Республикакүләм оештырылган "Экстремизмга-Юк!" айлыгы дәвам итә. Мәктәбебездә план нигезендә эш алып барыла. ТИН фәне укытучысы Шәйхелмәрдәнов Ә.В. укучыларга үз-үзләрен саклау, саклану чараларын, мәктәптә, җәмәгать урыннарында үз-үзләрен тоту кагыйдәләрен ассызыклап, лекция-дәрес оештырды.

Дәресләрдән соң мәктәптә гадәттән тыш  хәлләр булдырмау максатыннан эвакуация тревогасы үткәрелде.  

Мәктәп бакчасында көзге урып-җыю, көзгә яшелчә, җиләк-җимешләрне кышка әзерләү эшләре әле дәвам итә. Шул максаттан мәктәп укучылары дә читтә калмадылар- кара миләш җыю, бәрәңге алу, түтәлләрне әзерләп кую, виктория араларын чистарту эшләрен башкардылар. 

Укучылар дару үләннәрен инде җәйдән үк әзерләп, киптереп куйдылар. Шушы көннәрдә аларны да җыеп тапшыру күздә тотыла.

6 сентябрь көнне дирекция, класс җитәкчеләре тарафыннан мәктәпнең гомуми укучылар җыелышы үткәрелде. Мәктәп Уставы, укучылар өчен кагыйдәләр, алга куелган бурычлар, эш планнары белән тәрбия эшләре буенча директор урынбасары Җиһангирова Н.М. таныштырды. Яңа уку елына узидарә советы сайланды. 

1 сентябрь- Белем көнен барлык балалар да зарыгып көтеп алгандыр мөгаен. Менә ул көн килеп тә җитте. Кулларга чәчәк бәйләмнәре тотып, сумкалар асып, яңа , матур укучы формаларын киеп ашыкты ул көнне мәктәпкә балалар. Иң сөенгәне бигрәк тә 1 нче класска керүче укучылар булгандыр.

Мәктәпкә 1 класска  10 укучы  кабул ителде. Класс җитәкчеләре Гиздуллина  Алмира Фәвәдис кызы үз аналарыдай якын итеп, каршы алды ул көнне. Быелгы уку елында 100 укучы мәктәптә белем һәм тәрбия алачак. Бәйрәмне үз югарылыгында итеп, чыгарылыш- 11 класс укучылары оештырган иделәр. Мәктәп директоры Вәлиева Гөлназ Сәгыйтҗан кызы мәктәпнең уку елына көчле әзерлекле булып керүен ассызыклады. Укытучылар коллективына, иганәчеләргә, ата-аналарга рәхмәтләрен җиткерде., Җирлек башлыгы-Гафуров  А.А., "Актаныш" агрофирмасының "Киров" бүлекчәсе җитәкчесе Гаянов И.Ф., район ветераннар советы рәисе-Нурлыев Н.Г., Актаныш АТХ җитәкчесе-Хафизов Н.В. укучыларга бүләкләр тапшырдылар, аларга җылы фикерләрен, изге теләкләрен әйттеләр .

1 июньнән мәктәбебездә мәктәп яны, ял һәм хезмәт лагеры эшли башлады. "Урманай" ял һәм сәламәтләндерү лагерында 35 бала ял итә. 

Лагерьда йорүче балалар бик күңелле ял итәләр. Балалар белән төрле кичәләр,"Кызлар көне", "Егетләр көне" , "Көлке көне", экскурсиягә чыгу уздырылды. 

4 июнь авылыбызда татар халык бәйрәмнәренең берсе Сабантуй үткәрелде. Әлеге бәйрәм укучыларыбыз чыгышы белән башланып китте.

1 июнь - балаларны яклау көне уңаеннан Казан шәһәрендә оештырылган "Без бергә" дип аталган балалар фестивалендә укучыларыбыз татар һәм казак биюләре белән уңышлы чыгыш ясап кайттылар.

30-31 май көннәрендә башлангыч класс укучылары экскурсияләргә йорделәр,  сөт заводына барып сөт кабул итү, аны суыту технологиясе белән таныштылар. Урманга походка чыгып, сихәтле урман һавасы сулап ял итеп, шат куңел белән каникулларга таралдылар.

 С 23 по 27 мая в лесном массиве дер. ст. Байсарово Актанышского района прошли учебно - полевые сборы для юношей 10 - х классов общеобразовательных школ по военно - прикладным видам спорта. Команда нашей школы заняла 2 место.  Молодцы! Поздравляем!