Укучылар арасында "Илһам" Бөтенроссия яшь язучылар бәйгесе булып үтте. Безнең мәктзптән 8 нче класс укучысы Хәбибуллина Алинә үзе иҗат иткән әсәре белән "Яшь прозаик" номинациясендә катнашты. Беренче турга йомгак ясаганнан соң, 24 нче март көнне Алинә Яр Чаллы шәһәренең 54 нче гимназиясендә жюри каршында чыгыш ясады. Җитәкчесе: Хәбибуллина С.Г.

"Гаилә һәм мәктәп" журналы оештырган Бөтенрәсәй "Зирәк бала" конкурсында 8 класс укучысы Хәбибуллина Алинә "Әдәби иҗат һәм журналистика" номинациясендә "Хыялда очрашу" эше белән катнашып  грамота белән бүләкләнде. Җитәкчесе: Хәбибуллина С.Г.

29 нчы март көнне 9 нчы класс укучылары Мәгариф бүлеге приказы нигезендә рус теле фәненнән биреп карау имтиханында катнаштылар. Укытучылары: Фаттахова Т.М.

28 нче март  көнне Мәгариф бүлеге приказы нигезендә 9  нчы класс укучылары  математика фәненнән биреп карау имтиханында катнаштылар. Укытучылары: Фатыйхова Д.Ә.

 24 нче март көнне, 3 чирек нәтиҗәләре буенча мәктәптә педагогик киңәшмә үткәрелде. Класс җитәкчеләренең чыгышлары тыңланды, эшчәнлеккә нәтиҗә ясалды, алга бурычлар куелды.

16 март көнне 1 нче Актаныш урта мәктәбендә Габдулла Тукайның 130 еллыгына багышланган “Тукай замандашлары” исеме астында шигырь укучылар бәйгесе булып узды. Алар Габдулла Тукай һәм аның замандашлары язган, аңа багышлап үзләре иҗат иткән әсәрләре белән чыгыш ясадылар. Безнең мәктәптән конкурста 5 нче сыйныф укучысы Насыйров Алмаз,, 8 нче сыйныф укучысы Хәбибуллина Алинә  катнашты. 5-8 класслар арасында Г. Тукайның "Пар ат" шигырен сөйләп, Насыйров Алмаз 3 урынны алды.

Бүген 3 чирек нәтиҗәләре буенча  класс җыелышлары үткәрелде. Куркынычсызлык  кагыйдәләре аңлатылып имзалар алынды.

Әтәс төп гомуми белем бирү мәктәбенең 9 сыйныф укучылары 17 март көнне җәмгыять белеменнән  имтихан тапшырып кайттылар.

Фәннәр буенча һәр класста Татарстан Республикасы фән һәм мәгариф министрлыгы тарафыннан тәкъдим ителгән контроль эшләр үткәрелә.