Халыкара Туган тел көне уңаеннан, бүген башлангыч сыйныф укучылары өчен,  тәнәфесләрдә көн дәвамында татарча мультфильмнар күрсәтү оештырылды.Әлеге чара укучыларда туган телебезгә карата хөрмәт тәрбияләү максатыннан оештырылды.

Туган телем-иркә гөлем,

Киңдер сиңа-күңел түрем!. 

Әфганчылар көне уңаеннан бүген Сатыш мәдәният йорты хезмәткәрләре белән берлектә "Әфган яши безнең йөрәкләрдә!"дип исемләнгән әдәби-музыкаль кичә оештырылды.Кичә укучыларга патриотик тәрбия бирү юнәлешендә бик отышлы булды.

Бүген 15 февраль-Әфганчылар көне.Шушы уңайдан мәктәп радиосы аша "Онытылды Әфган, димәгез!" баш астында Әфганстан сугышы темасына җырлар яңгырады.Җир йөзендә кабат сугышлар кабынмасын,илне сугыш сөреме капламасын иде.

Бүген туган тел атналыгы планы нигезендә Гильманова А.Н. җитәкчелегендә 7-8 нче сыйныф укучылары белән берлектә Брей-ринг үткәрелде. Әлеге уенда ике команда көч сынашты. Уенчылар 4 турда белемнәрен сынадылар. Уенда 8 нче сыйныф укучылары командасы җиңү яулады. 

Муса Җәлилнең тууына 110ел тулу уңаеннан, Сатыш мәдәният йорты хезмәткәрләре белән берлектә, бүген 1-11 сыйныф укучылары катнашында "Гомерең калсын җирдә маяк булып!"дип исемләнгән класстан тыш чара үткәрелде.Кичә барышында укучылар кабат шагыйрьнең тормыш юлы һәм иҗаты белән таныштылар,шигырьләрен тыңладылар,"Хыял" бию төркеме кызларының биюләрен карадылар.

Бүген дәресләрдән соң барлык сыйныфларда чаңгы ярышы булып узды. Әлеге ярышта мәктәбебезнең укытучылары да актив катнаштылар. Ярышчылар өчен кайнар чәй һәм тәм-томнар әзерләнгән иде. Җиңүчеләр билгеләнде һәм аларга мактау грамоталары тапшырылды. 

Айлык план нигезендә бүген ике рота кызлары арасында отжимание ярышы булып узды.Әлеге ярышта икенче рота кызлары җиңү яулады.

Гражданлык һәм хәрби- патриотик тәрбия бирү айлыгы планы нигезендә бүген турникта тартылу ярышы булып узды. Ярыш 52/45 нәтиҗәсе белән I ротага җиңү китерде.Молодцы,егетләр! 

10 нчы февраль көнне тарих һәм җәмгыять белеме фәне укытучысы Марданова С.Х. "Гражданин. Җәмгыять. Дәүләт."дигән темага Парламент дәресе үткәрде.Укучыларга аңлаешлы рәвештә әлеге төшенчәләргә бәяләмә бирелде. Гражданин буларак укучылар төрле ситуацияләрдә үзләрен ничек тотарга кирәклеге турында мәгьлумат алдылар.Дәрестә Сатыш авыл җирлеге башлыгы Шафигуллин Ф.Ф.катнашты. 

"Татарның атаклы композиторлары һәм аларның музыкаль әсәрләре" темасына үткәрелгән кичәдә укучылар күп кенә композиторлар һәм аларның әсәрләре белән таныштылар.Соңыннан викторина сорауларына җаваплар бирделәр.