Шатлыклар күңелебездә,

Ал кояш күгебездә.

Килгәннәр дуслар кунакка,

Ярышлар бүген бездә.

Килгәннәр безгә кунаклар,

Тезелдек үзебез дә.

Көрәшик тә, узышыйк та-

Ярышлар бүген бездә!

Без бүген зурлар төркеменә йөруче балалар белән пластинография методы кулланып, пластилиннан мозаика формасында Кар бабай сүрәтен бизәдек. 

    Балалар бакчасына 30 ел гөмерен багышлап, анда йөрүче балаларны тәмле-тәмле ризыклар белән сыйлап торучы Ибраһимова Рузалия Исламгали кызына 26нчы гыйнвар көнне 50 яшь тулды. Хөрмәтле Рузалия апабыз! Сезне чын күңелебездән матур бәйрәмегез-50яшьлек юбилей көнегез белән тәбрик итәбез.Сезгә иң мөһиме-сәламәтлек, бәхет, шатлык, балаларыгыз  һәм оныкларыгызның игелеген куреп, күңел тынычлыгында яшәргә язсын. Сезгә авыр һәм мактаулы эшегездә зур уңышлар насыйп булсын.

Ибраһимова Рузалия Исламгали кызына фидәкарь хезмәтләре өчен Саба муниципаль районы мәгариф бүлеге грамотасы тапшырылды.

Бу атнада бакчабызда белем бирү эшчәнлеге  юл йөрү кагыйдәләрен өйрәнүгә багышлана. Балалар белән төрле хәрәкәтле уеннар уйналды, яңа мәкаль-әйтемнәр, шигырьләр белән таныштык. Балалар белән юл йөрү билгеләрен һәм яңа терминнар өйрәндек.

Бүген без балалар белән ана теле шөгылендә кышкы урманга "сәяхәткә" чыктык. Күзләребезне йомдык та, узебезне урманда кебек хис итеп, табигатьне күзәттек. Шуннан соң балалар үзләре күзаллаган күренешне рәсем дәфтәрләренә ясадылар.

Сихри тынлык монда.

Тирә-якта

Ак мамыктай йомшак кар ята.

Йоклый урман,

Бүген Гыйнвар бабай

Аны шулай назлап йоклата.

Бар да ап-ак,

Бары чыршы гына

Әүвәлгечә купшы киенгән,

Кыш килгәнне, ахыры сизми калган,

Йоклап киткән яшел киемнән.

Ява карлар, яңа карлар.

Кышның ак гөлләре.

Якты булсын, ап-ак булсын,

Илемнең көннәре.

Ишетелеп торсын җирдә,

Балалар көлгәне.