Район күләмендә үткәрелгән "Сезнең белән горурланабыз,Ветераннар!" рәсем конкурсында мәктәпкә хәзерлек группасыннан Гарипов Даниэль  "Эчтәлекле эш " номинациясендә җиңү яулады.

Тәрбияче Солтанова Әлфия Нурум кызы 2 кечкенәләр группасында Сөмбелә бәйрәме үткәрде. Балалар бик күп җырлар ,шигырьләр өйрәнгәннәр,төрле уеннар уйнадылар. Бәйрәмгә Сөмбеләнең килүе бәйрәмне тагын да матурлады. 

Балаларда әти-әниләрне, өлкәннәрне хөрмәтләү, аларның гореф -гадәтләрен саклау, ихтирам хисе тәрбияләү максатыннан " Без Сезнең белән горурланабыз!" дигән темада рәсем конкурсы уздырылды. Конкурста 2 кечкенәләр, уртанчылар, зурлар, мәктәпкә хәзерлек группасы балалары катнаштылар.

Конкурста катнашкан балаларга, әти-әниләргә рәхмәебезне җиткерәбез, киләчәктә дә актив катнашырлар дигән теләктә калабыз.

Уңыш бәйрәменең бер бизәге -яшелчәләрдән композицияләр ясау. Тәрбиячеләребез үз фантазияләрен җигеп бик матур композицияләр ясадылар.

Илебез буенча октябрь аенда Өлкәннәр көне уздырыла.Бу  уңайдан "Кадерлибез-Сезне өлкәннәр!" дип исемләнгән бәйрәм кичәсенә лаеклы ялда булган өлкәннәребезне чакырдык.Бу чара гаиләдә өлкәннәр тәрбиясен көчәйтү, өлкәннәргә карата мәрхәмәтле, ихтирамлы булырга өйрәтү максатыннан үткәрелде.

 Бәйрәм кичәсендә зурлар группасы балалары өлкәннәребезгә багышлап тәрбиячесе  Нуретдинова Алмазия Абелфатиховна, музыка җитәкчесе Салихова Чулпан Данифовналар җитәкчелегендә бик күп җырлар җырладылар , шигырьләр сөйләделәр, уеннар оештырдылар.

Бәйрәмнәребезне бизәп,балаларыбызны күәтләп утырган өлкәннәребезгә олы рәхмәтебезне җиткерәбез.

Хөрмәтле өлкәннәребез! Сезне бәйрәмегез уңаеннан кайнар котлыйбыз. Сезгә саулык- сәламәтлек, шатлык -куанычлар, өлыгайган көнегездә тыныч тормыш телибез.

Бүген сезгә сәлам юллыйбыз без,

Сәлам сезгә безнең буыннан!

Бар дөньяны бүләк итәр идем

Әгәр килсә минем кулымнан!

Гомуми ата-аналар җыелышы булды. ФГОСка  күчү,балаларны икетеллелеккә өйрәтү,алда торган бурычлар турында сөйләшенде.

Безнең коллектив  "Кросс  нации-2015" актив катнаштылар.

Республика күләмендә 22 июльдән 22 октябрьгә кадәр "Китапка икенче тормыш бүләк ит" акциясе дәвам итә.Тәрбияче Валиуллова Ирина Ирек кызы мәктәпкә хәзерлек группасы балалары белән  әлеге акциягә кушылып китапларны саклап, кадерләп тоту турында сөйләштеләр.Үзләренең китапларын башкаларга да тәкъдим иттеләр.

Балалар көзге табигатькә экскурсиягә чыктылар.Табигатьтәге көзге үзгәрешләрне күзәттеләр.

Балалар әти -әниләр белән берлектә табигый материаллардан кул эшләре ясап алып килделәр.Аларның ниндиләре генә юк: күз явын алырдай матурлары да, утырып китәргә әзер торган паровозлары да, убырлы һәм су анасы да бар.Оста куллы балаларыбызгы,әти -әниләребезгә  рәхмәтебезне белдерәбез.