Карлы бураннар җылы көннәр алып килде. Безнең мәктәпнең башлангыч класс укучылары бүген чаналарын тартып, зур тауга шуарга бардылар. Карагыз әле, әнә ничек күңелле булган аларга!

11 гыйнвар көнне безнең мәктәпктә педагогик утырыш булды. Утырышта беренче яртыеллыкка йомгак ясалды. "Фгос буенча дәрескә максат кую", "Гомумкешелек хәзинәләре" дигән темаларга доклад тыңланды. "Сәламәт яшәү рәвеше" дигән тема буенча видео каралды. Алда торган бурычлар каралды.

Безнең мәктәбебездә 25-26 нчы декабрь көннәрендә чыршы бәйрәмнәре үтте. Бәйрәмдә балалар актив катнашты. Барлык укучыларны, укытучылар коллективын Яңа ел белән котлыйбыз. Сәламәтлек, бәхет , шатлыклар гына юлдаш булсын сезгә! 

Укучыларыбыз табигатьнең матурлыгын, сихрилеген күрә беләләр. "Табигать могҗизалары" дип исемләнгән конкурста алар үзләре төшергән фотоларын урнаштырдылар. 

4 нче класс укучысы Юнусова Рания ( укытучысы Габдрахманова Л.Р.) татар теле буенча олимпиадага катнашып. районда 2 нче урынны алды. Ранияне зур уңышка ирешүе белән котлыйбыз. Һәрвакыт шундый актив булып калсын.

Яңа елга әзерлек йөзеннән. безнең мәктәптә бик күп эшләр эшләнде. Кардан сыннар ясалды, заллар бизәлде, рәсем конкурслары, уенчыкларга конкурс үткәрелде Балалар үз куллары белән төрле материаллардан чыршылар ясадылар. Иң матур чыршы дип 1 класс укучысы Хафизов Илназның чыршысы билгеләнде

Бүген безнең мәктәптә өлкән дәүләт инспекторы Ахатов Фәнис Фирдәвисович белән очрашу булды. Ул башлангыч класс укучыларына юл йөрү кагыйдәләре турында сөйләде. Безнең авыл юллары буенча төрле сораулар бирде. Балалар барлык сорауларга да җавап биреп, үзләренең юл йөрү кагыйдәләрен төгәл үтәүләрен күрсәттеләр. Фәнис Фирдәвисович  һәр бала да тәүлекнең караңгы өлешендә отражатель-яктырткыч тагып йөрергә тиеш икәнлеген тагын  кабатлап әйтте.

Кар яу белән безнең мәктәп укучылары  сыннар ясый башлады. Бүген 9 класс укучылары Кар бабай фигурасы ясады.

МБББУ "Зур Нөркәй урта мәктәбе"ндә бүген коррупциягә каршы дружина сборы үткәрелде. Сборда коррупциягә каршы атналыкка йомгак ясалды: актив укучылар билгеләп үтелде, сочинение һәм рәсем конкурсында җиңүчеләргә грамоталар тапшырылды