Гаддәтәгечә, укучылар көзге бал кичәсен түземсезлек белән көтеп алалар.Бу көнне мәктәп балаларның шат авазларыннан кичкә кадәр тынып тормый. Көзге балга көз кызлары да чакырылган  иде, төрле уеннар да үткәрелде, өй эшләре биремнәрен дә алар зур җаваплылык белән әзерләгәннәр иделәр.9 сыйныф укучылары бәйрәмнең төп хуҗалары булдылар.Бәйрәм яшерен тавыш бирү юлы белән сайланган көзге балның патшасы  һәм патшабикәсен  сайлау һәм аларның биюе белән тәмамланды. Ә икенче өлештә кичке дискотека оештырылды.

Бүген укучыларның  Зәйнең физкультура-сәламәтләндерү үзәгендәге   бассейнга бару теләге шулкадәр көчле иде, алар дәресләр вакытында да тәрәзәдән күзләре алмыйча автобусны көттеләр. Автобус мәктәп каршысына билгеләнгән вакытка килеп туктады. Һәр бала, куркынычсызлык каешларын эләктереп, үз урынына утырды. Күпләр өчен бу бассейнны күрү беренче тапкыр икәнлеген исәпкә алсак, аларның сабырсызлыгын аңларга да буладыр. Душта коенганнан соң, су коену киемнәрен киеп, бассейндагы суга төшеп алар рәхәтләнеп су коендылар.Кемдер жилет киде, арада йөзә белүчеләре дә бар.Йөзә белмәүчеләр өчен махсус  күнекмәләр оештырылды. колачлый-колачлый, рә­хәт­ләнеп йөзделәр алар.Ни кызганыч  булмасын,  бирелгән вакыт төгәлләнде,  балаларның бер дә судан чыгасылары килмәсә дә. бассейн хуҗаларына рәх­мәт әйтеп,  тагын килү теләге белән кайтыр юлга кузгалдылар.Балаларыбызны шат , сау-сәламәт күрүдән дә зуррак куаныч бармы икән?!

Без бүген барлык укучылар һәм укытучылар берлегендэ Казан өчен тавыш бирдек. Казан без синең яклы.

Бүген мәктәптә укытучылар көне уңаеннан бәйрәм кичәсе булып узды. Бәйрәмгә ветеран укытучыларыбызны да чакырып рәхәтләнеп күңел ачтык,биедек-җырладык,матур шигырьләр бүләк иттек.Бәйрәм өчен 5,9 сыйныф җитәкчесе Мирсаева А.А. җаваплы иде.Бер генә укучы да читтә калмады,һәркем үзенең осталыгын күрсәтте.Бәйрәм чәй табыны артында дәвам итте.Бәйрәмегез белән,хөрмәтле укытучыларыбыз! Күңелләрегез һәрчак күтәренке булсын, йөзләрегездән елмаю  бер дә китмәсен,сау-сәламәт булыгыз!

Бүген Өлкән яшьтәге ветеран укытучыларыбыз һәм хезмәткәрләребезне  мәктәпкә бәйрәм кичәсенә чакырдык. Аларга багышлап  укучыларыбыз зур концерт программасы әзерләделәр.Мәктәп директоры Гиляев А.И. ветераннарыбызны котлап,аларга изге теләкләрен юллады.Бәйрәм күтәренке рухта узды.Соңыннан кунакларны   чәй табынына чакырдык.Ветераннарыбызга исәнлек, балалар,оныклар куанычы телибез! Илләребез тыныч булып, балаларының кадер-хөрмәтләрендә яшәргә язсын аларга!!!

Бүген өлкәннәр көне уңаеннан хәйрия ярминкәсе булып узды. Укучылар үзләре үстергән яшелчәләрне  өлкән яшьтәге апа-абыйларга очсыз бәядән ,кайберләрен бушка  тараттылар.Ярминкәнең төп максаты-өлкән буын кешеләренә хөрмәт күрсәтү һәм балаларның күңеленә игелеклелек орлыкларын салу иде.

Һәр яз-көз айларында безнең укучылар агач утырту акциясендә  актив катнашалар. Бүген дә яшь  чыршы үсентеләре утыртылды.Белгечләр әйтүенчә, агач яфрак коя башлап, көннәр суытуга таба киткәч утыртылган яшь үсентеләр яхшы  китәләр икән.Тик беренче көннәрне аларны яхшылап су белән туендырырга кирәк.Үзләре утырткан чыршыларны укучылар күңел җылыларын биреп үстерерләр.без моңа ышаанбыз.

Бүген 5 сыйныф укучылары  рус теленнән диагностик эш башкардылар. Эшләр һәр укучыга исемләп кайта.Сорауларның бик җиңелләре дә, уйландыра торганнары да бар иде.Әлеге эшләр БРИ  формаын хәтерләтә.Монда да дөрес варианты сайлап алу мөмкинлеге булган тест формасындагы  сораулар да, үз фикереңне язарга кирәк булган  бәйләнешле текст төзү дә бар.Әле бу соңгы предмет түгел.Алда сынаулар күп.

Татарстан Республикасы Мәгариф һәм фән Министрлыгының 23.09.2016 №2020\16 "2016-2017 нче уку елында башлангыч мәктәптән төп мәктәпкә күчкәндә укучыларга старт диагностикасы үткәрү" приказы нигезендә, бүген Татарстан Республикасының барлык мәктәпләрендә, шул исәптән Аксар төп белем бирү мәктәбендә   5нче сыйныф укучылары математикадан  старт диагностикасы үтте.30 сентябрь көнне әлеге диагностика рус теленнән узачак.Уңышлар сезгә,укучылар!

Бүген  Россиянең миллионлаган укучылары  һәм студентлары   "Мәгариф өлкәсендә наркоманияне кисәтү" темасына багышланган интернет-дәрестә катнаштылар.Алар арасында безнең мәктәп укучылары да бар иде.Соңыннан нәтиҗә ясап, яман гадәтләрне кисәтү  өчен күңелгә якын шөгыль табарга  һәм спортны яратырга кирәк дигән уртак фикергә килделәр.