Г. Тукай исемендәге Арча педагогия көллиятенең музыка бүлеге студенты  Алия Фаилевна, укучыларны һөнәрләр дөньясына алып керү, һөнәргә кызыксыну уяту,  төрле һөнәр ияләренә  хөрмәт тәрбияләү максатыннан  "Ак кораб" отрядында  "Минем булачак һөнәрем"  темасына сбор үткәрде.

Бүген мәгариф хезмәткәрләре арасында узучы олимпиаданың шорт-трек ярышларында башлангыч класс укытучысы Гыйбадуллина Р.Х, физик тәрбия укытучысы Ханнанов Р.Ф катнашты һәм Ризәлә Хәйдәровна 3 урынны яулады. Шахмат ярышларында физик тәрбия укытучысы Гатиятов Р.Р, технология укытучысы Гарипова А.Р.катнашты  һәм Алсу Рәшитовна 1 урынны алды. Аларны җиңүләре белән котлыйбыз!

Г. Тукай исемендәге Арча педагогия көллиятенең музыка бүлеге студенты Амирова Алия Фаилевна "Балачак" отрядында  "Дуслык нәрсә ул?"  темасына сбор уткәрде.

Бүген мәгариф хезмәткәрләре арасында кышкы Спартакиаданың  район этабы башланып китте. Безнең мәктәптән өстәл теннисы буенча китапханәче Махмутова Г.М, .технология укытучысы Яруллин И.И катнашты.  Чаңгы ярышларында мәктәбебез директоры Зәйнәгыев Н.М., физик тәрбия укытучысы Гатиятов Р.Р, Ханнанов Р.Ф, башлангыч класслар укытучысы Хаертдинова С.Н.өстәмә белем бирү педагогы Фаваризова Р.Т катнашты һәм ир-егетләр арасында Наил Мөхәммәтханович 2 урын яулады. Шекше мәктәбе коллективы өчен чыгыш ясаган хезмәткәрләргә рәхмәт белдерәбез. Алга таба эшләрендә һәм тормышларында уңышлар телибез.

Мәктәбебездә 1 февральдән "Спорт-сәламәтләндерү һәм патриотик тәрбия" айлыгы бапшланды.

Ленинград блокадасы Россия тарихында озакка сузылган һәм иң фаҗигале вакыйгалардан санала. Төп-төгәл 871 көн (1941нең 8 сентябреннән 1944 елның 27 гыйнварынача) дәвам иткән әлеге мәхшәрнең кайтавазы әле бүген дә үзен сиздереп тора.

Ленинград шәһәрен фашистлар блокадасыннан тулысынча азат иткәнгә 70 ел тулу уңаеннан һәм әлеге тарихи вакыйгаларны укучыларыбыз хәтерендә яңарту, саклау, истә калдыру максатыннан бүген мәктәбебездә барлык классларда да “Батырлык дәресе” үткәрелде. Һәр класс җитәкчесе әлеге тәрбия чарасына бик ныклап әзерләнгән һәм бик тетрәндергеч, файдалы, эчтәлекле дәресләр үтте дип әйтә алабыз.

 Бөек Ватан сугышын, аның батырларын, бүгенге көндә арабызда булган ветераннарын онытмыйк, аларга кулыбыздан килгәнчә ярдәм итик!

Кечкенэ генэ булуларына да карамастан,2 сыйныф укучылары укытучылары Р.Х.Гибадуллина житәкчелегендэ кошларга жим оялары ясап, ачыккан кошкайларны туендыралар. Кыш коне кошларга азык эзләве авыр, аларга ярдәм итәргә кирәк дип, мэктэп янындагы агачларга эзерлэнгэн жимлеклэрне элделэр, конбагыш, ярма белэн кошларыбызны сыйладылар.

18 январь көнне 4 класс укучылары (кл.җитәкчеләре Хаертдинова С.Н) "Мәктәп  музее тарихы"  темасына проект эшенә әзерләнү максатыннан, музейда булдылар. Музей җитәкчесе Зәйнәгыева З.Ф на, укучыларны кызыксындырган сорауларга бик теләп җавап бирде. Укучылар үзләре өчен бик күп мәгълүмат алдылар.

Беренче яртыеллыкны 8 укучыбыз гел "5" ле билгеләренә генә тәмамлады. Уку отличникларына, башка укучылардан аермалы буларак, кызыл галстуклар тагылды.

10 январь көнне 4 сыйныф укучылары класс җитәкчеләре Хаертдинова С.Н. белән кичке саф һавада мәктәп шугалагында вакытларын файдалы үткәрделәр.