Хөрмәтле хатын-кыз укытучылар,укучы кызлар! Сезне язның беренче бәйрәме -8 март халыкара хатын-кызлар көне белән тәбрик итәбез! Сезгә ныклы сәламәтлек,эшегездә һәм укуыгызда зур уңышлар телибез!

Бүген мәктәп күләмендә Сатыш мәдәният йорты хезмәткәрләре белән берлектә егетләр әзерләгән "Җырыбыз Сезгә бүләк булсын!" дип исемләнгән бәйрәм тамашасы булып узды.Егетләр классташ кызларны,хатын-кыз укытучыларны,техник хезмәткәрләрне чын күңелдән бәйрәм белән котладылар.Рәхмәт сезгә,егетләр!

23 нче февраль-Ватанны саклаучылар көне һәм 8 нче март-Халыкара хатын-кызлар көне уңаеннан, башлангыч сыйныф укучылары һәм әти-әниләре катнашында Гаилә бәйрәме үткәрелде. Бәйрәм барышында укучылар да,әти-әниләр дә төрле ярышларда көч сынаштылар.Бәйрәмнән укучылар үзләре дә,әти-әниләр дә канәгать калдылар.

23 нче февраль- Ватанны Яклаучылар көне уңаеннан кызларыбыз "Җырым булсын бүләгем!"дип исемләнгән концерт-тамаша күрсәттеләр.Тамаша барышында кызларыбыз ир-ат укытучыларны,укучы егетләрне бәйрәм белән котлап матур җырлар,биюләр,эчтәлекле тамаша күрсәттеләр.Егетләребез бик канәгать калдылар.

Хөрмәтле ир-ат укытучылар,укучы егетләр! Сезне 23 нче февраль-Ватанны саклаучылар көне белән чын күңелдән тәбрик итәбез.Сезгә ныклы сәламәтлек,эшегездә һәм укуыгызда зурдан- зур уңышлар телибез.

Хәрби-патриотик һәм гражданлык тәрбиясе бирү айлыгы кысаларында бүген авылыбыздагы һәйкәл-обелискка венок салынды.Бер минутлык тынлык белән илнең иминлеген саклап, яу кырларында ятып калучылар искә алынды.

21 нче февраль-Халыкара Туган тел көне уңаеннан мәктәптә Мөхәмәтханова Г.М. җитәкчелегендә кичә узды.Кичә барышында туган телдә шигырьләр,җырлар,биюләр башкарылды.Г.Тукайның "Туган тел" шигыре өч телдә яңгырады.Әлеге чара укучыларда туган телебезгә мәхәббәт тәрбияләүдә зур роль уйнады.

Бүген ике рота арасында автомат сүтеп-җыйнау ярышы оештырылды.Ике ротадан да кызлар да, егетләр дә катнашты. Җиңү- беренче рота ягында булды.Молодцы, укучылар!

Сатыш авылы китапханәсе мөдире Габдрахманова Гөлфинә башлангыч сыйныф укучылары белән берлектә Халыкара Туган тел көне уңаеннан "Туган телем-иркә гөлем!" исемле әдәби-музыкаль кичә үткәрде.

Бүген һәр класста "Батырлык дәресләре" үтте.Әлеге дәресләрдә укучылар тыныч тормышта батырлык күрсәтүчеләр-суга батучыларны,янгын эчендә калучыларны коткаручылар,мохтаҗларга ярдәм итүчеләр,сугыш кырларында батырлыклар күрсәтүчеләр һ.б.батырлар турында бай эчтәлекле видеоматериал карадылар,әңгәмә оештырдылар.Әлеге чара укучыларга патриотик һәм әхлак тәрбиясе бирүдә уңышлы булды.