2 август-Һава десантлары гаскәрләре көне. Безнең авылыбызда да әлеге гаскәрдә хезмәт иткән ир-егетләребез аз түгел.Чын күңелдән аларны бу бәйрәмнәре белән котлыйбыз.Аларга исәнлек-саулык,бәхетле тормыш телибез.Илләребез тыныч,күкләребез аяз булсын!

Берләшкән Милләтләр Оешмасы башлангычы белән 30 июль Халыкара дуслык көне буларак билгеләнә. Әлеге көн вакыйгалар календаренда иң яшь бәйрәмнәрнең берсе булып санала.

Дуслык теләсә нинди байлыктан, алтын-мәрҗәннән кыйммәтрәк. Аны бизмәнгә салып та, күтәреп карап та үлчәп булмый. Ул авырлыклар, еллар аша сынала. Янәшәңдә якын дусларың булганда кайгы-хәсрәтләр, борчу-мәшәкатьләр онытыла, җиңеп булмастай кыенлыклар да артта кала.Барыгызны да Дуслык көне белән!!!

Укучыларның җәйге каникуллары дәвам итә. Быел җәй  рәхәтләнеп табигать кочагында булу өчен кояшын да, җылысын да кызганмады.Шулай ук мәктәптә дә түгәрәкләр эшләрен дәвам итәләр.Укучылар өчен мәктәпяны  спорт мәйданчыгында, спорт залында спорт уеннары уйнау,спорт белән шөгыльләнү өчен бөтен мөмкинлекләр дә бар. 

Авылыбызның Зирекле чишмәсен авылда кечесе дә,олысы да яхшы белә. Ул-ял итү урыны да,бәйрәм кичәләре үткәрү өчен дә бик уңайлы, матур урын. Аны төзекләндерү, матурлау өчен авыл җирле үзидарәсе зур өлеш кертте.Инде аны ямьсезләмәү,пычратмау-һәркемнең бурычы. Укучылар елга берничә мәртәбә чишмәне чистарту максатыннан анда булалар.

Җәйге каникуллар чорында авылның болыны-футбол яратучылар өчен иң кулай иркен урын.Монда олысы да,кечесе дә җыелып футбол уйныйлар, рәхәтләнеп аралашалар.Болыннан ишетелгән бала-чага тавышы авылга ямь өсти

Авылыбызның болынында җәйнең-җәендә футбол мәйданчыгы ясап,олысы да,кечесе дә шунда "мәж" килә.Тик табигатьнең үз кануннары-анда гөрләп үлән үсә.Үлән өстеннән футбол тубы белән йөгереп булмаганлыктан, аны үләннән арындырып торырга кирәк. Өлкәннәр үләнне чапсалар,кечкенәләр исә чабылган үләннәрне урнаштыра, кыскасы,һәркем үзеннән өлеш кертергә тели.

Татарстан республикасының “Балаларның сәламәтлегенә, аларның физик, интеллектуаль, психик, рухи һәм әхлак үсешенә зыян килүне кисәтү чаралары турындагы” Татарстан Республиканың 71нче закон нигезендә балигъ булмаганнар 1 сентябрьдән 31 майны кертеп кичке сәгать 10нан иртәнге сәгать 6га кадәр, 1 июньнән 31 августны кертеп кичке сәгать 11дән иртәнге 6га кадәр өлкән кешеләрдән башка җәмәгать урыннарында булырга тиеш түгел.

Хөрмәтле әти-әниләр! Балаларыбызны яман күзләрдән,кырын эшләрдән саклыйк.Аларның кем белән аралашканын,кайда булуыннан хәбәрдәр булыйк,өйдә булырга тиеш вакытны төгәл билгелик!

Авылда,шәһәр белән чагыштырганда, балалар өчен күңел ачу,ял итү урыннары,әлбәттә, азрак. Тик шулай булса да авылның үз яме,табигате, болыннары.чишмәләре бар.Авылның үзәгендә урнашкан балалар мәйданчыгы да ямь өстенә ямь өсти.

Хөрмәтле әти-әниләр! Әйдәгез, бергәләп,балаларыбызга әлеге матурлыкны саклау,үз-үзеңне тоту һәм, әлбәттә, куркынычсызлык кагыйдәләре турында тагын бер кат искәртик!

13 июля в Татарстане прошел V Международный молодежный образовательный форум «Сэлэт».На этом форуме,который проходил  на территории Билярского государственного историко-археологического природного музея-заповедника, из нашей школы участвовало 3 учащихся -победители олимпиад и научных конференций и конкурсов - Мирсаева Алиса,Хабибуллина Айсылу и Гилаева Эльвина. Ведь форум является площадкой демонстрации интеллектуального, творческого, духовного потенциала и созидательной энергии молодежи, пространством формирования толерантности, межкультурного диалога. Участники форума – одаренные дети и талантливая молодежь  не только из Республики Татарстан , но и других регионов России, соотечественники из стран ближнего и дальнего зарубежья.Главная тема форума этого года – «От экологии души к экологии природы». Участники форума приехали с отличным настроением, новыми впечатлениями