3 гыйнвар көнне Актанышта укучылар арасында  шахмат турниры үтте.Район җирлекләреннән әлеге турнирда барлыгы 83 шахматчы бала катнашты.

      Безнең мәктәптән 3 класс укучысы Ихсанова Айгөл, 5 класс укучысы Камалов Булат, 6 класс укучысы Ихсанов Данил турнирда уңышлы чыгыш ясап кайттылар.

         29 декабрь көнне Актаныш муниципаль районы "Актаныш авыл җирлегара үзәк китапханә" "Яңа ел маскарады" костюмнары бәйгесе уздырылды.Безнең башлангыч укучылары да бу бәйгедә бик актив катнаштылар.Укучыларга, укытучыларга грамота, рәхмәт хатлары, истәлекле бүләкләр тапшырылды.Бәйгегә укучыларны әзерләделәр:А.Ф.Хисамова, Э.Ф.Гарипова.Аларны уңышлары белән котлыйбыз!

       24 нче декабрь көнне мәктәбебездә зарыгып көтеп алган Яңа ел бәйрәме узды.Бәйрәм кичәсе театральләштерелгән чара белән башланып китте.Кыш бабай белән Кар кызы килгәч, укучылар шигырьләр сөйләделәр, җырладылар.Бәйрәм концерт номерлары белән үрелеп барды.Төрледән-төрле кызыклы уеннар уйнадылар, кичә азагында лотерея уйнатылды, маскаларга урыннар чыгарылды.Кунак булып килгән әти-әниләр, укучылар бәйрәмнән бик канәгать калдылар.

     Бәйрәм кичәсен мавыктыргыч һәм кызыклы итеп 7 класс җитәкчесе Зөлфия Назиф кызы, педагог-оештыручы Ләйлә Наил кызы уздырды.

21-22 нче декабрь көннәрендә укучылар математика һәм рус теле фәннәреннән район мәгариф бүлеге тарафыннан җибәрелгән алдан биреп карау имтихан эшләрен яздылыр.   

19-21 декабря в рамках проекта SMS-дети отрядом "Ялкын" была проведена акция "Подари чудо".

16 нчы декабрь көнне татар теленнән Республика олимпиадасының муниципаль туры узды. Анда безнең мәктәптән 4 укучы катнашты: 4 нче класс укучысы Исламова Әдилә, 5 нче класс укучысы Камалов Булат, 6 нчы класс укучысы Госманова Гөлшат һәм 8 нче класс укучысы Фәррәхова Гөлсылу. Нәтиҗәдә 5 нче класс укучысы Камалов Булат призер булды. (Укытучысы: А.И.Шакирова). Булатны әлеге җиңүе белән котлыйбыз һәм киләчәктә дә уңышлар теләп калабыз!

"Әдәби герой музее" республика бәйгесенең район этабында "Минем яраткан героем" номинациясендә I урын яулаган V класс укучысы Шәйдуллин Гадел, VI класс укучысы Әхмәтова Ленара, VII класс укучысы Галләмова Зәлия бәйге оештыручыларның грамоталары белән бүләкләнделәр. Аларның эшләре республика бәйгесендә катнашып,  лаеклы II урынга ия булдылар. Ә җитәкчеләре Л.Н.Шәйдуллина рәхмәт хаты белән бүләкләнде.

5 нче декабрьдән 10 нчы декабрьгә кадәр мәктәп күләмендә география атналыгы үткәрелде. Атналыкта үткәрелгән ребуслар бәйгесендә 9 нчы класс укучысы Латипов Динарис җиңеп чыкты. 8 нче класста “Татарстанның су ресурслары” дигән темага ачык дәрес үткәрелде. 5-9 класс укучылары катнашында “Йолдызлы блиц” дип исемләнгән географик кичә узды. Анда ике команда география буенча белемнәрен сынадылар. Җанатарлар да актив катнашты. Алар өчен махсус биремнәр әзерләнгән иде. Кичә мавыктыргыч һәм эшлекле төстә үтте. Шулай ук атналыкта “Туган ягым-яшел бишек” дип аталган фотографияләр конкурсы оештырылды. Анда һәр класс туган авылыбыз табигате төшерелгән фотолар алып килде. Иң актив класс дип - 7 нче класс табылды. Ә иң оста фотографлар дип жюри түбәндәге укучыларны атады: Ахмадуллина Лилиана, Исламова Ләйсән, Пылёва Алинә, Госманова Гөлшат. Атналыкны йомгаклап, атналык линейкада укучыларга бүләкләр һәм мактау кәгазьләре тапшырылды. Атналыкны география укытучысы Р.Д.Гарипова оештырды һәм алып барды.

Кыш җиткәч, салкын тиеп авыручылар саны бермә-бер арта. Үз гомерендә бер генә тапкыр булса да, салкын тиеп авырмаган кеше юктыр. Шунлыктан аның клиник симптомнарын һәрберебез яхшы беләбез: тамак төбе авырту, күзләр кызару һәм яктылыктан курку барлыкка килү, томау төшү, тән температурасы күтәрелү. Гриппның да симптомнары шундый ук, тик организмның агулануы бу очракта көчлерәк була (баш һәм буыннар сызлый, йөрәк кага, тән температурасы 40 градуска кадәр җитәргә мөмкин). Сулыш юлы һәм грипп авыруларыннан ничек сакланырга? Әлеге һәм башка сорауларга җавап табу максатыннан, авыл фельдшер-акушерлык пункты мөдире Ләйсән Анамова бүген, ягъни 16 нчы декабрь көнне мәктәп укучылары белән очрашып, “Гриппка каршы профилактика чаралары” дигән темага чыгыш ясады. Көндәлек үтәлергә тиешле кагыйдәләр белән таныштырды, укучыларга гамәли киңәшләрен бирде.

15 декабрь көнне РДК да мәктәп директорлары, татар телчеләре, китапханәчеләр, укучылар катнашында язучылар белән очрашу булды.Кунак булып Ләбиб Лерон, Данил Салихов, Айгөл Әхмәтгалиева, Мирһади Разов, Лилия Гыйбадуллина, Факил Әмән, Фәйрүзә Мөслимова һ.б. килгән иде.Милләтебезнең йөзек кашы, олуг хөрмәткә лаек остаз, шагыйрь һәм юмор остасы Гамил Афзал исемендәге премиягә Татар язучысы, шагыйрь, журналист, Татарстанның атказанган сәнгать эшлеклесе, Татарстан Язучылар берлегенең Шәйхи Маннур исемендәге һәм Абдулла Алиш исемендәге премияләре, Муса Җәлил премиясе лауреаты Ләбиб Лерон ия булды.Әлеге бүләкне район башлыгы Фаил Камаев һәм Татарстан Язучылар берлеге рәисе Данил Салихов тапшырды.