Бакчабызда күңелле туп көне уздырылды.Балалар туп белән төрле уеннар уйнадылар,шулай ук ярышып көчләрен дә сынадылар.

   Җәйнең  иң матур көнендә бакча коллективы, балалар, әти-әниләр арасында зур хөрмәткә ия булган  Солтанова Әлфия Нурум кызының  юбилей тантанасы.

  Кадерле Әлфия Нурумовна!

Сезне якты дөньяга  килгән олуг бәйрәмегез, туган көнегез белән тәбриклибез.Уй-теләкләрең изге, туар таңнарың тыныч, саулыгың ныклы, киләчәгең бәхетле булсын.Гомереңнең һәр минуты куанычта, бәхеттә, сәламәтлектә узсын.Дөньяның саф һавасын сулап, гүзәллеген күреп, балалар, туганнарыгыз белән бергә  гомер кичерүең сине ифрат зур бәхетле итә.

   Сез һәрчак сабыр һәм гадел булдыгыз,тырышлыгыгыз, хезмәт сөючәнлегегез белән тормыш авырлыкларын җиңеп, борчу- хәсрәтләрга бирешмичә яшәвегез белән үрнәк Сез безгә.Сезне балалар һәм әти -әниләр бик яраталар,хөрмәт итәләр.Нинди генә эшкә тотынсагыз да, башкарып чыга беләсез.Аның эшенең нәтиҗәсе  булып Актаныш район мәгариф бүлеге грамоталары, ТР "Мәгарифтәге казанышлары өчен" күкрәк билгесе белән бүләклзнүләре әйтеп тора.  Ул "Ел тәрбиячесе -2014"бәйгесендә "Воспитатель-новатор" номинациясенә ия булды.

  Сезгә булган теләкләребезнең иң мөһиме -тагын бик озак еллар бергә- бергә, яшәүнең асылы, иң зур байлыгы булган балаларың, оныкларың,якыннарың бәхетенә сөенеп, кадер хөрмәтен күреп,парлы тормышта яшәргә насыйп итсен.

  Гади, сабыр,олы җанлы бит син,

Кылганнарың бары изгелек.

Муллык белән үтсен һәрбер көнең,

Бәхетләрең булсын гомерлек.

Хөрмәт белән хезмәттәшләрең.

Районыбызда халкыбызның милли бәйрәме Сабантуйлар гөрләп үтә.

Бәйрәм килә. Сабантуйлар гөрли

Татар булган барлык илләрдә.

Халкым гына түгел, газиз моңны

Ишетүгә, бии гөлләр дә.

Балалар өчен көтеп алган каникуллар башланды.Мәктәпкә әзерлек группа балалары бакча белән саубуллашып өйләренә таралыштылар.Апаларыбызның да күбесе чираттагы ялларына киттеләр.

Кадерле хезмәттәшләребез! Исән -имин булып , күңелле ял итегез!

Юл хәрәкәте  иминлеге дәүләт автоинспекциясе хезмәткәрләре каникуллар вакытында балалар арасында профилактик эшчәнлекне көчәйтүне алгы планга куя.Шул максаттан ЮХИДИ хезмәткәрләре балалар белән очраштылар, юлларда дөрес йөрергә кирәклеген аңлаттылар.

  Хөрмәтле ата-аналар! Үзегез дә урамда һәм юлларда юл кагыйдәләренә битараф булмагыз, балаларга үзегез үрнәк күрсәтегез.

Мәктәпкә хәзерлек группасы балалары  "Җиңү паркында" булдылар һәм районыбызның истәлекле урыннары белән таныштылар.

Җәйнең иң беренче көне күңелләргә яктылык, ямь бирүче, йөрәкләргә җылылык, наз өстәүче балаларны яклау көне буларак бәйрәм ителде.Барлык балалар бакчалары балалары да "Яшьлек" кинотеатры яныны җыелып бәйрәм иттеләр: җырладылар, биеделәр, уйнадылар, күңелле ял иттеләр.

  Һәр бала ата -ана назын тоеп, ятимлек күрмичә, пар канат астында үссен һәм быелгы, киләсе  җәйләрне дә хәвеф -хәтәрсез, күңелле итеп үткәрсеннәр иде.

Эшләребез тәмамланганнан соң без дә  коллектив белән табигать кочагында матур итеп ял иттек.Күңелләребез матур кичерешләргә баеды.Хатирәләргә чумып, арыганлык та онытылды. 

Бакчабызда шатлыклары белән безне сагайткан,шат авазлары белән безне сөендергән,бәйрәмнәрдә,эштә безнең зур ярдәмчеләребез булган балалар белән  саубуллашу бәйрәме булып узды.Бәйрәмдә балаларга иң матур теләкләр, рәхмәт сүзләре әйтелде.

Табигатьнең иң матур кочагында  бик тә күңелле чара балалар САБАНТУЕ  оештырылды.Балаларның теләген кабул итеп, көн дә бик матур, кояшлы булды.Нинди генә уеннар юк иде бәйрәмдә:уенчыклар кисү,капчык ккиеп, йомыркалы кашык кабып йөгерү, чүлмәк вату...Бар да бар, уйнап кына өлгер.