп укучылары арасында иң актив укучы булып танылды һәм Актаныш районы башлыгының мактау грамотасы белән бүләкләнде.  Динарга киләчәктә дә уңышлар телибез!

Бүген 9 сыйныф укучылары математика фәненнән беренче имтиханнарын тапшыра. Аларга уңышлар телибез!

 18 нче май көнне Кәзкәй интернат-мәктәбендә Татарча көрәш ярышы булды. Безнең укучыларыбызда үз авырлык үлчәүләрендә уңышлы чыгыш ясап кайттылар. Хузин Гаяз 1 урын, Хабиров Ришат 2 урын алды. Аларны җиңүләре белән котлыйбыз!

Бүген - үткәннәрнең якты хатирәсе булып күңелдә калган пионер оешмасы төзелүгә 100 ел. Тарихка күз салсак, 1922 елда Мәскәү урамнарында тигез сафларга тезелгән кызыл галстуклы балалар күренә башлый. Болар беренче пионер отрядлары була. Шушы елның 19 маенда комсомолның икенче Бөтенроссия съезды пионер оешмалары төзү турында карар кабул итә. Аның нигезендә барлык шәһәрләрдә, авылларда пионер оешмалары төзелә башлый. Алар 70 ел хәрәкәттә була. Инде пионерия бетерелүгә 30 ел тулса да, ул биргән тәрбия, аның матур хатирәсе, пионер җырлары һәм речевкалары, барабан һәм быргы тавышлары, өч буынның бердәмлеген күрсәтүче кызыл галстук хәзер дә ул буын кешеләренең хәтерендә саклана.

Ялкынлан, учак, дөрлә югары,

Без – пионерлар, эшче уллары.

Киләчәк чорлар чакыра безне,

“Һәрвакыт  әзер!” пионер сүзе.

“Пионерия” сүзен ишетү белән безнең буын кешеләренең күз алдына шау-гөр килеп яшьнәп яшәгән мәктәп еллары килеп басадыр, мөгаен.

Бүген безнең Татар Суыксуы урта гомуми белем бирү мәктәбендә бик эчтәлекле, тарихи очрашу булды. Очрашуга октябрят, пионер комсомол булган буын Шайсламов Җават абый, Аюпова (Сәлимгәрәева) Гөлфирә апа, Аминова (Фатхетдинова) Нәҗибә апалар килде. Алар үзләренең яшьлек елларын, мәктәптә укыган вакытта пионер, октябрят, комсомол тормышы турында сөйләделәр.

Бөек Җиңүнең 77 еллыгын каршы алдык. Илләребез тыныч, күкләребез аяз булсын!!!