Безнең авылда сугыш ветераннары инде юк, шуңа күрә сугыш чоры балалары белән очрашулар үткәрәбез. 2 март көнне 8 класс укучылары (Кл.җит. Фаваризова Р.Т.) Гумеров Миннислам бабай белән очрашуга бардылар. Миннислам бабай укучыларны яхшы кәеф, шат күңел белән каршы алды. Ул үзенең истәлекләрен сөйләп, гармунда уйнап безне бик сөендерде. Бүгенгесе көндә ул- улы Илшат гайләсендә, тыныч тормышта  яши. Бабай без киткәндә, илләр тыныч , күкләр аяз булсын дип, теләк теләп озатып калды. ГТО кысаларында мондый чаралар алга таба да дәвам итеп торыр дип ышанабыз.

Ватанны саклаучылар көне уңаеннан патриотик темага оештырылган фотоконкурска укучылар үзләренең ,төрле елларда хезмәт иткән,әтиләре, абыйларының фотоларын алып килделәр. Һәр кешенең үз әтисе үзенә кадерле һәм якын. Шуңа күрә без барлык катнашучыларны да рәхмәт хаты белән бүләкләп, фотолардан газета ясап куйдык. 

Аңа "Ил сагында тора егетләр" дип исем бирдек.

28 нче февраль көнне район күләмендә укучылар арасында чаңгы ярышы үткәрелде. ГТО кысаларында үткәрелгән бу ярышта безнең мәктәп командасы 5 нче урынны яулады. 

"Минем әти иң-иң шәбе" дип исемләнгән бәйрәм кичәсен без, Ватанны саклаучылар көненә багышлап үткәрдек. ГТО кысаларында үткәрелгән бу чарага әтиләр, абыйлар килгән иде.  Без аларны ике командага бүлеп ярыш уздырдык. Ярышлар матур җырлар, биюләр белән үрелеп барды. Соңыннан жюри бәя бирде һәм әтиләргә грамоталар тапшырылды. Бәйрәм кичәсе күңелле үтте. 

Шулай ук 27 февраль көнне мәктәпкә район психологлары килде. Алар укучылар белән тренинглар, әти -әниләр белән очрашып әңгәмә кордылар.

27 февраль мәктәптә  укучылар көтеп алган "Әлифба" бәйрәме үткәрелде. Класс җитәкчесе Мирзегалямова Г.Б. матур итеп бәйрәм программасы әзерләп, әти - әниләрен дә кунакка чакырган иде. Укучылар, үзләрен белем иленә алып кергән ,беренче китап белән саубуллаштылар. Матур җырлар җырлап, шигырьләр сөйләп , барысы да укый- яза белгәннәрен күрсәттеләр. Алга таба да тырышып укырга сүз бирделәр.

23 февраль - Ватанны саклаучылар көне буларак билгеләп үтелә. Шушы уңайдан 2 класста (кл.җитәкчесе Зиннатова Э.Ш.) "Ягез әле, егетләр!" бәйгесе үткәрелде. Җиңүче булып Хаертдинов Ранис танылды. Егетләребез барысы да тырыш һәм тапкыр булдылар. Молодцы!

"Ин яхшы әйдаман !" конкурсынын  район этабы да килеп җитте. Зона ярышларында җингән әйдаманнар бүген Саба балалар иҗат үзәгенә килделәр. Биредә алар үзләренең талантын күрсәтергә тиешләр. Җиңүче булмасак та, безнең укучыларда, әлеге ярышны карарга бардылар. Алар иптәшләренең чыгышларын карап үзләренә кирәкле мәгълүматлар алдылар. Вожатый Ахметшина З. актив катнашкан өчен Рәхмәт хаты белән бүләкләнде. 

Район күләмендә "Созвездие - Йолдызлык" конкурсының сайлап алу этабына мәктәптән - Хореография номинациясендә "Кәләпүш" бию төркеме кызлары(Җитәкчесе - Фаваризова Р.Т.) , Вокал- соло номинациясендә Амиров Камил ( җитәкчесе- Амирова А.Ф.)  , конферанс номинациясендә Хаертдинов Ранис (җитәкчесе - Корбанова Л.Т. ) катнашты. Ранис белән Камил үз номинацияләрдә әлеге турны үтеп , 23-24 мартларда Биектау районында узачак зона этабында катнашалар. Аларга уңышлар телибез. 

Туган тел көне уңаеннан татар теле һәм әдәбияте  укытучысы Зайнагиева З.Ф. укучылар белән берлектә "Әллүки" әдәби гәзите чыгардылар. 5-6 класслар арасында "Туган телем- татар теле" КВНы, 3 класс укучылары арасында мәкаль  әйтү ярышлары үткәрделәр.