Кәрим Тинчурин исемендәге Татар дәүләт драма һәм комедия театры артистлары бүген Актаныш сәхнәсендә гимназиядә эшләгән татар теле һәм әдәбияты укытучысы - Татарстанның Халык укытучысы Ләйсән Әминованың “Яратам! Бетте-китте!” дип исемләнгән җырлы-биюле комедиясен уйнады.
Спектакльнең режиссеры – Россиянең атказанган, Татарстанның халык артисты Зөфәр Харисов.
-Рәхмәт театр директоры Фәнис Мөсәгыйтовка, баш режиссер Туфан Имаметдиновка. Әле исеме әдәбият дөньясына билгеле дә булмаган бер ханымның әсәрен репертуарга алдылар. Режиссер Зөфәр Харисовка, артистларга рәхмәт. Тамашачының басып бик озак алкышлавы - алар уенына зур бәя ул. Ә мин бик шат! Әсәремнең Казан сәхнәсендә, Актанышта куелуына да, гаиләм, балаларым, туганнарым, дусларым янәшәмдә булуга да. Иң сөенгәнем -төрле елларда укыткан укучыларымны күрү. Алар күңеленә укытучыны хөрмәтләү, театрга мәхәббәт салуым белән бәхетле мин, - ди Ләйсән Галиәкбәр кызы.
Без дә Ләйсән ханым спектакль башланыр алдыннан коллективыбыз белән котладык.
Гимназиябез директоры Венера Хәмәтнәсыйх кызы Хәева-Хәмитҗанова Ләйсән Галиәкбәр кызына, киләчәктә дә иҗади уңышлар теләп, чәчәк гөлләмәсе тапшырды.

Яр Чаллы «Кванториум» күчмә технопаркы гимназиябезгә ике атналык укыту курсларына килде. “ГЕОКВАНТУМ”, “ПРОМРОБО КВАНТУМ”, “ХАЙТЕК”, “VR/AR-КВАНТУМ” юнәлешләрендә 184 укучыбыз белем ала. 8А сыйныф укучылары Сәнәгать дизайны буенча проект якларга әзерләнә.

20 һәм 31 май көнне, 9.00 сәгатьтә укучыларны 5 сыйныфка сайлап алу имтиханнары була. Мөрәҗәгать итү өчен - 89393319495, Римма Гранит кызы Баһаутдинова.

Башлангыч сыйныфларның методик берләшмә эшенә еллык нәтиҗә ясалды бүген. Киңәшмәдә директорыбыз Венера Хәмәтнәсыйховна Хәева, директорның инновацион-методик эшчәнлек буенча урынбасары Юлия Валентиновна Әмирҗанова һәм район мәгариф идарәсенең башлангыч сыйныфларның методисты Имамова Роза Әсгать кызы катнашты. Укытучыларыбызның эшчәнлеге югары бәяләнде.

Гимназиябезнең 5В сыйныф укучысы Маликов Раяз Илеш районы Югары Яркәй авылында узган йөзү ярышында, үз яшьтәшләре арасында, I урын яулады!

Гимназиябезнең 5А сыйныф укучысы Шәрипов Мансур Илеш районы Югары Яркәй авылында узган йөзү ярышында, үз яшьтәшләре арасында, I урын яулады!

Казан шәһәрендә узган 2023 елгы ТР шәхси Кубогының 2 этабында гимназиябезнең 7Б сыйныф укучысы Корбанов Каюм уңышлы чыгыш ясады.
Бадминтончы егетебез ялгыз разрядта (2 дивизион) III урын яулады. Татарстан Республикасының 20 районыннан 279 бадминтончы катнашкан әлеге ярышта Каюм үзен оста уенчы буларак танытты. Молодец, Каюм!

"Җиңү капкалары" акциясенә гимназиябез укучылары да кушылды - 5А сыйныф укучысы Йосыф Зәйдуллин.

4Б класс укучылары Мәхмүтов Әхмәт әнисе, апасы белән һәм Сабиров Самир "Җиңү капкасы" акциясенә кушылдылар.