Бүген, ягъни 6 нчы февраль көнне Аккүз мәдәният йортында "Йолдызлык-2017" фестиваленең беренче сайлап алу туры узды. Фестивальда Аккүз, Югары Яхшый, Меңнәр төп белем бирү мәктәбе укучылары чыгыш ясады. Бәйгенең беренче сайлап алу турын узган йолдызчыкларны район мәдәният йортында үзендә каршы алачак. Аларга киләчәк бәйгеләрдә дә уңышлар теләп калабыз! 

Февраль  ае мәктәбебездә хәрби-патриотик айлык итеп игълан ителде.Мәктәптә хәрби-патриотик айлык кысаларында укучылар автомат сүтеп җыйдылар, ату ярышы уздырылды.

Бүген, ягъни 2 нче фераль көнне Мөслим муниципаль районы гимназиясендә Актаныш һәм Мөслим районы мәктәп директорларының волейбол уеннары буенча иптәшләрчә очрашуы узды. Актаныш муниципаль районы волейбол командасы составында безнең мәктәп директоры И.Ә.Шакиров та катнашты.     

30 гыйнвар көнне "Ел педагог-оештыручысы" республика конкурсының район этабында Шәйдуллина Л.Н. чыгыш ясады.

27 нче гыйнвар көнне башлангыч класс укучылары арасында район күләмендә   "Алтын каләм" (каллиграфия буенча иң яхшы эш) конкурсы  булып узды. 4 класслар буенча районыбызның   төп гомуми белем бирү мәктәпләре арасында мәктәбебезнең 4 класс укучысы Исламова Адилә 3 урынны яулады.Котлыйбыз! Уңышлар телибез!

Башлангыч класслар укытучысы Хисамова Айсылу Фәрит кызы Мари-Суксу мәктәбендә уздырылган "Ел класс җитәкчесе" бәйгесенең муниципаль этабында уңышлы чыгыш ясады.Укучылар белән мастер-класс үткәрде, үз эшчәнлеген яктыртты.Айсылу Фәрит кызына киләчәктә дә уңышлар телибез.

Татарстан Республикасының беренче Президенты М.Ш.Шәймиевкә 20 нче гыйнварда 80 яшь тулды.Мәктәптә, шул уңайдан, класс сәгатьләре үтте.Инша, рәсем конкурслары игълан ителде.

20 нче гыйнвар көнне Теләкәй мәктәбендә тәрбия эшләре буенча директор урынбасарларының профессиональ конкурсы булып узды.Безнең мәктәптән  тәрбия эшләре буенча директор урынбасары Айсылу Илдус кызы уңышлы чыгыш ясап кайтты.

Бүген, ягъни 20 нче гыйнвар көнне башлангыч класслар атналыгы кысаларында Аккүз мәктәбе филиалы булган Михайловка башлангыч мәктәбендә II-IV классларда "Путешествие по Литературию" темасына ачык дәрес һәм "Кошлар - безнең дусларыбыз" дигән исем астында класстан тыш чара үткәрелде. Ачык дәрес һәм класстан тыш чараны башлангыч класс укытучысы А.Ф.Исламова үткәрде. Дәресләр мәктәп директоры И.Ә.Шакиров, укыты-тәрбия эшләре буенча директор урынбасары Д.Й.Исламова һәм Аккүз мәктәбенең башлангыч класс укытучысы А.Ф.Хисамова тарафыннан тыңланып, анализланды. Шулай ук бүген Аккүз төп гомуми белем бирү мәктәбендә I-IV класс укучылары катнашында татар теле һәм әдәбияты буенча "Тамчы шоу" уены үткәрелде. Уенны башлангыч класс укытучысы Э.Ф.Гарипова оештырды һәм алып барды.

Бүген, ягъни 18 нчедекабрь көнне башлангыч класслар атналыгы кысаларында 1-4 нче класслар катнашында, рәсем укытучысы Л.Н.Шәйдуллина "Хохломаның алтын бизәкләре" дигән темага мастер-класс тәкъдим итте. Укучылар мастер-класс дәвамында хохломаның килеп чыгу тарихы, бизәкләрнең төрләре, эшләү тәртибе белән таныштылар һәм үзләре дә агач кашыкларга әлеге бизәкләрне төшереп карадылар.