Бүген, ягъни 1 нче декабрь көнне мәктәптә укучылар белән берлектә "Шәхси гигиена" темасына әңгәмә үткәрелде. Көн саен юыну, теш, колак, чәчләрне, күзләрне саклау күп кенә йогышлы авырулардан сакланырга мөмкинлек бирә. Үзеңнең чисталыгыңны гына түгел, тирә-ягыбыздагы чисталыкны да сакларга кирәк. Нәтиҗә ясап укучылар кызыклы сорауларга җавап бирделәр. Шәхси гигиена кагыйдәләре белән Л.Н.Шәйдуллина таныштырды.

1 нче декабрь - СПИДка каршы көрәш көне. Шул уңайдан мәктәп күләмендә "СПИДка - юк дибез!" исеме астында чара үткәрелде. Укучыларга видеороликлар тәкъдим ителде. Чараны тәрбия эшләре буенча директор урынбасары А.И.Шакирова уздырды.

Әни... Өч хәрефтән торган бу сүздә күпме наз, җылылык һәм күңел тойгысы! Әни... Һәр кеше өчен иң кадерле, иң сөйкемле зат ул! Әни... Аның күләре шундый мөлаем һәм ягымлы. Әйтерсең, бөтен дөньяның акылын һәм сабырлыгын җыйган диңгез! Ә әнкәйнең куллары иң-иң җылы, иң-иң кадерле куллардыр, мөгаен. "Әниләр көне" уңаеннан 25 нче ноябрь көнне безнең мәктәптә зур бәйрәм үткәрелде. Укучылар көче белән әзерләнгән бәйрәм кичәсе Н.Пугачева һәм Әтиләр советы вәкиле Р.Шәйдуллин башкаруындагы җырлар белән үрелеп барды. Кичәнең икенче өлешендә әниләр белән кызыклы уеннар үткәрелде. Кичә барышында укучылар үз куллары белән ясаган кул эшләрен әниләренә бүләк иттеләр. Кичә чәй табыны артында дәвам итте. Бәйрәм чарасын информатика укытучысы Д.М.Шәвәлиев оештырды.

Бүген, ягъни 22 нче ноябрь көнне Татарстан Республикасы Мәгариф һәм фән министрлыгының 2016 нчы елның 15 нче ноябрендә чыккан 2222/16 санлы боерыгы нигезендә  барлык республика мәктәпләрендә белем алучы IV, VI, VIII класс укучылары оффлайн режимында инглиз теленнән диагностик тест үттеләр. Әлеге тестны безнең мәктәпнең өч классыннан 13 укучы тапшырды. 

С 14 по 19 ноября в школе прошла неделя русского языка и литературы. 14 ноября - открытие недели. Ознакомление с планом работы. 15 ноября прошел конкурс "Русский медвежонок - языкознание для всех", в котором приняли участие 20 учеников. Ждем результатов!

 16 ноября прошёл открытый урок в 9 классе по теме "СПП с придаточными причины" .

17 ноября была проведена игра "Слабое звено", в котором победила ученица 7 класса Галлямова З.Ф.

17 ноябрь көнне Арча шәһәренең 2 нче мәктәбе базасында "Информатизация образования как фактор повышения качества предоставления образовательных услуг" дигән темага эшлекле киңәшмә узды. Әлеге чарада Мәгарифне үстерү институтының заманча белем бирү технологияләре кафедрасы өлкән укытучысы Анна Анатльевна Рябова, Арча, Актаныш, Саба, Балык Бистәсе, Мөслим районнарының мәгълүмати-коммуникацион технологияләр буенча методистлары һәм укытучылары, шул исәптән безнең мәктәпнең информатика укытучысы Шәвәлиев Дилүс тә катнашты. 

Киңәшмә барышында Татарстан Республикасы Мәгарифне үстерү институты һәм Арча районы уздырган республикакүләм "Мультимедийный мир" конкурсының нәтиҗәләре белән дә таныштырдылар. Әлеге конкурста безнең мәктәпнең инглиз теле укытучысы Мардамшина Айгөл - сертификатка, ә информатика укытучысы Дилүс Шәвәлиев - III урынга ия булдылар.

<span times="" new="" roman';="" font-size:="" medium;"="">18 нче ноябрь көнне Актаныш спорт сараенда РФСРның мастер спорты Илфат Зәки улы Әнвәров истәлегенә милли татар-башкорт көрәше буенча ачык турнир үтте. Анда безнең мәктәпнең 9 нчы класс укучысы Сәфетдинов Ильназ 2000 нче елгы яшүсмерләр арасында 50 кг авырлыкта I урын яулады. Аны ихластан әлеге җиңүе белән котлыйбыз һәм киләчәктә дә спорт уңышлары теләп калабыз!

15 нче ноябрь көнне математикадан Рәсәй фән олимпиадасының муниципаль туры узды. Анда безнең мәктәптән 2 укучы катнашты: 5 нче класс укучысы Камалов Булат һәм 6 нчы класс укучысы Гилванов Айдар. Нәтиҗәдә 6 нчы класс укучысы Гилванов Айдар призер булды. (Укытучысы: Д.М.Шәвәлиев). Айдарны әлеге җиңүе белән котлыйбыз һәм киләчәктә дә уңышлар теләп калабыз!

Балалар һәм тәрбиячеләр өчен "Тылсымлы куллар" журналы белән "Ихлас" компаниясе берлектә үткәргән "Кояшлы балачак" республикакүләм иҗат эшләре бәйгесендә безнең мәктәпнең 6 нчы класс укучысы Әхмәтова Ленара катнашып финалист булды. Ул бәйге оештыручыларның дипломы белән беррәттән истәлек бүләкләренә ия булды. Җитәкчесе: Л.Н.Шәйдуллина. 

Бүген, ягъни 10 нчы ноябрь көнне I чирек йомгаклары буенча ата-аналар җыелышы үтте. Көн тәртибе буенча күп кенә мәсьәләләр каралды. Шулардан: "Балага белем алуда ничек ярдәм итәргә?" дигән темага VI сыйныф җитәкчесе Л.Н.Шәйдуллина чыгыш ясады. Укыту-тәрбия эшләре буенча директор урынбасары Д.Й.Исламова  I чирек, контроль эш, фән олимпиадаларының мәктәп туры, чирек дәвамында ирешелгән уңышлар, сынап карау төп дәүләт имтиханы нәтиҗәләрен анализлап әти-әниләр тарафына җиткерде. Мәктәптә эшләп килүче "Сәнгать мәктәбе" филиалы түгәрәкләре җитәкчеләре Л.Н.Шәйдуллина, Ф.Хаҗиев, Л.Шәрипова үз эшчәнлекләре белән таныштырдылар. Болардан тыш информатика укытучысы Д.М.Шәвәлиев әти-әниләр тарафына "Куркынычсыз Интернет" дигән темага чыгыш белән беррәттән видеоязма тәкъдим итте. Гомуми җыелыштан соң әти-әниләр сыйныф җитәкчеләре белән берлектә сөйләшүне үз кабинетларында дәвам иттеләр. Ата-аналар җыелышы эшлекле рәвештә үтте.