27 нче октябрь көнне, Аксар төп белем бирү мәктәбенең  4,6 һәм 8 нче сыйныф укучылары белән Мәгариф һәм Фән министрлыгы тарафыннан, оф-лайн күзәтү астында  татар теленнән Республикакүләм мониторинг үткәрелде. Укучылар, мөстәкыйль рәвештә тест эшләрен эшләп, үзләренең белемнәрен сынадылар.

Бүген  "Яшь армеецлар" отрядының командирлары һәм җитәкчеләре  киңәшмәгә җыелдылар.Киңәшмәдә бурычлар,максатлар, киләчәккә планнар белән таныштырылды.Безнең мәктәптән әлеге  отрядның командиры Бәхтевәлиев Алмаз һәм җитәкчесе Фәйзуллин Р.В. катнашты.

Бүген укучылар  рус теленнән үзләрен сынап карау өчен әзерләнгән БДИ биремнәрен башкардылар.Башка еллардан үзгә буларак ул быел үзебезнең мәктәптә генә узды. Шулай булса да,әлеге сынап карау  имтиханына  укучылар  бик җитди карадылар.Биремнәр җиңелләрдән түгелләр иде. Укучылар үзләренең белемнәрдә булган "кара тапларын" бетерү өстендә эшләргә кирәк дигән нәтиҗәгә килделәр.Мондый имтиханнар башка фәннәрдән дә көтеләчәк.Киләсе атна шимбәсендә ул математикадан узачак.Уңышлар сезгә, укучылар!

Корней Чуковский "Айболит"  әкиятен Шабад дигән доктор белән танышканнан соң язган, дигән версия йөри. Тумышы белән Вильнюстан булган Шабад Мәскәү медицина институтын тәмамлый. Яшәү шартлары начар булуга карамастан,ул ярлыларны дәвалый. Литвага кайткач, үз акчасына ярлы балаларын туендыра. Аңа дәвалату өчен йорт хайваннарын да китерәләр. Ул бик хөрмәтле кешләрнең берсе була. Аның хөрмәтенә Вильнюста һәйкәл дә куелган.Әлеге әкият  күпләргә таныш булса да, бүген мәктәптә күрсәтелгән курчак театры  балалар күңелендә бик матур вакыйга булып кереп калгандыр.Әлеге сәхнә әсәре балаларда кешелеклелек, мәрхәмәтлелелек сыйфатлары тәрбияли. Залда балаларның алкышлауларыннан да аларның ничек кабул итүләрен аңларга була иде

Кышка әзерлек чорында һәр кеше  үзенең йорт-тирәсен,бакча-куралтыраларын чистартып калдыра. Укучылар да үзләренең икенче  йортлары булган мәктәп территориясен  коелган яфраклардан арындырып,кышка әзерләп калдырырга ашыга.Бу шимбә көнне дә җыелышып  өмәгә чыгып яфраклардан,чүпләрдән  чистарту белән мәшгуль булды балалар.

Бүген  Зәй шәһәре һәм районы укучылары  командасы  туризм һәм сәламәт яшәү рәвешен пропагандалау максатыннан  Фәрдиев исемендәге паркка  спорт һәм туризм слетының муниципаль тур ярышларына   җыелдылар.Команда составында "яшь армеец" членнары булу шарт иде. Безнең мәктәп командасы да әлеге ярышта катнашты. Зиннатов Әмир, Бәхтевәлиев Алмаз, Камалиев Инсаф, Гиниятов Нәфисләр үзләрен чын егетләр итеп күрсәттеләр.Нәтиҗәләр әлегә билгеле түгел.Ничек кенә булмасын, афәрин.егетләр!!!

Бүген мәктәптә   татар әдәбиятыннан   Республика  фән олимпиадасының мәктәп туры узды. Олимпиада сораулары барлык сыйныфларда да программа буенча төзелеп, уйландыра торган булды.Укучылар үзләренең көчле һәм йомшак якларын ачыкладылар.Татар әдәбиятын өйрәнүнең кирәклегенә,аның байлыгына тагын бер кат инандылар

Мәктәптә инде барлык фәннәрдән дә диярлек  мәктәп туры олимпиада эшләрен эшләп, җиңүчеләр һәм призерлар билгеләнде. Бүген исә 4-9 сыйныф укучылары үзләренең ана теленнән республика олимпиадасының мәктәп турында катнаштылар. Эшләр бик җиңел булмаса да, биремнәрне тулысы белән эшләгән укучылар аз булмады. Һәр сыйныфта җиңүчеләр билгеләнде.

15 октябрь көнне   Сабада  мәгариф хезмәткәрләренең спартакиадасы төгәлләнде.Иң көчле ,актив педагоглар арасында  үзебезнең укытучыларның булуы зур куаныч. Ә инде аларның җиңү белән кайтуы икеләтә бәхет булды. Безнең мәктәптән  мәктәп директоры Гиляев А.И. һәм Галимов Р.Ш.лар   аркан тартышуда,гер спортында  һәм мини футболда катнаштылар.Афәрин, колегалар!

Беркетелгән территорияләрне җыештыру буенча шимбә өмәләре дәвам итә. Бүген барлык  укучылар ,укытучылар мәктәп янындагы  көзге яфракларны җыйдылар.Яфракларның матурлыгы барлык балаларны да сокландырса да, алардан территорияне арындырырга,чистартырга кирәк шул.Ә яфраклар, укучылар белән шаяргандай, артларыннан ук яңадан  җир өстен алтын келәм белән каплап та куялар.