11 февраль көнне Балалар иҗат үзәгендә «Дулкыннар» конкурсының район этабы үтте. 2014 нче  елда конкурсының максаты: татар композиторы Фәрит Яруллинның тормышы һәм иҗаты үрнәгендә яшьләрдә, балаларда Ватанга мәхәббәт һәм мили үзаң тәрбияләү.

“Нәфис сүз” номинациясендә җиңүчеләр

Урта төркем:

I урын – Фазылова Таңсылу, Тимершык урта мәктәбе.

II урын – Гайфиев Рәдиф, Закарова Эльмира, Тимершык урта мәктәбе

III урын – “Мизгел” төркеме, Шекше урта мәктәбе (Зиннатова Әдилә, Габделхакова Айгөл)

“Вокал” номинациясендә җиңүчеләр

Кечкенәләр төркеме:

I урын – Закирова Ләйлә, Олы Арташ төп мәктәбе

II урын – Мансуров Райнур, Юлбат урта мәктәбе

III урын – Фаваризова Ралинә, Балалар иҗат үзәге ( җитәкчесе Әбүбәкиров Фәрит)

“Рәсем” номинациясендә җиңүчеләр

Кечкенәләр төркеме:

I урын – Салихов Рүзәл, Олы Арташ төп мәктәбе

II урын – Гасимуллина Язгөл, Олы Арташ төп мәктәбе

II урын – Мөбәрәков Илнур, Шекше урта мәктәбе

III урын – Галимҗанова Илүзә, Явлаштау урта мәктәбе

Уртанчы төркем:

I урын – Шаймиев Булат, Завод-Нырты урта мәктәбе

II урын – Нуриев Илфат, Югары Симет урта мәктәбе

II урын – Рамазанова Гөлназ, Түбән Шытсу урта мәктәбе

III урын – Әхмәтшина Зәлия, Шекше урта мәктәбе

Бу көннәрдә илебез зур тарихи вакыйгалар кичерә. Сочида XXII кышкы Олимпиада башланып киткән көннәрдә мәктәбебез укытучылары, укучылары һәм техник хезмәткәрләре дә чаңгы юлына басты.Көн дәвамында алар чаңгыда шуып, вакытларын саф һавада күңелле һәм файдалы үткәрделәр.

Сәләтле, тәҗрибәле  укытучыларны барлау, мәгариф системасында яңа педагогик технологияләр кертү  максатыннан районыбызда  ел саен «Ел укытучысы» бәйгесе үткәрелә. Әлеге  чара укытучыларның һөнәри үсешен  тәэмин итү, иҗади эшләүче укытучыларның һәм коллективларның педагогик тәҗрибәләрен таратуны максат итеп куя. Әлеге бәйгедә безнең мәктәптән 1 турга 11 укытучы катнашты һәм 2 турга  өч укытучыбыз  татар теле һәм әдәбияты укытучысы Зәйнәгыева З.Ф, башлангыч класслар укытучысы Зиннатова Э.Ш, яшь педагог номинациясендә тәрбия эшләре буенча директор урынбасары, татар теле һәм әдәбияты укытучысы Гимадиева А.И чыкты. Аларны җиңүләре белән котлыйбыз һәм уңышлар телибез.

8 нче февраль көнне мәктәбебездә "Сәламәт гаиләдә - сәламәт балалар" дигән девиз астында бөтенроссия бердәм дәресе үтте. Әлеге дәрес кысаларында һәр класс җитәкчесе үзенең укучылары белән дәресләр үткәрделәр.

Бүген мәгариф хезмәткәрләре арасындагы Спартакиаданың соңгы ярышлары узды. Идәннән этелү буенча инглиз теле укытучысы Галимзянова Г.Г - 3 урынны алды, турникта тартылу буенча физик тәрбия укытучысы Гатиятов Р.Р - 1 урынга лаек булды, аркан тартуда мәктәп директоры Зәйнәгыев Н.М, физик тәрбия укытучысы Ханнанов Р.Ф , технология укытучысы Яруллин И.И, башлангыч класслар укытучысы Хаертдинова С.Н, математика укытучысы Назирова Д.Ә, дартс буенча мәктәп директоры Зәйнәгыев Н.М, өстәмә белем бирү педагогы Фаваризова Р.Т көч  сынаштылар. Гомуми нәтиҗәләр буенча ШЕКШЕ урта гомумбелем бирү командасы 4 нче урында. Әлеге ярышларда катнашкан барлык укытучыларга рәхмәт белдерәбез, саулык-сәламәтлек һәм уңышлар телибез.

Мәктәбебездә спорт - сәламәтлек айлыгы бара. Укучыларыбыз чаңгы, тимераякта шуып сәламәтлекләрен ныгыталар. 1 нче класс укучылары да "Саф һава - тәнгә дәва" девизы астында яшиләр.

Г. Тукай исемендәге Арча педагогия көллиятенең музыка бүлеге студенты  Алия Фаилевна, укучыларны һөнәрләр дөньясына алып керү, һөнәргә кызыксыну уяту,  төрле һөнәр ияләренә  хөрмәт тәрбияләү максатыннан  "Ак кораб" отрядында  "Минем булачак һөнәрем"  темасына сбор үткәрде.

Бүген мәгариф хезмәткәрләре арасында узучы олимпиаданың шорт-трек ярышларында башлангыч класс укытучысы Гыйбадуллина Р.Х, физик тәрбия укытучысы Ханнанов Р.Ф катнашты һәм Ризәлә Хәйдәровна 3 урынны яулады. Шахмат ярышларында физик тәрбия укытучысы Гатиятов Р.Р, технология укытучысы Гарипова А.Р.катнашты  һәм Алсу Рәшитовна 1 урынны алды. Аларны җиңүләре белән котлыйбыз!

Г. Тукай исемендәге Арча педагогия көллиятенең музыка бүлеге студенты Амирова Алия Фаилевна "Балачак" отрядында  "Дуслык нәрсә ул?"  темасына сбор уткәрде.

Бүген мәгариф хезмәткәрләре арасында кышкы Спартакиаданың  район этабы башланып китте. Безнең мәктәптән өстәл теннисы буенча китапханәче Махмутова Г.М, .технология укытучысы Яруллин И.И катнашты.  Чаңгы ярышларында мәктәбебез директоры Зәйнәгыев Н.М., физик тәрбия укытучысы Гатиятов Р.Р, Ханнанов Р.Ф, башлангыч класслар укытучысы Хаертдинова С.Н.өстәмә белем бирү педагогы Фаваризова Р.Т катнашты һәм ир-егетләр арасында Наил Мөхәммәтханович 2 урын яулады. Шекше мәктәбе коллективы өчен чыгыш ясаган хезмәткәрләргә рәхмәт белдерәбез. Алга таба эшләрендә һәм тормышларында уңышлар телибез.