Бүген илебездә Волонтёрлар көне билгеләп үтелә.
Әлеге бәйрәм көне җәмәгатьчелек игътибарын волонтёрлык кебек мөһим эшкә – мохтаҗларга түләүсез ярдәм итүгә җәлеп итүне максат итеп куя.
Кешеләргә риясыз ярдәм итәр өчен, зур йөрәккә, рух көченә һәм актив позициягә ия булырга кирәк.
Шул уңайдан гимназиябездә 8-9 сыйныф укучыларына “Мин – волонтёр. Бу миңа нигә кирәк?” исемле фильм күрсәтелде. Соңыннан укучылар әлеге юнәлеш, аның төрләре, игелекле эшләр турында фикер алыштылар.

3 нче декабрь көнне - язмыш сынауларына бирешмичә, тормышта үз урыннарын тапкан һәм аны чын күңелдән яраткан көчле рухлы, максатчан кешеләребез – Халыкара инвалидлар көне билгеләп үтелә. Сәламәтлекләре чикле булуга карамастан, күпләребез алардан нык, чыдам булырга, иң мөһиме - тормышны яратырга өйрәнә ала.
Шул уңайдан гимназиябездә дә чаралар узды.
Башлангыч сыйныфлада Фирая Разыйховна “Кешеләргә яхшылык өләшегез” дигән темага әңгәмә үткәрде. Укучылар мөмкинлекләре чикле булган кешеләргә һәм гомумән әйләнә-тирәдәгеләргә игътибрлы булу турында фикер алыштылар.

3 нче декабрь - Билгесез солдат көне билгеләп үтелә.

 Билгесез солдат көне – Россия тарихында чагыштырмача яңа истәлекле дата, ул һәр елны 3 декабьдә билгеләп үтелә. Бу истәлекле көннең мәгънәсе – сугыш хәрәкәтләрендә һәлак булган, ләкин шул ук вакытта исемнәре билгесез калган совет һәм Россия сугышчыларының сугышчан һәм үлемсез батырлыкларын хәтерләүне мәңгеләштерү. Беренче тапкыр безнең илдә Билгесез солдат көнен 2014 елда билгеләделәр. 3нче декабрь  көне дә очраклы гына сайланмады. Нәкъ менә 1966 елның 3 нче декабрь көнендә Мәскәү астында немец-фашист гаскәрләрен тар-мар итүнең 25 еллыгы уңаеннан, Ленинград шоссесының 41 нче километрындагы (Зеленоград шәһәренә керү юлында) һәлак булган совет сугышчыларының туганнар каберлегеннән билгесез солдат җәсәде Мәскәү Кремле стенасы буендагы Александров бакчасына кайтарып җирләнде.

Шул уңайдан гимназиябездә бик күп чаралар үтте. 4 нче декабрь көнне 9 нчы Б сыйныфы укучылары Хәкимҗанова Диана һәм Гайнуллина Гүзәлия гимназия радиосында әлеге темага чыгыш ясадылар. Укучыларны истәлекле дата белән якыннан таныштырдылар.

Бүген, 4 нче декабрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүгенге дәрес игелекле эшләр башкару волонтерлык эшенә багышланган иде һәм «Без бергә» дип аталды.

4 нче декабрь көнне гимназиябез укучылары “Билгесез солдатка хат” акциясендә катнаштылар, хатлар яздылар.  Алар сугышның җимергеч көч булуын аңладылар, бар дөньяда тынычлык булсын дигән теләктә калдылар.

Бөек Ватан сугышы вакытында солдатлар стандарт формадагы  өчпочмаклы хатлар язганнар. Хатлар  ярдәмендә,  фронтта сугышкан солдатлар һәм аларның туганнары арасында элемтә булган. Өчпочмаклы хатлар солдатларның исән-сау булуын яки яу кырында ятып калуы турында хәбәр иткән. 

Гимназиябез укучылары «Гаиләбез батыры” акциясендә катнаштылар. Алар Бөек Ватан сугышында катнашкан якыннары турында кечкенә генә мәкаләләр язып, ВКонтакте социаль челтәренә урнаштырдылар.

Әлеге акциянең максаты - геройларның бөек батырлыклары турында хәтерне саклап калу, киләсе буынарга җиткерү.

2 нче декабрь көнне барлык муниципаль районнарда “Алдынгылар советына” председатель сайлаулары узды. Республика күләмендә 12 кандидат катнашты.
Гимназиябез укучылары да үз тавышларын бирделәр. Беренче турның финалистлары Казан шәһәре укучылары - Нурулина Камилә һәм Гаврилов Ислам.
«Алдынгылар Советы» - укучылар үзидарәсенең яңа органы, анда активистлар мәктәп тормышын яхшырту буенча үз проектларын һәм идеяләрен тормышка ашыра ала.

1993 елдан 3 декабрь Халыкара инвалидлар көне итеп билгеләнде. Әлеге дата белән бәйле рәвештә декабрь башын инвалидлар декадасы итеп үткәрү традициягә керде.
Гимназиябездә дә бу истәлекле көнгә багышлап, бик күп чаралар үткәрелә. 1 нче декабрь көнне башлангыч сыйныфларга "Цветик – семицветик" мультфильмы күрсәтелде. Соңыннан гимназиябез психологы Эльмира Фоатовна укучылар белән фикер алышты.

30 нчы ноябрь көнне башлангыч сыйныларда “Безнең герб” дип аталган иҗади эш уздырылды. Һәр сыйныф үзенең гербын уйлап тапты һәм аны матур итеп ясады.
Герб-илне башка дәүләтләрдән аерып торучы, милләтнең бәйсезлеген һәм тарихи үзенчәлеген ассызыклаучы аерым атрибутиканың бер өлеше ул. Дәүләт символикасы үз эченә гимн, флаг һәм рәсми билгене ала.
Россия гербы-геральдик каноннарга ярашлы итеп эшләнгән махсус эмблема. 1993 елның 30 ноябрендә ике башлы бөркет Россиянең рәсми гербы буларак таныла.
Герб дәүләтнең бөтенлеге идеясен йөртүче һәм аның тарихы, традицияләре һәм менталитеты белән тыгыз бәйләнгән образлар һәм төсләр системасы булып тора. Бу рәсми билгенең тышкы күренеше Россия Федерациясе Конституциясендә беркетелгән.

30 нчы ноябрь көнне “Алдынгылар хәрәкәтенә” багышлау тантанасы узды.
Багышлау вакытында укучылар тантаналы төстә вәгъдә бирделәр, остазларыннан “Алдынгылар хәрәкәте“ билгесен кабул итеп алдылар, берберсенә Дуслык беләзекләре кидерделәр.
Тантанада гимназиябез укучылары Ходярева Даниэлла 8В, Полякова Яна 8В, Гимадеева Сиринә 8В, Сәнгәтуллина Карина 8В, Хәкимянова Диана 9Б, Гайнуллина Гүзәлия 9Б, Хөсәинова Диана 9Б катнаштылр.