3 ноябрь көнне беренче чирек нәтиҗәләре буенча педагогик киңәшмә үткәрелде.  Киңәшмәнең көн тәртибе буенча татар теле һәм әдәбияты  укытучысы Галиева Ландыш  " ФДББС (ФГОС) ОО ны тормышка ашыру шартларында башлангыч һәм төп мәктәп укытучылары арасында дәвамчанлык" дигән темага чыгыш ясады. Аттестация үтүче укытучы Бәдертдинова З.Б. ның иҗади отчеты тыңланды. Беренче чирек йомгаклары буенча класс җитәкчеләре чыгыш ясады. .2 нче чиреккә бурычлар билгеләнде.

Уку елының 1 нче чиреге тәмамланды. Чирек нәтиҗәләренә классларда анализ ясалды, билгеләр аңлатылды. Куркынычсызлык кагыйдәләре буенча инструктаж үткәрелде, имзалар алынды. Укучылар каникулга озатылды. Каникул күңелле һәм файдалы үтсен!

27 нче октябрь көнне, барлык республика мәктәпләрендә белем алучы IV, VI, VIII класс укучылары оффлайн режимында татар теленнән диагностик тест үттеләр. Әлеге тестны безнең мәктәпнең өч классыннан  20 укучы тапшырды.

17-22 октябрь көннәрендә мәктәптә һәр класста аерым ата-аналар җыелышлары үтте. "Балаларның куркынычсызлыгын тәэмин итү", "Ата-аналар җаваплылыгы" темаларына чыгышлар ясалды.

Мәктәптә "Көзге бал" кичәсе узды. Бәйрәмгә укучылар алдан әзерләнделәр. 8 класс укучылары белән инглиз теле укуытучысы Солтанова Ләйсән Илсур кызы оештырды.

5 класс- Кырмысыка, 6 класс- Апельсиннар, 7 класс- Алтын яфраклар, 9 класс- Баклажан  командалары төрле бәйге-ярышларда көч сынаштылар.

Марсель Гыйлаев призына район күләмендә үткәрелгән татар – башкорт көрәшендә безнең мәктәптән команда составында  Ялалов И., Батталов Ф., Шәйхуллин И., Җәмилов Н. катнашты. Укытучылары : Хәбибуллин А.Д.

5 октябрь көнне район мәдәният  йортында Укытучылар көне уңаеннан бәйрәм чарасы  уздырылды. Бәйрәмгә барлык укытучыларда катнашты.Мәктәбебезнең математика һәм информатика укытучысы Фатыйхова Дәния Әхтәм кызы Татарстан Республикасы Мәгариф министрлыгының "Мәгарифтәге казанышлары өчен" күкрәк билгесе  белән бүләкләнде. Котлыйбыз!