12 нче февраль көнне мәктәбебездә  "Инфознайка" бөтендөнья уен - конкурсы булып үтте. Ел саен бу уенда укучылар бик теләп катнаша, ә бу юлы 16 бала информатика фәне буенча үз көчләрен сынап карарга булдылар. Алар уңышка ирешер дип ышанып калабыз. Киләсе елга тагын да күбрәк катнашучылар көтеп торабыз.

Бүген 5 класста "Җырлы-моңлы туган як" темасына дәрестән тыш эшчәнлеккә музыка укытучысы Әмирова А.Ф. чакырылды. Укучылар апаларына үзләре кызыксындырган сорауларын бирделәр. Дәрес гитарага кушылып "Сабам минем - гүзәл ягым " җырын башкарып тәмамланды.

11 нче февраль көнне Шәмәрдән лицеенда  "Иң яхшы әйдаман" конкурсының зона этабы үтте. Бирегә Шәмәрдән, Явлаштау, Шекше, Иштуган, Эзмә , Корсабаш мәктәпләреннән килгән әйдаманнар үзләренең "Иҗат сандыкларыннан" 15 минутлык  чара күрсәттеләр. Безнең , 8 класс укучысы, Ахметшина Зәлия  "Кояшкай" отряды белән "Парк төзик кошларга" дип исемләнгән проект эшләделәр. Әйдаманга һәм эзтабарларга уңышлар телибез.

Мәктәбебезнең 10 класс укучысы Зәйнәгыева Зәлинә, татар мәктәпләре арасында уздырылган, татар теленнән республика олимпиадасында призер булды һәм Мәгариф министрлыгының Мактау Грамотасы белән бүләкләнелде. Укытучысы Зәйнәгыева Зөлфия Фоат кызын һәм Зәлинәне чын күңелдән котлыйбыз, чиксез рәхмәтебезне җиткерәбез.

  "Лес боится огня" республика конкурсының мәктәп туры үтте. Укучылар үзләренең рәсемнәрен бик матур һәм тырышып эшләгәннәр. Нәтиҗәләр түбәндәгечә:

1 урын: Фаваризова Айзиля, Хатипова Диляра

2 урын: Халиуллина Сөмбел, Мирзегалямова Ания

3 урын: Хусаенова Дина, Сагитова Таңсылу

Мәктәп турында җинүчеләрнең эшләре республика турына җибәрелде. Алда аларга уңышлар телибез.

9 февраль көнне III сыйныфлар белән (класс җитәкчесе Гибадуллина Р.Х.), М.Җәлилнең туган көненә һәм Бөек Җиңүнең 70 еллыгына багышлап, "Муса Җәлил эзләре буйлап" дип аталган сыйныф сәгате узды. Анда укучылар М.Җәлил, аның иҗаты белән якыннанрак таныштылар, Җәлилчеләр турында мәгълүмат алдылар.

7 февраль көнне мәктәбебезнең чаңгы трассасында, көчле чаңгычыларны билгеләү максатыннан, "Чаңгы-2015" массакүләм ярыш үтте.

Тиздән "Зарница" уеннары килеп җитә. Әлеге уңайдан Гатиятов Р.Р.  1 класс  укучыларына стройда йөрү күнегүләрен өйрәтә, хәрби- патриотик хис тәрбияли. ГТО кысаларында үткәреләчәк уеннарга әзерли.

Февраль ае көчле җил -давыллары белән башланып китте. Мәктәп тирәсендәге җимлекләргә кар тулды.... Кошларга җим биреп торуны, ояларын кардан аралап, чистартып торуны  1-2 класс укучылары башкара. Бүген Амирова Л.Ф. укучылар белән әлеге эшләрне башкарды һәм укучыларда ярдәмчеллек хисләре тәрбияләде.

"Ел укытучысы " республикакүләм конкурсының муниципаль этабында мәктәбебездән "Сыйныф җитәкчесе" номинациясендә Гибадуллина Р.Х. , "Өстәмә белем бирү укытучысы" номинациясендә Фаваризова Р.Т. һәм "Балалар коллективын оештыручы" номинациясендә Корбанова Л.Т. катнаштылар. Әлеге бәйгедә  башлангыч класслар укытучысы Гибадуллина Р.Х. югары балларга ия булып республика зона этабында катнашу хокукы алды.  Аны җиңүе белән котлыйбыз һәм алдагы этапларда уңышлар телибез!