Бүген – 11 сентябрьдә "Мөһим темага сөйләшү" дәресе «Там, где Россия» темасына багышланды.

Гимназиябезнең "Ялкын" балалар оешмасы агымдагы уку елында беренче утырышын уздырды. Педагог-оештыручылар Алсу Мирзамөхәммәт кызы Хафизова, Миләүшә Рәдис кызы Аграпова белән сентябрь, октябрь айларында булачак чараларны планлаштырды алар.

Бүген гимназиянең башлангыч класслар корпусында 2-4 класс укучылары директорның тәрбия буенча киңәшчесе Салават Мөҗәһит улы Котлыяров, директорның тәрбия буенча урынбасары Ленар Зөфәк улы Шәвәлиев, "Алдынгылар" активистлары һәм "Алдынгылар хәрәкәте" гомумроссия балалар һәм яшьләр иҗтимагый-дәүләт хәрәкәтенең Актаныш муниципаль районы бүлек рәисе Магданов Айгиз Хәлил улы белән очраштылар.

“Лидерлык дәресе” кысаларында, гимназиябез укучыларының Актанышның, республиканың мәртәбәле шәхесләре белән очрашуы быел яңа – тагын да камилләшкән формада дәвам итте.

Россия өчен истәлекле дата - 3 сентябрь - Икенче бөтендөнья сугышы тәмамлану көне.
Кешелек тарихында иң зур сугыш алты ел дәвам итте - 1939 елның 1 сентябреннән 1945 елның 2 сентябренә кадәр.
Нәкъ менә шушы көнгә “Сәләтле балалар өчен гуманитар гимназия-интернат” дәүләт автоном учреждениесенең тарих һәм җәмгыять белеме укытучысы, Гыйльметдинов Марат Илсур улы белән берлектә, алда торган бәйрәм кысаларында, Икенче бөтендөнья сугышы тәмамлану көненә багышланган викторина үткәреп, укучылар белән тематик дәрес үткәрелде.

Белем бәйрәме традицион рәвештә тантаналы линейка белән башланып китте. Гимназиябез директоры Венера Хәмәтнәсыйх кызы Хәева-Хәмәтҗанова укучыларны, ата-аналарны, укытучыларны, мөхтәрәм остаз укытучыларны бәйрәм белән котлады, беренче сыйныф укытучыларына  "Әлифба" һәм Белем иленең ачкычын тапшырды.   Бәйрәмебезнең  кунагы - Актаныш районы башлыгы Ленар Рафак улы Зарипов та үз тәбрикләүләрен җиткерде.

Быел 1 сентябрь - Белем бәйрәме көнне яңа традиция - 1 нче сыйныф укучыларына "Киләчәк очкычы"н тапшыру традициясе булдырылды.

1А сыйныф укучылары гимназия яны участогында практика үтә.

"Соңгы кыңгырау" бәйрәме гимназиябездә быел да онытылмас истәлекле мизгелләре белән күңелгә уелды.
Тантанада Актаныш районы башлыгы Ленар Рафак улы Зарипов катнашып, укучыларыбызны, укытучыларыбызны бәйрәм белән тәбрикләде. Чыгарылыш сыйныф укучыларына үзенең фикерләрен җиткерде.
Гимназиябез директоры Венера Хәмәтнәсыйх кызы Хәева-Хәмәтҗанова бәйрәм тәбрикләвен ветеран укытучыларыбызны - остазларыбызны хөрмәтләүдән башлады. Һәр көне кабатланмас эш-мәшәкатьләре, уку ыгы-зыгысы белән кайнап яшәлгән уку елының яңалыкларына, ирешелгән уңышларга тукталды. "Ел укучысы" исеменә лаек булган укучыларыбызны игълан итте. Сөенечле мизгелләр! Чөнки мондый мәртәбәле исемгә быел гимназиябезнең ике укучысы лаек булды! 9 сыйныф укучысы Самат Солтанов һәм 11 сыйныф укучысы Динара Камилҗанова.
Бәйрәмебез 11 сыйныф укучылары тәкъдим иткән театраль тамаша, чыгарылыш - 4 һәм 9 сыйныфларның җыр-биюләре белән үрелеп барды.