23 февраль - Ватанны саклаучылар көне уңаенан мәктәбебездә “Ягез әле, егетләр!” бәйрәм- бәйгесе узды. Ике команда үзара төрле ярышларда көч сынаштылар. Бәйрәм кызларыбыз тарафыннан әзерләнгән концерт номерлары белән үрелеп барды. Кичә  дискәтүк белән тәмамланды.

23 нче февраль – Ватанны саклаучылар уңаеннан башлангыч сыйныф укучылары  сыйныф җитәкчеләре белән берлектә обелискка барып, Бөек Ватан сугышында һәлак булган авылдашларыбызны бер минутлык тынлык белән искә алдылар. Үз куллары белән ясаган чәчәкләрен салдылар. Обелиск тирәсен кардан арындырдылар.

21 февраль - Халыкара  туган тел көне.Шул уңайдан мәктәбебезнең башлангыч сыйныфларында  “Туган телем-күңелгә якын минем” исемендә класс сәгатьләре узды.

     Хәрби - патриотик айлык дәвам итә. Укучыларда әти-абыйларына карата горурлык, ватанпәрвәрлек хисләре тәрбияләү максатыннан, Совет Армиясе сафларында хезмәт иткән әтиләрнең фотоларыннан “МИНЕМ ӘТИ - СОЛДАТ” дип исемләнгән стенд  куелды. 

В целях формирования представлений об ответственном гражданском поведении детей и молодежи на примерах отважных поступков их сверстников, а также неравнодушного отношения к людям, нуждающегося  помощи, участия в общественных объединений, направленных на заботу о представителях старшего и младшего поколений, сегодня во всех классах пошел Урок Мужества, посвященный Всероссийской общественно-государственной инициативе «Горящее сердце». Урок для 3-5 классов подготовила и провела Галимзянова Л.Г., а для 6-9 классов урок провел Гатиятов Р.Р. На уроке использованы методические рекомендации по проведению Урока Мужества, а также видеосюжет о героическом поступке землячки Мубиновой Сюмбель, которая спасла тонущую  беременную женщину.

Мәктәбебездә Советлар Союзы  герое, талантлы шагыйрь, каһарман шәхес Муса Җәлилнең тууына 110 ел тулуга багышланган “Муса Җәлил – ил улы” дигән темага  сыйныф сәгатьләре үтте. Аның сүзләренә  язылган җырлар тыңланды, матур шигырьләре укылды.

15 февраль герой - шагыйрь Муса Җәлилнең тууына 110 ел. Шул уңайдан  китапханәдә “Исемең калсын үзең үлсәң дә” дигән китап күргәзмәсе оештырылды. Тормыш юлы, иҗатына багышланган викторина сораулары да  куелган иде. Укучылар кызыксынып сорауларга җаваплар эзләделәр, белемнәрен тикшерделәр.  

15 нче февраль – Совет гаскәрләренең Әфган җиреннән чыгарылу көне уңаеннан 5 - 7 нче сыйныфларда җыен узды. Укучыларга Әфган сугышы, аның асылы аңлатылды. Әфганстанда хәрби хезмәт вакытында һәлак булып калган райондашларыбыз, исән – сау әйләнеп кайткан авылдашларыбыз белән таныштырылды. Аларга карата хөрмәт хисе тәрбияләнде.

13 февраль  көнне  “Лыжня России – 2016”, “Лыжня Татарстана – 2016” чаңгы ярышы узды. Әлеге чарада мәктәбебезнең  барлык укучылары, укытучылары һәм техник хезмәткәрләре актив катнашты.

12  нче февраль  көнне 1 нче сыйныф укучылары үзләренең беренче җиңүләрен билгеләп үттеләр. Яраткан китаплары Әлифбаны тәмамлаганнан соң үткәрелүче “Рәхмәт сиңа, Әлифбам!” дип аталган  матур бәйрәм  һәммә кешенең күңеленә хуш килде. Бәйрәмдә  укучыларның әти – әниләре, дәү әниләр дә катнашы. Балалар  килгән кунакларны матур җырлары, дәртле биюләре, сәнгатьле сөйләмнәре белән сөендерделәр. Әлифбаның киңәшләрен истә тотып, Туган телнең теләкләрен тырышып үтәргә сүз биреп 1 нче сыйныф укучылары көтеп алган ялларга таралыштылар.