Ураза гаете мөбарәк булсын! Бәйрәм белән газиз дин кардәшләр!

Бүген, 12 май көнне, 9 нчы класс укучылары жюри әгъзалары каршында үзләренең индивидуаль проектларын якладылар. Чыгышларында алар эшләренең теоретик нигезләре белән беррәттән, практик нәтиҗәләре белән дә таныштырдылар. Жюри тарафыннан бар эшләр дә уңышлы дип табылды.

7 май көнне Иске Әлем авылындагы, 8 май көнне Яңа Əлем авылындагы һәйкәлләр янында Бөек Җиңүнең 76 еллыгына багышланган бәйрәм чаралары үткәрелде. 

Бүген хезмәттәшебез, башлангыч сыйныфлар укытучысы Лениза Зәки кызының гомер бәйрәме - 55 яшьлек юбилее! Хөрмәтле Лениза Зәкиевна, сезне ихлас күңелдән гомер бәйрәмегез белән котлыйбыз. Сезгә гомернең иң озынын, бәхетнең иң зурысын, шатлыкларның иң олысын юллыйбыз. Якты ал таңнар, зәңгәр күкләр сезнең күңелегезне һәрчак яктыртсын, балкытып торсын.

Укучыларыбыз "Җиңү тәрәзәләре" бөтенрәсәй акциясенә кушылды.

2007-2009 елгы малайлар һәм кызлар арасында, Мөслимдә уздырылган билбау көрәше буенча Татарстан Республикасы Беренчелегендә укучыларыбыз Хөҗҗәтов Ильфир һәм Ахметова Румия 3 нче урыннарны яуладылар. Афәрин, яшь көрәшчеләребез!

Бүген хезмәттәшебез, биология, химия һәм география укытучысы Фидус Нәрфис улының гомер бәйрәме - 50 яшьлек юбилее! Сезне туган көнегез белән котлап, иң изге, якты, матур теләкләребезне юллыйбыз: көчле рухлы һәм кешелекле, юмарт һәм ярдәмчел, бәхетле һәм сәламәт булыгыз! Уй-теләкләрегез тиң, туар таңнарыгыз тыныч, саулыгыгыз ныклы, гомерегез бәхетле булсын! 

30 апрель көнне мәктәбебездә генетика фәне буенча 8-9 сыйныфларда ачык дәрес булды. Дәресне югары квалификация категорияле биология укытучысы Ф.Н. Гильфанов үткәрде. Ул укучыларга генетика фәненең әһәмияте, кеше генетикасы һәм нәселдәнлек авырулары турында сөйләде. Дәрес бик эчтәлекле булды, укучылар бу дәрестән күп кенә мәгълүматлар алдылар.

Иң беренче тәрбия чарасы - ул хезмәт. Хезмәткә өйрәнеп үскән балалар, гадәттә, яхшы укыйлар. Баланы тырыш булырга, яхшы укырга, вакытында уйный белергә мәктәп белән гаилә бергә өйрәтә. Шул максатны күздә тотып, 27 нче апрель көнне Яңа Əлем мәдәният йортында "Əти сүзе" - районның әтиләр Советы утырышы узды. Чарага мәктәп директорлары, аларның урынбасарлары һәм һәр мәктәпнең әтиләр Советы рәисләре катнашты.

Бүген мәктәбебездә Габдулла Тукайның туган көне билгеләп үтелде. 5-9 нчы сыйныф укучылары арасында "Иң матур шигырь сөйләүче" бәйгесе уздырылды. Бәйгедә 4 нче сыйныф укучылары да катнашты, укучыларыбыз бик матур чыгыш ясадылар. Җиңүче булып, 4 класстан Нуриахметова Алия табылды.