5 класс укучылары, класс җитәкчесе Зәйнәгыева З.Ф.белән берлектә , Сәрдә авылында яшәүче Райлә апага шефлыкка бардылар. Ишегалдында, капка төбендә кар көрәделәр. Райлә апа укучыларга рәхмәт әйтеп, тагы чакырып калды.

Бер - береңә ярдәм итү, өлкәннәргә булышу болар барысы да бик мөһим. Ә менә бездән ярдәм көтеп торучы хайваннарга, кошларга ничек ярдәм итәргә соң?   Бүген 2 класс укучылары да, педагог- оештыручы Корбанова Л.Т. җитәкчелегендә, сбор барышында урамга чыгып , мәктәп янындагы җимлекләрне чистарттылар, кошларның ашарларына бирделәр. Әйе, кыш көне  җимлекләр ясап, шуларга җим сибеп, карын чистартып тору безнең бурыч.

8, 10 нчы класс укучылары ( класс җитәкчеләре Фаваризова Р.Т,  Хабирзянова Р.И) белән берлектә Шекше авыл җирлегендәге оешмаларга экскурсия ясадылар. Экскурсиянең  максаты укучыларның һөнәрләр турындагы белемнәрен ныгыту, теге яки бу эш төренә карата кызыксындыру уяту, хезмәткә карата хөрмәт тәрбияләүдән гыйбарәт булды..

     Безнең халыкта элек-электән өлкәннәргә хөрмәт һәм ярдәм итү изге эш дип саналган. Тәрбия эшендә дә без моны үзебезнең максатыбыз һәм бурычыбыз итеп саныйбыз. Балаларда шәфкатьлелек, кешелеклелек, миһербанлылык сыйфатлары булдырырга тырышабыз.

   Безнең Шекше урта мәктәбендә "Смайликлар" отряды, класс җитәкчеләре Назирова Д.А. берлектә,  шефлык эшләрен даими алып бара.

Буран дулый, буран тынмый,

Дулавы шундый көчле...

Әйе, менә нәкъ җырдагыча буранлап карлар ява. Ялгыз әби-бабайларга бигрәк тә авыр бу көннәрдә. Без дә, 6 класс укучылары педагог оештыручы Корбанова Л.Т. җитәкчелегендә , үзебез шефлыкка алган  Ситдикова Х. әби янына юл тоттык. Ишек алдындагы, капка төпләрендәге карын көрәдек. Кибеттән ипи алып кайттык, тавыкларына ашарга бирдек. Хәмидә әби безгә үзенең олы рәхмәтләрен әйтеп, безнең исәнлеккә дога кылып артыбыздан озатып калды. Хәмидә әбинең нурлы йөзенә карагач үзебезгә дә күңелле булып китте.

Укучыларыбыз технология укытучысы Яруллин И.И белән берлектә метал эшкәртү технологиясен өйрәнү максатыннан Шекше авыл җирлеге машина –тракторлар паркының – тимерчелек, эретеп-ябыштыру, тимер кыздыру, ремонт цехларында булдылар.

Районда бүген зур ярыш. "Дулкыннар" конкурсының муниципаль этабы. Әлеге бәйгедә безнең укучылар зур уңышларга ирешеп кайтты. Менә алар:

Рәсем номинациясе, уртанчылар төркеме - 1 урын Ахметшина З. (Җитәкчесе Гарипова А.Р.)

Вокаль ансамбльләр номинациясе -3 урын Трио Махмутова Г., Хусаинова Р., Рахматуллина Г., ( Җитәкчесе Амирова А.Ф.)

Нәфис сүз, конферанс номинациясе, кечкенәләр төркеме - 3 урын Фаваризова Р. (Җитәкчесе Корбанова Л.Т.)

Нәфис сүз, конферанс номинациясе, уртанчылар төркеме-3 урын Зиннатова А. (Җитәкчесе Зәйнәгыева З.Ф.)

Молодцы укучылар һәм укытучылар. Шулай ук катнашканнары өчен Гыйбадуллина К. (Җитәкчесе Гыйбадуллина Р.Х.), Амиров К. (Җитәкчесе Зиннатова Э.Ш.), Зәйнәгыева З. (Җитәкчесе Гарипова А.Р.)  зур рәхмәт белдерәбез.

 “Сәламәтлек-иң зур байлык”,-дигән мәкаль бар татар халкында. Дөрестән дә, сәламәт кеше генә илебезгә күбрәк файда китерә, куйган максатына ирешә ала. Каникулларыбыз да бик кызыклы һәм файдалы үтә. Без чана, чаңгы шуабыз, саф һавада шөгыльләнәбез.

Каникуллар башлану белән мәктәп тынып калмый. Түгәрәкләр, төрле күңелле чаралар үткәрелеп тора. Бүген без, ГТО кысаларында үткәрелгән, "Күңелле стартлар" уенына җыелдык. Педагог- оештыручы Корбанова Л.Т. һәм физкультура укытучысы Гатиятов Р.Р. укучыларны ярышка чакырды. Ике командага бүленеп алар үзләренең көчләрен сынадылар. Спорт уеннары музыкаль паузалар, болельщиклар чыгышлары белән үрелеп барды. Уенчылар төрле сыйныфлардан булуларына карамастан бырлык тырышлыкларын биреп  җиңүгә омтылдылар. Жюри әгъзалары Гарипова А. Р. һәм  Ахметшина З. соңыннан нәтиҗә чыгарып җиңүчеләрне билгеләде, аларга грамоталар тапшырдылар.