21 нче февраль -  Халыкара туган тел көне уңаеннан мәктәбебездә "Туган телем - иркә гөлем" исемле чара уздырылды. Укучылар шигырьләр сөйләделәр, мәкальләр әйтештеләр, җырлар җырладылар.

"Татарстан Республикасында туган телләр һәм халыклар бердәмлеге елы" кысаларында, мәктәпкә ТР мәгариф һәм фән министрлыгыннан татар әдипләренең плакатлары кайтты. Министрлыкка һәм #Актаныш районы мәгариф идарәсенә рәхмәтебезне җиткерәбез!

Бүген мәктәбебезнең VII, VIII, IX сыйныфларында укучы малайлар Актаныш технология техникумында "Яшь осталар" проекты кысаларында хезмәт дәресендә катнаштылар. Биредә алар техникум белән танышып, эретеп ябыштыру һәм техника ремонтлау серләренә төшенделәр.

Татарстанские школьники могут присоединиться к республиканскому конкурсу генеалогических исследований «Моя родословная». Он проходит до 30 апреля в два этапа – муниципальный и республиканский. Конкурс «Моя родословная» направлен на формирование исторического сознания и воспитание чувства патриотизма, приобщение к работе с архивными материалами.

Ата-аналар комитеты вәкилләре һәрдаим балаларның мәктәп ашханәсендә тукланулары белән танышып тора. Бүген дә алар ашханәдә санитар таләпләрнең үтәлешен, 1-4 сыйныф укучылары өчен төзелгән меню, 12 яшь һәм аннан зуррак булган балалар өчен төзелгән меню, көндәлек меню белән әзерләнгән ризыкның тәңгәл килүен, контроль ризык булуын, ризыкларның температура режимын үтәүне, продукциянең һәм ризыкның сыйфатын, бракераж журнал тутырылышын, ашханәгә кергәндә укучыларның кулларын юып керүләрен, ашаган вакытта үз-үзләрен тотышларын күзәттеләр, ата-аналар комитеты журналына теркәп куйдылар. Ашханә эшчәнлеге уңай бәяләнде, килгән әниләр пешекчеләргә рәхмәтләрен дә җиткерделәр!

Туган тел атналыгы уңаеннан бүген 5 нче сыйныф укучылары белән "Тамчы шоу" интеллектуаль уены уздырылды. Чара барышында укучылар 2 командага бүленеп көч сынаштылар: туган тел  hәм татар әдәбиятыннан белемнәрен тикшерделәр. Уен "Кояшкай" командасының җиңүе белән тәмамланды.

Бүген мәктәптә туган тел атналыгы башланды. "2021 ел - Татарстан Республикасында туган телләр һәм халыклар бердәмлеге елы" кысаларында, герой шагыйрь Муса Җәлил туган көнгә багышлап​ мәктәбебездә "Татарлар елмаеп үлделәр" дип аталган әдәби кичә үткәрелде. Үлемсез шагыйрьнең тормыш һәм иҗат юлына күзәтү ясалды. Укучылар​ Муса Җәлилнең шигырьләрен яттан сөйләделәр,​ әдип​ турында белемнәрен тирәнәйттеләр, җәлилчеләрне искә алдылар.

Кышкы спартакиаданың ярыш төрләрендә җиңүчеләр һәм «Россия чаңгы юллары - 2021» акциясендә яхшы нәтиҗәгә ия булган укучылар һәм укытучылар, атналык йомгак ясау линейкасында истәлек грамоталары белән бүләкләнде.

«Созвездие - Йолдызлык - 2021» фестивалендә, укучыларыбыз район сәхнәсендә тау арты халыклары биюен биеделәр. Җитәкчеләре Шәрипова Ленара Фәвәдис кызы. Шулай ук район сәхнәсендә мәктәбебез укучыларыннан торган баянчылар инструменталь ансамбле дә чыгыш ясады. Җитәкчеләре Камалов Флүн Фәнил улы.

Яңа Əлем мәктәбе укучылары, мәктәп директоры белән бергә, Актанышта уздырылган «Россия чаңгы юллары - 2021» чаңгы ярышында да үзләренең көчләрен сынап карадылар. Тигез юлда чаңгыда гел шусалар да, ярышларда катнашып җиңәр өчен, таулы чаңгы трассаларында күбрәк шөгыльләнергә кирәк шул, дигән уй белән кайтты укучылар. Ə мәктәп директоры Илназ Илшат улы, җитәкчеләр арасында уздырылган ярышта 4 урынга ия булды.