Мәктәбебездә  спорт  хәрби – патриотик айлыгы кысаларында  3 нче февраль көнне 5-7 класс укучылары арасында  “Күңелле стартлар”  уены үткәрелде. Бу уенда  укучылар төрле ярышларда көч сынаштылар һәм “Җитезләр” командасы җиңүгә иреште. 

1 февраль көнне БИҮдә  “Ел укытучысы- 2016” республика бәйгесенең “Иң яхшы өстәмә белем бирү педагогы” номинациясенең район туры үтте. Мәктәбебез укытучысы  Дәүләтшин Нияз Илгизович әлеге  этапта  җиңү яулады. Аны бу зур уңышы белән котлыйбыз, алдагы сынауларда уңышлар телибез!

Ел укытучысы конкурсының “Өстәмә белем бирү” номинациясендә математика укытучысы Дәүләтшин Нияз Илгизович,    финал турына узып, бүген, 1 февраль көнне   ачык дәрес бирә. Аңа уңышлар телибез!

1 февральдән Юлбат мәктәбендә Хәрби-патриотик айлык башланды. План нигезендә чаралар оештыру карала.

30 гыйнвар көнне мәктәбебездә ачык сыйныф сәгатләре  узды. Лилия Гаптелмәннәфовна 2-4 сыйныф укучыларын  табышмаклар илендә сәяхәт иттерде. Сыйныф сәгате табигатькә һәм башкалабыз Казанга багышланган иде. Укытучы презентация ярдәмендә кызыклы, мавыктыргыч сораулары аша укучыларны Казанның истәлекле урыннары, архитектура һәйкәлләре, музейлары турында   мәгълүмат бирде.

   Дания Гайфетдиновна 5-9 сыйныф укучылары өчен “Танылган якташыбыз сынчы Кадим Җәмитовка 70 яшь” дигән темага ачык сыйныф сәгате уздырды.  Презентация ярдәме белән ул сынчы якташыбыз турында мәгълүмат бирде, К.Җәмитовны язучы буларак танытты. Сыйныф сәгатендә укучыларда күренекле шәхесебез – сынчы,язучы якташыбыз белән горурлану хисләре тәрбияләнде.

Мәктәбебезнең физкультура укытучысы Гатиятов  Руслан Рәшит улы  укытучыларның  кышкы спартакиадасының  муниципаль турында турниктан тартылу буенча  2 нче урын алды.Аны бу уңышы белән чын күңелдән  котлыйбыз.

27 нче январь  көнне  8 нче сыйныф укучылары, аларның әти-әниләре катнашында бердәм йомгаклау аттестациясендәге үзгәрешләр турындагы положение белән танышу максатында җыелыш үткәрелде.

Сегодня в школе учитель русского языка и литературы Габдрахманова Миляуша Мидхатовна  проводит  «Турнир знатоков русского языка» среди 5-6 классов. Им предстоит нелегкая борьба. Выиграет та команда, которая лучше справится со всеми заданиями. Мы желаем вам успехов!

С 25 по 30 января в школе началась неделя русского языка. Ребята  ознакомились с планом мероприятий. Начали принимать активное участие.