Бүген авылыбыз фельдшеры Зарипова Э Р.укучылар арасында педикулез авыруын ачыклау максатыннан медосмотр үткәрелде.Шунысы куанычлы, укучылар арасында әлеге чир белән авыручылар юк.

Бүген авылыбыз фельдшеры Зарипова Э.Р.белән очрашу оештырылды.Ул укучыларга йогышлы чирләр,бигрәк тә, кыр тычканнары,кимерүче хайваннар таратучы чирләр турында файдалы чыгыш ясады.Укучыларга табигатькә чыккан чакларда алардан сак булырга чакырды.Сәламәт булыйк,укучылар! 

Бүген 5-8 нче сыйныф укучылары "Нарат" боз сараена барып  рәхәтләнеп тимераякта шудылар.Шугалак өстендә бер сәгать сизелми дә үтеп китте.Укучыларның йөзләре шатлыктан нур бөрки иде.Ай,рәхәттә соң бу каникуллар!

Балтачта үтүче "Шаги в науку" дип исемләнгән фәнни конференциядә 8 нче сыйныф укучысы Габдрахманова С.Р.катнашты. Сөмбел уңышлы чыгыш ясап өченче дәрәҗәдәге диплом белән бүләкләнде. Молодец,Сөмбел!

Бүген Сатыш мәдәният йорты хезмәткәрләре белән берлектә мәктәбебездә "Нәүрүз"бәйрәме булып үтте.Бәйрәмдә Сатыш авыл җирлеге башлыгы Ф.Ф.Шафигуллин да катнашты.Укучылар  "Хуш киләсең,Нәүрүз!"дип аталган театральләштерелгән тамаша карадылар,төрле уеннарда көч сынаштылар.Соңыннан коймак белән чәй эчү оештырылды.Ф.Ф.Шафигуллин укучыларга рәхмәт белдерде һәм тамашада катнашучыларга истәлек бүләкләре тапшырды.

Каникуллар күңелле һәм файдалы үтә.Бүген укучыларыбыз "Оста куллар",Хореография түгәрәкләрендә шөгыльләнделәр.9,11 сыйныф укучылары өчен консультацияләр оештырылды.Аерым укучылар белән индивидуаль эшләр оештырылды.

Шефлык эше дәвам итә. 9 нчы сыйныф укучылары Фәүзия апага шефлык итеп кайттылар.Алар түбәдән кар көрәделәр,су агар өчен канау казыдылар.Фәүзия апа балаларга бик рәхмәтле.

2 нче сыйныф укучылары укытучылары Билалова И.Н.белән берлектә "Чит телләр фестивале"ндә уңышлы чыгыш ясап кайттылар.Рәхмәт,сезгә!

Бүген мәктәбебездә әти-әниләр җыелышы булып узды.Җыелышта Сатыш авыл җирлеге башлыгы Ф.Ф.Шафигуллин,фельдшер Зарипова Э.Р.катнашты .Э.Р.Зарипова "Туберкулез-йогышлы чир"темасына доклад белән чыгыш ясады.Ф.Ф.Шафигуллин 27 март көнне узачак референдум турында сөйләп узды.Хасанова М.Р."3 нче чирек йомгаклары,алда торган бурычлар",Әхмәтшина Р.И."3 нче чиректә класстан тыш эшләр торышы.Каникул планы.Алда торган эшләр" темасы белән чыгыш ясадылар.Соңыннан әти-әниләр индивидуаль сөйләшүләргә таралдылар. 

Бүген 2сыйныф укучысы Шарифуллина Г.,10 сыйныф укучысы Зәйнетдинова Ә.Васил Гарифуллин исемендәге "Серле каләм" иҗат бәйгесенең бүләкләү тантанасында катнаштылар.Алар мактау кәгазе һәм истәлекле бүләккә лаек булдылар.Молодцы,укучылар!