23 ноябрь көнне безнең мәктәптә  физика укытучыларының  "Физика дәресләрендә системалы эшчәнлекне якын килүне тормышка ашыру" темасына район семинары үткәрелде. Семинарда мәктәпнең физика укытучысы Фатыйхова Дәния Әхтәм кызы 9 класста "Турысызыклы һәм кәкресызыклы хәрәкәт" темасына ачык дәрес , "Чәй табыны артында" дигән физик кичә күрсәтте. РМО планы буенча киңәшмә, фикер алышу булды. "Физика дәресләрендә системалы эшчәнлекле якын килүне тормышка ашыру" темасына чыгыш тыңланды.

  22 нче ноябрь көнне Татарстан Республикасы Мәгариф һәм фән министрлыгының 2016 нчы елның 15 нче ноябрендә чыккан 2222/16 санлы боерыгы нигезендә  барлык республика мәктәпләрендә белем алучы IV, VI, VIII класс укучылары оффлайн режимында инглиз теленнән диагностик тест үттеләр. Әлеге тестны безнең мәктәпнең өч классыннан 19  укучы тапшырды.  Укучылар 45 минут вакыт аралыгында 20 бирем эшләделәр. 1-15 биремнәр тест формасында, 16-20 биремнәр текст белән эшләүне күздә тотып төзелгән иде.

21-26 ноябрь көннәрендә мәктәптә рус теле атналыгы игълан ителде.

Бүген мәктәптә рус теле белән ныграк кызыксынучылар  бөтенроссия "Русский медвежонок" уен-конкурсында катнашып, үзләренең көчләрен сынап карыйлар. Җитәкчеләре: Фаттахова Т.М., Солтанова Л.И.

14 ноябрь көнне мәктәптә  "Разделяй с нами" бөтенроссия экологик дәрес үтте . Дәрестә 6-9 класс укучылары катнашты. Укучылар төркемнәрдә кызыклы мәсьәләләр чиштеләр, биремнәр үтәделәр. Укучыларның эшләре конкурска җибәрелде. Оештыручы укытучы: Нәгыймова Дилбәр Рафаэль кызы

5-8  класс укучылары "Береги воду" онлайн дәресләрдә катнашты, сорауларга җавап биреп, "Су белгече" дипломнарына ия булдылар.

   "Место памяти " федераль проектына безнең  мәктәпнең "Ак каен"  исемендәге балалар оешмасы да кушылды.