Кошлар җир йөзендә иң күп таралган тереклек ияләре. Җирдә барлыгы 100 миллиард чамасы кош яши. Татарстанда җәй көннәрендә 200ләп, кышын 40 төрдән артык кош очратырга мөмкин. Кошлар һавада очарга җайлашкан. Шуңа да аларны кырыс антарктидада, биек тау кыяларында да, диңгез өсләрендә дә очратырга мөмкин. Кошларның иң кечкенәсе колибри, ул берничә грамм авырлыкта гына. Ә иң зурысы тәвә кошы, авырлгы 90 кг га җитә. Кошлар табигатьнең күрке. Алардан башка табигать җансыз. Алар бик күп зарарлы бөҗәкләрне юк итәләр, сайраулары белән тормышыбызга ямь өстиләр.

Мәктәп белән балалар бакчасы арасында ел дәвамында эшлекле мөнәсәбәтләр урнашкан. Һәр үткән чарада бердәм эшчәнлек алып барыла. 5 апрель көнне мәктәп җитәкчелеге директор Илназ Илшат улы һәм аның укыту-тәрбия буенча урынбасары Зөлфия Вил кызы балалар бакчасында булып, алдагы уку елында 1 нче сыйныфка укырга керүче балаларның ата-аналары белән очрашты. Сөйләшү вакытында 1 сыйныфка укырга керергә гариза бирү тәртипләре һәм вакыт аралыклары аңлатылды. Балаларны 1 нче сыйныфка кабул итәчәк укытучыбыз Фәния Дөфәк кызы ата-аналар белән танышып, үз эшчәнлегенә анализ ясады.

2 апрель – Халыкара балалар китабы көне. Шул нисбәттән, мәктәбебезнең 5 нче сыйныф укучылары китапханәдәге балалар өчен язылган китаплар белән таныштылар, үзләрен кызыксындырган сорауларга җавап эзләделәр. Китапханәчебез Гөлшат Равил кызы бу көннең 1967 елдан башлап, Бөтендөнья балалары яратып укый торган әкиятләрнең авторы Г.Х. Андерсенның туган көнендә билгеләнеп үтелә башлавы хакында сөйләде. Укучылар игътибар белән тыңладылар.

Бүген 9 нчы сыйныф укучылары һәм аларның ата-аналары катнашында җыелыш булды. Аның темасы – “ТДИ: аны уңышлы тапшыру” иде. Җыелышта фән укытучылары, директор, аның урынбасарлары чыгыш ясады. Укучылар әти-әниләре белән берлектә биреп карау имтиханнарында ясаган хаталарын анализладылар, аларны алга таба булдырмас өчен ниләр эшләргә кирәклеген ассызыкладылар. Калган кыска вакыт эчендә имтиханны уңышлы тапшыру өчен ныклап әзерләнергә сүз бирделәр.

1 апрель көнне ата-аналар комитете вәкиле Муллахметова Илина туклануга күзәтү ясады. Аның тарафыннан ашханәнең чиста, ризыкларның кайнар һәм тәмле, бирелеше һәм салынышы зәвыклы, тиешле күләмдә пешереп балаларга ашатылуы, пешекче апаларның ягымлы аралашуы күзәтү журналына теркәлде.

Мәктәбебезнең югары квалификация категорияле биология укытучысы Гыйльфанов Фидус Нәрфис улының Магариф.РФ электрон журналының №169 санында “Биологиядән дидактик материаллар” дигән мәкаләсе дөнья күрде. Киләчәктә аңа иҗат уңышлары теләп калабыз!

Бүген, 3 нче чирек тәмамланган көнне, Татарстан Республикасы мәгариф һәм фән министрлыгы һәм Актаныш мәгариф идарәсе тәкъдиме белән мәктәбебездә шахмат уйнау мәйданчыгы булдырылды. Димәк, укучылар тәнәфесләрне һәм дәрестән тыш вакытларын файдалы уздыра алачак!

Бүген дәрестән тыш чарада Рәсәйнең гадәттән тыш хәлләр министрлыгының Татарстан Республикасы буенча Баш идарәсенең Актаныш һәм Минзәлә  районнары буенча күзәтчелек эшчәнлеге районара бүлеге инспекторлары Илгиз Рәшитов һәм Марат Арсланов 8-9 нчы сыйныф укучылары белән очрашты. Чара барышында укучылар коткаручы, янгын сүндерүче профессияләре белән таныштылар, янгын сүндерүчеләрнең махсус киемнәрен киеп карадылар.

Бүген Иске Байсар мәдәният йортында районның әтиләр Советының киңәйтелгән утырышы үтте. Районның әтиләр Советы рәисе Рамил Сәләхов Советның күчмә символын апрель аенда утырыш буласы Яңа Əлем авыл җирлегенең әтиләр Советы рәисе Фаяз Галеевка тапшырды.

Бүген мәктәптә Россия Ветеринария һәм фитосанитария күзәтчелеге Федераль хезмәтенең Татарстан Республикасы буенча идарәсенең 2021 елда планга кертелгән тикшерүләре башланды. Тикшерүне Казан шәһәреннән килгән дәүләт инспекторлары уздыра.