Район күләмендә "Созвездие - Йолдызлык" конкурсының сайлап алу этабына мәктәптән - Хореография номинациясендә "Кәләпүш" бию төркеме кызлары(Җитәкчесе - Фаваризова Р.Т.) , Вокал- соло номинациясендә Амиров Камил ( җитәкчесе- Амирова А.Ф.)  , конферанс номинациясендә Хаертдинов Ранис (җитәкчесе - Корбанова Л.Т. ) катнашты. Ранис белән Камил үз номинацияләрдә әлеге турны үтеп , 23-24 мартларда Биектау районында узачак зона этабында катнашалар. Аларга уңышлар телибез. 

Туган тел көне уңаеннан татар теле һәм әдәбияте  укытучысы Зайнагиева З.Ф. укучылар белән берлектә "Әллүки" әдәби гәзите чыгардылар. 5-6 класслар арасында "Туган телем- татар теле" КВНы, 3 класс укучылары арасында мәкаль  әйтү ярышлары үткәрделәр.

Бүген мәктәбебездә "Любовь к родине дыша..." дип исемләнгән патриотик  җырлар конкурсы булып үтте. Әлеге бәйгедә укучылар бик теләп һәм актив катнаштылар. Бәйгене оештырган  музыка укытучысы Амирова А.Ф., педагог- оештыручы Корбанова Л.Т., физкультура укытучысы Гатиятов Р.Р.  соңыннан нәтиҗә чыгарып укучыларга дипломнар тапшырдылар. ГТО кысаларында узган  бәйге бик күңелле үтте.

Хәрби- патриотик һәм физкультура- спорт айлыгы кысаларында мәктәбебездә төрледән төрле ярышлар үткәрелеп тора. Шуларның берсе автомат җыю ярышы. 18 февраль көнне үткәрелгән әлеге бәйгедә укучылар бик теләп катнаштылар. 

18 февраль көнне, Саба балалар иҗат үзәгендә , Балалар район ДУМАсының чираттагы утырышы узды. Россия гимны белән башланып киткән әлеге утырышта укучылар эшләнелгән эшләргә отчет тапшырдылар, психолог белән тренинг уздырдылар, ДУМАга яңа активлар сайладылар,  башка мәктәптәге иптәшләре белән аралаштылар. Соңыннан барысы да күмәк флешмоб биеп, шат күңел белән таралыштылар. 

Билен кысып буган, диләр,
Бигрәкләр  уңган, диләр;
Әллә каян күренеп тора —
Солдатта булган, диләр.

Мәктәбебездә патриотик айлык дәвам итә. Бүген II класста (кл.җит. Зиннатова Э.Ш.) солдатта булган әтиләр белән очрашу булды. Укучылар Ватанны саклау изге бурыч икәнлегенә, батыр, акыллы, җитез булырга, спорт белән шөгыльләнергә кирәклегенә инандылар.

13 февраль көнне бадминтон түгәрәге үткәрергә район тарафыннан җибәгелгән тренер В.А.Медведев килде. Ул түгәрәккә йөрүчеләрне  уен кагыйдәләре белән таныштырды. Укучыларга дәрес бик ошады.

Бүген - Гашыйклар көне. Без дә әлеге уңайдан бер - беребезгә йөрәкләр ясап бирүне традиция буенча дәвам иттек. Укучылар  үзләренең теләкләрен, бәйрәм котлауларын дусларына, классташларына җиткерделәр. Җир йөзендә мәхәббәт булса, матурлык яши. Шуңа күрә барыгызга да сөеп, сөелеп яшәргә язсын дигән теләктә калабыз.

 Патриот шагыйрь М.Җәлилнең туган көне уңаеннан татар теле һәм әдәбияты кабинетында әдәби күргәзмә эшләде. Укучылар шагыйрьнең "Моабит дәфтәрләре"нә кертелгән шигырьләре белән таныштылар.

Мәктәптә бүген олы тантана. Очрашу була дип, мәктәпне сагынып төрле уку йортларында укучы студентлар кайтканнар. Гашыйклар көне алдыннан булганга күрә, әлеге бәйрәмдә студентлар һәм укучылар төрле уеннар уйнадылар. Укучылар, студен тормышы белән кызыксынып,  сорауларны берсе артыннан берсен  яудырып кына тордылар. Кичә концерт номерлары белән үрелеп барды. Тагын шундый очрашулар булсын иде дип, студентлар безнең белән саубуллашты. Бу кичә әле алар күңелендә озак сакланыр дип ышанасы килә.