Язлар килгән саен күпме кешенең җан ярасы сыкрый, толларның,  ятимнәрнең күңел хатирәсе яңара, күзләре яшьләнә. Бөек Ватан сугышы елларында өлкән буын әби- бабаларыбызның тормыш юллары аеруча катлаулы сынауларга дучар ителгәннәр. Шундыйларның берсе, тыл ветераны, Мирасова Наилә апа.  2 класс укучылары (кл.җит.Зиннатова Э.Ш.) Наилә апа янында кунакта булып хатирәләрне яңарттылар.Ул  авыр сугыш елларында сугыш чоры балаларының кичерешләре белән уртаклашты, илебезгә, көнебезгә тынычлык теләде.

5 класс укучылары (кл.җит. Зайнагиева З.Ф.) тыл ветераны Таһирова Зәкия апа янында булдылар. Зәкия апа үзе һәм кызы Рима апа бик күп истәлекләре белән уртаклаштылар. Укучылар буклет төзү өчен, Зәкия апа һәм аның тормыш иптәше сугыш ветераны Ислам абый турында күп язмалар, фотолар алып кайттылар. Рима апа үз истәлекләре белән уртаклашкан кулъязманы мәктәп музеена тапшырды. 

Һәр авыл җирлегендә дә изге урыннар, һәйкәлләр бар. Аларны җыештырып, тәртипләп тору безнең һәрберебезнең дә бурычы. Бүген "Оптимисты" отряды тимурчылары (ПО Корбанова Л.Т.) һәйкәл яны җыештырырга бардылар. Карларын тараттылар, себереп чүпләрен түктеләр.

10 и 11 апреля учащиеся 8-11 классов участвовали в республиканской олимпиаде по истории Татарстана  и татарского народа. Все принимали участие с огромным желанием, так как осознали то, что это наша история и мы должны всегда знать и помнить ее. 

8 нче апрель көнне Казан шәһәренең 6 нчы гимназиясендә "Глобальләштерү - хәзерге заман чынбарлыгы" исемендәге IX республикакүләм гуманитар фәнни-гамәли конференциясе булып узды. Безнең мәктәптән 9 нчы класс укучысы Габделхакова Айгөл "Татар филологиясе. Татар теле" секциясендә (җитәкчесе -Зәйнәгыева З.Ф) III урынны яулады. Аларны уңышлары белән котлыйбыз!

Отныне каждое шестое апреля любители настольного тенниса по всему миру будут отмечать свой праздник – день настольного тенниса. Цель события – объединить людей, увлекающихся спортом, принести много положительных эмоций и позволить всем играть друг с другом, с акцентом не на соревновательный дух, а на удовольствие от игры. Учителя и учащиеся нашей школы тоже неравнодушны к этому виду спорта, поэтому сегодня все желающие смогли попробовать свои силы в соревновании по настольному теннису.  Настольный теннис – спорт для всех и каждого.

Мәктәп күләмендә ата- аналар җыелышы булып үтте. Җыелышка психолог Нагимова А.А. килеп 9-11 класс укучыларының әти- әниләренә "ЕГЭ, ГИА экзаменнарын биргәндә психологик ярдәм" темасына аерым аралашу үткәрде. Җыелышта шулай ук 71 нче закон искә төшерелеп үтте.  Әти - әниләр үзләрен  борчыган сорауларга җавап алдылар.

Ата -аналар җыелышында ,мәктәп күләмендә үткән чараларда  актив катнашкан гаиләләргә, рәхмәт хатлары тапшырылды: Махмутовлар, Гараевлар, Шарифуллиннар, Яруллин Илшат һ әм Илгиз гаиләләре, Сабирзянова Радим һәм Рафис гаиләләренә, Гарифуллиннар , Галимовлар, Шигабиевлар, Хафизовалар, Фаваризовалар гаиләләренә. Бу әти- әниләргә рәхмәтебезне белдерәбез. 

Бөек Җиңүнең 70 еллыгын бәйрәм итү уңаеннан республикада киномарафон старт алды. Үсеп килүче буында патриотизм тәрбияләү максатыннан 2 нче класста (класс җитәкчесе Зиннатова Э.Ш)  тәрбия сәгатендә сугыш елларында сугышчыларның батырлыкларын тасвирлаган фильмнар карау оештырылды.

Бүген мәктәп күләмендә "Нәүрүз" бәйрәме үткәрелде. Бирнә җыю белән башланып киткән әлеге бәйрәм, "Икелеләр карачкысы" яндыру, концерт программалары, төрледән - төрле кызыклы уеннар һәм инде әлбәттә "Карга боткасы" белән дәвам итте.