23 февраль- Ватанны саклаучылар көненә багышланган газета чыгарылды.

Хөрмәтле ир-егетләрне бәйрәм белән тәбрик итәбез!Күгебез тыныч, ил-көнебез имин булсын!

Бүген, ягъни 22 нче февраль көнне мәктәп күләмендә Халыкара Туган тел көне билгеләп үтелде. Кичә барышында укучылар Туган тел көненең тарихы белән таныштылар һәм үзләре дә Туган телгә багышланган шигырьләрне яттан сөйләделәр. Шулай ук укучылар тарафына информатика укытучысы җитәкчелегендә укучылар көче белән төшерелгән "Иң татлы тел - Туган тел" видеоязмасы тәкъдим ителде. (Видеоязмага сылтама: https://www.youtube.com/watch?v=Q8FTV4-vNEw). Кичәне тәрбия эшләре буенча директор урынбасары А.И.Шакирова үткәрде.

21 февраля 2017 года на базе МБОУ «Актанышская средняя общеобразовательная школа №2 с углубленным изучением отдельных предметов» был проведён районный  конкурс на лучший диктант «Кто грамоте горазд, тому не пропасть» с грамматическим заданием в 5-6 классах. Ученик 5-ого класса нашей школы Камалов Булат стал призерам. Учитель: Ч.И.Ахметова

2001-2002 нче елгы яшүсмерләр арасында "Сабантуй" газетасы призына оештырылган республика күләм көрәш ярышында безнең мәктәпнең 9 нчы класс укучысы Сәфетдинов Ильназ III урын яулады. Аны әлеге уңышы белән котлыйбыз!!!

15 нче февраль көнне мәктәптә татар халкының каһарман улы, герой-шагыйрь Муса Җәлилнең туган көненә багышланган "Муса Җәлил-үлмәс шагыйрь" исемендәге музыкаль- әдәби кичә узды.Укучылар шагыйрьнең шигырьләрен укыдылар, белемнәрен ныгыттылар.Тормыш юлы, иҗатына багышланган видео, презентация карадылар.

Мәктәптә 14 нче февраль көнне "Изге Вәли" көне билгеләп үтелде.Укучылар төрле бәйгеләрдә үз көчләрен сынадылар.Чараны күңелле итеп, инглиз теле укытучысы А.С.Мардамшина үткәрде.

13, 14 нче февраль көннәрендә "Йолдызлык-2017" сәнгать фестиваленең муниципаль туры узды.Безнең мәктәп укучылары ялгыз җыр, вокал-ансамбль, татар биюе, конферанс номинацияләрендә уңышлы чыгыш ясап кайттылар.Аларга киләчәктә дә уңышлар телибез.

Бүген, ягъни 10 нчы февраль көнне  безнең мәктәптә 1 сыйныф укучыларының гомерендә бер тапкыр гына була торган матур бәйрәме -  "Әлифба" бәйрәме үтте. Нәни дусларыбыз бик матур җырладылар, берсеннән берсе матур шигырь сөйләделәр. Кичәдә әти-әниләр белән беррәттән 1 нче сыйныф укучыларының әбиләре дә кунак булдылар. Бәйрәмнән соң  1 нче сыйныф укучыларын 1 атналык традицион каникул көтә.  Бәйрәмне башлангыч сыйныфлар укытучысы Айсылу Фәрит кызы Хисамова оештырды. 

<span pt="" sans',="" sans-serif;="" font-size:="" 13px;="" line-height:="" 16px;"="">Бүген, ягъни 10 нчы февраль көнне мәктәп күләмендә парламент дәресе үтте. Укучылар белән берлектә үткәрелгән ачык парламент дәресендә авыл башлыгы Резеда Рәдис кызы Ямалова катнашып, чыгыш ясады. Дәрес барышында укучылар да үз чыгышларын тәкъдим иттеләр. Ачык чараны җәмгыять белеме укытучысы Диләфрүз Йосып кызы Исламова үткәрде.

 "Шәп әйдаман-2017" бәйгесенең мәктәп туры үтте. Кызлар үзләренең көчләрен сынадылар. Нәтиҗәләр буенча, 10 нчы февраль  көнне районда үтүче конкурска  Галләмова Зәлия барачак. Аңа уңышлар телибез.