Гимназиябезнең 5Б сыйныф укучысы Алия Миргаязова Гамил Афзал исемендәге "Яшьләр каләме" республикакүләм фестивальдә катнашып, “Нәфис сүз” номинациясендә II урын яулады. Роберт Миңнуллин исемендәге “Шигърияткә сәяхәт” республикакүләм балалар бәйгесендә катнашкан өчен 5В сыйныф укучысы Самир Галиев, 6А сыйныф укучысы Таһир Хаҗиев сертификат белән бүләкләнделәр.

Гимназиябезнең ишегалдында кызу эш кайный. Интернатта яшәүче балалар тәрбиячеләр белән территорияне ямьләндерүдә үзләреннән өлеш кертәләр.

Пионерия туган көнгә багышланган бәйрәмдә гимназиябезнең "Алдынгылар хәрәкәте" варислары да чыгыш ясады.

Гимназиябезнең күркәмлеге, эчке һәм тышкы матурлыгы, гүзәллеге өчен көн дә хезмәт куябыз. Бүген, чәчәклекләрне формалаштырып, чәчкәләр өстәп утыртабыз.

"Ялкын" журналында гимназиябезнең "Ак җилкән" газетасы, әдәби берләшмә әгъзалары иҗаты.

Многоборье буенча Илшат Измайлов кубогына узган район ярышында тормыш иминлеге нигезләрен укытучы Ришат Тимершәех улы Сибгатуллин җитәкчелегендә гимназиябез командасы да катнашты. Укучылар җирдән этелү, турникта тартылу, граната ыргыту, мылтыктан атуда көч сынашты. Командабыз ату буенча – I, автомат сүтеп-җыюда III урын яулады. Шәхси беренчелектә гимназиябезнең 9Б сыйныф укучысы Әмирхан Загретдинов атуда - I, автомат сүтеп-җыюда II урын яулады. Котлыйбыз!

Гимназиябезнең инглиз теле укытучылары Сания Мөдәрис кызы Гыймранова, Румия Данис кызы Темел Әлмәтнең 1 нче лицей-интернатында семинар-киңәшмәдә. Алар биредә ОГЭ/ЕГЭ - дәүләт имтиханнарына әзерлек буенча фикер алыштылар.

Бүген Казан шәһәрендә Бөтенроссия фән һәм республика олимпиадаларының йомгаклау этабы җиңүчеләре, аларны әзерләгән укутучылар хөрмәтләнде. Гимназиябездән Ильясова Энҗе, Гәрәева Рәмилә (укытучылары Шәрипова Чулпан Рәмзил кызы), Камилҗанова Динара (укытучысы Абдуллина Миләүшә Мәгъсүм кызы), Солтанов Саматны(укытучысы Фәйзуллин Рөстәм Уел улы) ихластан тәбрик итәбез!

“Илһам” бөтенроссия яшь язучылар бәйгесендә быел гимназиябездән 6 укучы катнашкан иде: Рүзәл Харисов, Адилә Зыязетдинова(10 класс), Лиана Шакирова, Камилә Галиуллина(8 класс), Энҗе Ильясова(7 класс), Адилә Харисова(5 класс). Зона этабын үтеп, 3 кызыбыз финалга узган иде. Бүген Казанда – Татар китабы йортында җиңүчеләр бүләкләнде. Лиана Шакирова, Адилә Зыязетдинова – I, Энҗе Ильясова III урын яуладылар! Лиана әлеге иҗади бәйгедә узган ел да I урын яулаган иде. Ә Энҗе белән Адилә быел тәүге тапкыр үзләрен сынап карадылар. Кызларны, җитәкчеләре Чулпан Рәмзил кызы Шәрипованы әлеге күркәм җиңү белән котлыйбыз!

Укучыларыбыз проект эшләрен якларга әзерләнә.