Бүген Актаныш аучылык хуҗалыгында хезмәт куючылар, 7 нче һәм 9 нчы сыйныф укучыларын кыргый хайваннар дөньясы белән таныштырып, лекция сөйләделәр. Чара Яңа Əлем урманы янында ачык һавада уздырылды. Укучылар кыргый җәнлекләрне кыш көне ашату тәртибе белән, алар турында өстәмә мәгълүмат белән таныштылар. Актаныш районы урнашкан җирлектә яшәүче кыр кәҗәләре, пошилар, кабаннар, куяннар, төлкеләр, бурсыклар, көртлекләр, кыр тавыклары турында үзләрен кызыксындырган сорауларга җаваплар алдылар.

14 октябрь көнне, мәктәп ашханәсенә, укучыларның ничек туклануын үз күзләре белән күрергә дип, ата-аналар комитетыннан Хуҗина Дилбәр Ралиф кызы килде. Аның тарафыннан балаларның туклану режимы, көндәлек меню белән ризыкларның туры килүе, ашханәдәге чисталык каралды һәм уңай яктан бәяләнде.

12 октябрь көнне, 9 сыйныф укучыларының ата-аналары белән "Укучыларның төп дәүләт имтиханнарына әзерлеге" темасы астында җыелыш уздырылды. Биредә рус теле, математика, информатика, биология һәм җәмгыять белеме фәннәрен укытучылар чыгыш ясап, җыелышта катнашучыларны имтихан үзенчәлекләре, бирем төрләре, ТДИ бланклары белән таныштырдылар.

Сегодня на базе центра "Точка роста" для учащихся 7-ых классов проводился урок цифры на тему "Искусственный интеллект в образовании". Урок цифры - всероссийский образовательный проект в сфере информационных технологий. Это возможность получить знания от ведущих технологических компаний: Яндекса, «Лаборатории Касперского», Фирмы «1С», Кодвардса и Mail.Ru Group, а также Академии искусственного интеллекта благотворительного фонда Сбербанка.

Əхлак дәресе - тәрбия чарасы. Атна саен уздырыла торган әлеге дәресләрне, лаеклы ялдагы ветеран укытучыбыз Тәхия Əхтәм кызы Усманова алып бара.

Бүген "Үсеш ноктасы" үзәгендә 7-9 сыйныф укучылары һәм укытучылар белән районыбыз эшмәкәре Шайхразиев Булат Мирзарип улы эшлекле очрашуда катнашты. Очрашу барышында авыл мәктәбендә укучыларны мәктәп яшеннән үк үз бизнесын башлап җибәрү, канун кысаларында акча эшләргә өйрәтү, төрле грантларда катнашу, гомумән, укучыларны белемгә өндәү һәм шәхес булып формалаштыру мәсьәләләре каралды. 

Хөрмәтле укытучыларыбыз! Сезне чын күңелдән һөнәри бәйрәмегез – Укытучы көне белән котлыйбыз! Бүгенге истәлекле көндә барлык педагогларга рәхмәт сүзләре белдерәсе һәм хөрмәт күрсәтәсе килә. Сезнең профессиональ, игътибарлы, таләпчән булуыгыз һәм күңел җылыгыз безнең балаларга сәләтләрен һәм талантларын ачарга ярдәм итә.

25 нче сентябрь көнне, "Милләтләр кроссы - 2021" акциясенә кушылып, Яңа Әлем​ мәктәбе укучылары арасында көзге кросс уздырылды. 5-9 сыйныф кызлары һәм малайлары йөгерүдә катнашып үзләрен сынап карадылар - сәламәтлекләрен ныгыттылар.

Хезмәт тәрбиясе. Укучылар мәктәп бакчасында көзге уңышны җыюда булышалар, укытучылар белән бергә бакчаны тәртипкә китергән мәлләре.

Мәктәбебездә ата-аналар комитеты утырышы уздырылды. Чарада һәр классның ата-аналар комитеты рәисләре катнашты. Комитет тарафыннан укучыларның туклануын, ашханәдә сыйфатлы ризык әзерләүне контрольдә тоту, яңа уку елында кулланылышка кергән меню белән таныштыру каралды. Районның ата-аналар комитетына вәкил итеп Муллахметова Илина Мирхәт кызы сайланды.