31 нче гыйнвар көнне шәһәркүләм Йолдыз Шәрәпова шигырьләрен укучылар бәйгесе узды. Чарада гимназиябез укучылары да катнашып, призлы урыннар яуладылар.

Галимуллина Әминә – 2 урын;

Мальцев Данил – 1 урын;

Зарипова Язилә – 1 урын.

Укучыларны җиңүләре белән котлыйбыз, уңышлар телибез!

Бүген 9 нчы сыйныфларда гимназия психологы Элмира Фоатовна һөнәр сайлау юнәлешендәге дәрес үткәрде. Укучылар “Һөнәр сайлау” исемле фильм карадылар.

Дәреснең максаты - укучыларга һөнәр сайлауда юнәлеш бирү, аларны һөнәр сайлауның җаваплы эш икәненә төшендерү, укучыларда теге яки бу һөнәргә карата кызыксыну уяту.

Алдынгылар хәрәкәте үз эшен дәвам итә. Һәр көн диярлек кызыклы чаралар уза.

Бүген туган тел юнәлеше, заманча җырлар һәм җырчылар белән таныштыру максатыннан, татар эстрадасы җырчысы Гүзәл Уразова иҗатына багышланган чара уздырдылар.

Укучылар җырчының тормыш юлы, иҗаты белән якыннан таныштылар, җырларын тыңладылар, клипларын карадылар. Соңыннан укучылар командаларга бүленеп сорауларга җавап бирделәр.

Бүген, 29 нчы гыйнвар көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүгенге дәрес дипломатия, илебезнең партнерлары һәм берләшмәләре, илләр арасында мөнәсәбәтләр темасына багышланган иде һәм «Россия берләшмәләре» дип аталды.

29 нчы гыйнвар көнне гимназиябездә бию бәйгесе узды. Сыйныфлар заманча, талгын һәм татар халык биюләре әзерләделәр. Дәртле, шаян, матур биюләр һәркемнең күңеленә хуш килде. Катнашучыларга җанатарлар көч биреп торды.

Әлеге бәйгенең максаты булып укучылар арасында бию сәнгатен үстерү, яшь талантларны барлау тора. 

Бу чын мәгънәсендә яшьлек һәм матурлык бәйрәме булды!

Ленинград блокадасы өзелү көненә багышланган чаралар дәвам итә. Гимназиябез укучылары “Хәтер тасмасы” акциясендә катнаштылар. Сугыш темасына эчтәлекле, матур шигырьләр сөйләделәр.

1944 нче елның  27 гыйнвары - Ленинградның камалыштан чыккан көне. Бөек Ватан сугышы тарихындагы бөек вакыйгага 80 ел тулды. Ленинград  1941 елның 8 сентябреннән 1944 елның 27 гыйнварына кадәр - 872 көнгә камалышта кала. Анда яшәүчеләр өчен  бу үлем исе аңкып торган  иң авыр  872 көн була.  Зур шәһәрләрне шулай озак саклауга мисаллар хәтта дөнья тарихында да юк. Шәһәрдә  2,5 миллион кеше кала. Ленинградның тиңдәшсез батырлыгы  тарихка халыкның гаҗәеп кыюлыгы һәм геройлыгы эпопеясы булып  кереп калды.

Шул уңайдан бүген гимназиябездә бердәм дәресләр үтте. Укучылар фильмнар карадылар, үз фикерләре белән уртаклаштылар.

Ватандашларыбызның батырлыгын оныту мөмкин түгел!

1944 нче елның  27 гыйнвары - Ленинградның камалыштан чыккан көне. Бөек Ватан сугышы тарихындагы бөек вакыйгага 80 ел тулды. Ленинград  1941 елның 8 сентябреннән 1944 елның 27 гыйнварына кадәр - 872 көнгә камалышта кала. Анда яшәүчеләр өчен  бу үлем исе аңкып торган  иң авыр  872 көн була.  Зур шәһәрләрне шулай озак саклауга мисаллар хәтта дөнья тарихында да юк. Шәһәрдә  2,5 миллион кеше кала. Ленинградның тиңдәшсез батырлыгы  тарихка халыкның гаҗәеп кыюлыгы һәм геройлыгы эпопеясы булып  кереп калды.

Шул уңайдан бүген гимназиябездә бердәм дәресләр үтте. Укучылар фильмнар карадылар, үз фикерләре белән уртаклаштылар.

Ватандашларыбызның батырлыгын оныту мөмкин түгел!

Холокост корбаннары көненә багышланган чаралар дәвам итә. Бүген сыйныф җитәкчеләре әлеге темага сыйныф сәгатьләре үткәрделәр. Укучылар шул дәһшәтле еллар, корбаннар, әлеге лагерь тарихы белән якыннан таныштылар, фикер алыштылар.

Холокост – нацистлар тарафыннан Европада яшәгән яһүдләрне күпләп юк итүне чагылдыган термин булып санала.  1933-1945 елларда Европаның 60 процент еврей милләте халкы системалы төстә эзәрлекләүләргә дучар булганнар. Советлар Союзы территориясендә 2 млн.900 меңгә якын еврей милләте кешесе һәлак булган.     

2005 елның 1 январендә БМО Генераль Ассамблеясы 27 январь көнен Халыкара Холокост корбаннары көне буларак һәр елны билгеләнеп үтәчәге турында 60/7 резолюциясен кабул итте.

27 январь көнендә Совет армиясе 1945 елда Польшадагы иң зур нацистларның үлем  лагере Освенцим-Биркенауны азат иттеләр, шуңа күрә нәкъ менә шул көн Холокост корбаннары көне булып сайланды. Бу лагерьда төрле исәпләр буенча 1,5тән 2,2 млн.-га чаклы кеше һәлак булган.

Шул уңайдан музыка укытучысы Фәридә Шамилевна “Музыка аша бердәмлек” чарасы оештырды. Укучылар “Фашизм һәм сугыш корбаннары” симфониясе һәм №21 “Каддиш” симфонияләрен тыңладылар һәм килеп туган образларны кәгазьгә төшерделәр.