1 июнь – Балаларны яклау көне

1 июнь балаларны яклау көне район балалар бакчаларында тәрбияләнүче балалар өчен зур бәйрәм булды.  Кичәне, барлык балаларны һәм әти – әниләрне бәйрәм белән котлап, мәгариф бүлеге начальнигы урынбасары Билалова Л.Р. ачып җибәрде. Бу көнне "Олимпиягә безнең сәлам!” сәламәтлек театры конкурсына нәтиҗә ясалып, әлеге конкурста җиңгән коллективлар бүләкләнде.
Безнең бакча балалары 3 нче урынга лаек булдылар.Шулай ук "Иң оста роль башкаручы кызлар” исеменә  Гыйбадуллина Камилә , "Иң оста роль башкаручы малайлар” исеменә Әмиров Камил лаек булды.
 Кичәнең икенче өлешендә "Куркынычсыз юллар – балаларга!” район конкурсына йомгак ясалды.Бездә тәрбияләнүче Хаертдинова Таңсылу кызыксындыру бүләгенә лаек булды.Безнең  бу көнне алган кичерешләрне сүзләр белән аңлатып бетерерлек түгел! Без үзебезнең балалар белән горурланабыз, аларга уңышлар, саулык-сәламәтлек телибез. Балаларның күңелләрен күргәннәре , чын бәйрәм ясаганнары өчен, шушы бәйрәмне оештыручыларга бик зур рәхмәт!

9 нчы июнь көнне безнең бакча балалары “ Сабантуй” бәйрәмендә катнашып матур бүләкләр алдылар.Үзләренең җырлары,биюгә осталыклары белән әти-әниләрен куандырдылар,тамашачыларны рәхәтләндереп ял иттерделәр. Безнең балаларны зурлаганы өчен, һәрчак чакырып көтеп алганы өчен Шекше мәдәният йорты мөдире Ләйсән Хисмәтовага зур рәхмәтебезне җиткерәбез!

Җәйнең беренче көнендә үк малайлар һәм кызлар өчен бергә җыелып күңел ачарга мөмкинлек туа. Районыбызда Халыкара балаларны яклау көненә багышлап төрледән-төрле чаралар уздырыла. Безнең Шекше авыл җирлегендә яшәүче һәм кунакка кайтучы балалар инде берничә ел рәттән мәдәният йорты каршындагы мәйданга җыелып бәйрәм итә. Алар өчен быел “Күңелле балачак” дип исемләнгән мәдәни-спорт бәйрәме оештырылды. Төрле уеннар, бәйге-ярышларга нигезләнгән бу чарада “Акчарлак” ясле-бакчасында тәрбияләнүче нәниләр , Шекше урта мәктәбе укучылары, шулай ук мәктәп каршында оештырылган “Кыңгырау” сәламәтләндерү лагерендә ял итүче балалар, авылга кунакка кайткан малайлар һәм кызлар, әле 1 яшен тутырып тәпи атлый башлаган сабыйлар да катнашты. Балалар күмәкләшеп тә, аерым-аерым да ярышты бу көнне. Алар чүлмәк вату, капчык киеп йөгерү, кашык белән су ташу кебек сабантуй уеннарын да, чиләккә туп ыргыту, скакалкада сикерү, банкага теннис шары салып бүләк алу, кыстыргыч җыю һ.б. төр уеннарны да үз итте. Малайлар һәм кызлар командаларга тупланып эстафетада көч сынашты бу көнне. Балалар арасында җыр-бию, нәфис сүз бәйгесе дә үткәрелде. Ярыш-уеннарда катнашучыларның барысына да мәдәният йорты, китапханә хезмәткәрләре әзерләгән,  шулай ук мәктәп яны  лагеренә йөрүче балаларның әти-әниләре, сабыйларны куандырырга теләгән авылдашлар китергән бүләк-призлар тапшырылды.

Кадерле балалар!

Сезне ихлас  йөрәктән бүгенге бәйрәм белән котлыйбыз! Бүген безнең барыбыз өчендә моңсу һәм шатлыклы бәйрәм көне. Без кабат үз оябыздан кош балаларын биек, зәңгәр күкләргә очырабыз!

              Кадерле балалар!

Алда сезне   катлаулы , сикәлтәле,бормалы юллар көтә, киртә-каршылыкларга да очрар. Ләкин сез нык торыгыз, көчле рухлы булып калыгыз, бу тормышта үз юлыгызны табыгыз!

Бакчагызны һичкайчан онытмагыз!

Бәхетле булыгыз!

Ак юл сезгә!

Сез кайдан? – дип сорасагыз,

 - Без – Шекшедән, “Акчарлак” бакчасыннан.

- Сикерәбез,

 - Уйныйбыз,

 - Хәрәкәтне яратабыз,

 - Һич кенә тик тормыйбыз.

 - Башкалабызда зур бәйрәм,

Шат күңелле бар халык.

 Сәлам, универсиада,

Без Сине көтеп алдык!

                                   Һәр көн алсу таңнар атсын,

                                   Күңелне куандырып.

                                   Таңнарда кошлар сайрасын,

                                   Бар җиһанга кушылып.

                                   Сугыш уты җирдә кабынмасын,

                                   Гөрләп үссен игеннәр.

                                   Матур тормыш өчен көрәш барсын,

                                   Ишәймәсен гарип – ятимнәр.

                                   Хушлашырга вакыт җитте,

           Тәмамланды кичәбез.

           Мондый бәйрәмнәр еш булыр

           Сез бик теләп килсәгез.

           Бүгенгенең гүзәл бер мизгеле

           Күңелләрдә калсын уелып.

           Соңгы кабат булмас язган булса,

           Гөрләшербез кабат җыелып.

Җиңү бәйрәмнәре ел саен авылыбызда зурлап үткәрелә.Бөек Ватан сугышында катнашкан бабайлар инде авылда берәү генә калды.Бакчага йөрүче балалар мәдәният йортында үткән бәйрәм чарасында катнашып,әбиләрен,бабайларын җиңү бәйрәме белән котладылар.

Җиңү көне!

Халык бәйрәм итә.

Яз төренгән янар комачка.

Җир чәчәкләр тезгән күкрәгенә,

Йөз балкытып карый кояш та.