Зурлар группасына йөрүче балаларның  ата-аналар җыелышы уздырылды.Җыелышта Актаныш үзәк больницаның балалар  терапевты Гүзәл Наисовна һәм ООО " Страховая компания "Ак Барс Мед" тан катнаштылар.Алар әти-әниләрне мед.полислар, аларның файдалану үзенчәлекләре, түләүсез медицина , электрон чиратка язылу, прививкаларның файдасы турында җиткерделәр.Ата-аналар үзләрен борчыган сорауларына җаваплар таптылар. Җыелыш эшлекле һәм файдалы үтте.

"Үлемсез полк" акциясендә балалар да, әти- әниләр дә актив катнаштылар.Сугыш һәр гаиләгә дә кагылган, һәр гаиләнең дә сугыш кырында ятып калган, яки сугыш яралары төзәлмәгән туганнары турында әйтер сүзләре бик күп булды...

Район күләмендә үткәрелгән ҖИҢҮ БӘЙРӘМЕНДӘ коллектив үзенең концерт номерлары белән чыгыш ясады, һәр номинациядә катнашты. 

Хөрмәтле ветераннар, тыл хезмәтчәннәре! Сезнең барыгызны да олы тантана-Бөек Җиңү  бәйрәме белән котлыйбыз! Сезгә аяз күк йөзе, ныклы сәламәтлек, рухи ныклык һәм иминлек телибез. Илебезгә һәм халыкка аяусыз хезмәтегез, тиңдәшсез батырлыгыгыз һәм рухи ныклыгыгыз  ,бүгенге тыныч тормыш бүләк иткәнегез өчен  сезнең алда зур ихтирам белән баш иябез. Әтиләребез һәм бабайларыбызның, хатын-кызлырыбызның  батырлыклары, алар даны киләчәк буыннар хәтерендә сакланыр.Бөек Җиңү бәйрәме белән!

КАРТАЙМАГЫЗ ӘЛЕ, ВЕТЕРАННАР,

КАРТАЙМАГЫЗ,ӘЙ,ТЫНГЫСЫЗ ҖАННАР!

СЕЗГӘ ТИЕШ ӘЛЕ БИК КҮП ЯЗЛАР,

СЕЗГӘ ТИЕШ ӘЛЕ БИК КҮП НАЗЛАР.

Балалар   сугыш авырлыклары күргән бабайлар  һәм әбиләребезнең фотоларын тупладылар.Аларның сугышта узган юлларын, батырлыкларын өйрәнделәр, батырлыклары белән горурландылар.

Җиңү бәйрәменә санаулы гына көннәр калып бара.Әлеге истәлекле вакыйганы балалар күңелендә үтемле итеп сеңдереп калдыру,өлкән буын вәкилләренә, аларның сугышчан батырлыкларына соклану, горурлану һәм кайгыртучанлык хисләре тәрбияләү максатыннан сугыш һәм тыл ветераннары белән очрашулар үткәрдек. Аларның сугышта узган юлларын, фронт хәтирәләрен, күрсәткән батырлыкларын өйрәнделәр.

Райoн күләмендә "Яшьлек" кинотеатрында Бөек шагыйребез Габдулла Тукайның туган көн  бәйрәме балалар бакчасы балалары һәм мәктәп укучылары белән берлектә үткәрелде.Балалар Г.Тукай шигырьләрен укыдылар, җырладылар.Балаларга истәлек бүләкләр итеп А.Алишның "Койрыклар" китабы тапшырылды.

Син күрмәгән  яңа буын килде,

Котлап бүген туган көнеңне.

Киләчәккә барган улларыңнан

 Ишетәсең "Туган тел"еңне.

Бөек шагыйребез Г.Тукайның туган көнен билгеләп үттек.Балалар шагыйрьнең шигырьләрен ятладылар, аның сүзләренә язылган җырларны өйрәнделәр һәм ничә буын балаларын үзенә тарткан могҗиза - әкиятләрен сәхнәләштерделәр,үз күңелләре аша үткәрделәр.Тукай әсәрләре аша балалар эшне яратырга, табигатьне сакларга, Изге туган телебезне, газиз татар телен Тукай кебек тугры булып сакларга өйрәнәләр.

Һәр группада тәрбияләнүче балаларның әти-әниләрнең  кул эшләре күргәзмәсе оештырылды. 

"Әлли - бәлли йом күзең,

Йокла-йокла йолдызым"...

Беренче кечкенәләр төркеме кызлары белән музыка эшчәнлегеннән индивидуаль эш вакытында бишек җырлары өйрәнәләр.