20 март көнне 6 класс укучыларының ата-аналары өчен "Гаилә традицияләре һәм балага хезмәт тәрбиясе бирү" темасына җыелыш узды. Җыелышта барлык ата-аналар катнашты. Җыелыш ата-аналар белән, хезмәт һәм аның бала тормышындагы роле, балада хезмәт күнекмәләре тәрбияләүдә гаилә үрнәгенең әһәмияте турында, лекция-әңгәмә рәвешендә барды. Баланың хезмәт эшчәнлеге, гаиләдә аны бәяләү буенча анкета үткәрелде һәм аңа нәтиҗә ясалды.

21 март көнне Шәмәрдән лицеенда үткән мәгариф хезмәткәрләре арасындагы баскетбол буенча зона ярышында мәктәбебезнең  укытучылар командасы актив катнашкан өчен грамота алып кайттылар. 

20 март көнне мәктәбебезнең бер төркем укучылары тәрбия эшләре буенча директор урынбасары Гимадиева А.И. һәм педагог-оештыручы Габделхакова Г.Р. җитәкчелегендә "Саба дулкыннары" радиосы аша чыгыш ясап, мәктәбебез тормышы белән радио тыңлаучыларны таныштырып кайттылар.

"Балалар китабы атнылыгы" кысаларында мәктәп китапханәсендә "Безнең юбилярлар" китап күргәзмәсе оештырылды.

15 мартта башлангыч классларда "Ачык ишекләр" көне үтте. Әти-әниләр классларда укучыларның дәрестән тыш эшчәнлеген карадылар. 1 класста технология укытучысы Гарипова А.Р. "Яшь дизайнер", 2 класста хореография укытучысы Фаваризова Р.Т. "Музыкаль шкатулка", 3 класста инглиз теле укытучысы Әмирова Л.Ф. "Күңелле инглиз теле" дәресендә "Кызыл калфак" әкиятен, 4 класста ТИН укытучысы Гатиятов Р.Р. "Минем куркынычсызлыгым" дәрестән тыш эшчәнлеген күрсәтте. Педагог-оештыручы Габделхакова Г.Р. эзтабарлар җыены үткәреп, тимурчылык эшен җанландыру турында аңлатты. Соңыннан МБ җитәкчесе Ханнанова А.С. әти-әниләр каршында башлангыч класслар атналыгына йомгак ясап, конкурсларда җиңүче укучыларга мактау кәгазьләре тапшырды.

"Игътибарлы булыйк" тимурчылар отряды тыл ветераны Тагирова Зәкия апаны юбилее белән котладылар. Зәкия апага тыныч картлык теләп,  "Оста куллар" түгәрәгендә ясаган ваза - чәчәк,  котлау открыткасы  язып бүләк иттеләр.

Мәктәбебездә 3 марттан 11 мартка кадәр башлангычлар атналыгы үтте. Төрле конкурслар, уеннар, "Нәни татар сылуы" бәйгеләре, "Математик КВН"нар үткәрелде. Укучылар бу чараларда актив катнашты.

 Чаллы шәһәрендә уздырылган IV Республикакүләм бию сәнгате фестивале "Танцвальная карусель" конкурсында заманча бию белән чыгыш ясаган "Кәләпүш" бию төркеме( 1-4 кл) җитәкчесе ПДО Фаваризова Р.Т.,  I дәрәҗәдәге Дипломга лаек булды. Укучыларны уңышлары белән чын күңелдән котлыйбыз, алга таба да зур уңышлар телибез.

Бәйрәм алдыннан башлангыч класс укучылары "Әниемә бүләк" кул эшләре конкурсында көч сынашты.

1 урын - Фаваризова Ралинә

2 урын - Хатыйпова Динара

3 урын - Зәйниева Рәзинә

1 класста кызлар өчен "Нәни татар сылуы" бәйгесе үткәрелде. Кызлар төрле бәйгедә катнаштылар, ә классташ малайлары бәяләүче булдылар. Нәтиҗәдә Яруллина Руфинә "Нәни татар сылуы" исеменә лаек булды.