Бүген мәктәбебезгә игелекле ярдәм күрсәткән спонсорларыбыз белән очрашу үткәрелде.  Әлеге очрашуда ООО “Сабинская ПМП “Мелиорация” җитәкчелеге исеменнән Габдрахманов Р.В. катнашты. Расил Василович “Техник иҗат” түгәрәгендә эшләнгән әйберләрдән оештырылган күргәзмә һәм Шайхлисламов Б.Ф. алып баручы  түгәрәк эшчәнлеге белән танышты. Шулай ук чаңгы базасында булып, Галиев А.Г. үткәргән түгәрәккә йөрүче укучылар белән дә очрашты. Эзмә урта мәктәбе укытучылар һәм укучылар коллективы, күрсәткән ярдәмнәре өчен спонсорларыбызга зур рәхмәтләрен белдерде, Рәхмәт хатлары тапшырылды.

Бүген районның балигъ булмаган балалар белән эшләү инспекторы Сибагатов А.А. һәм участок уполномоченные Мубараков Ф.Р. экстремизм, терроризм темасы буенча, шулай ук пиротехника куллану, кышкы каникулдагы куркынычсызлык кагыйдәләре буенча гомуммәктәп линейкасында чыгыш ясадылар.

Инвалидлар декадасы уңаеннан мәктәбебез укучылары, укытучылары һәм барлык хезмәткәрләре елдагыча традиция буенча хәйрия акциясендә катнашып, Югары Утар инвалид балалар йортына алып бару өчен  җылы оекбаш, башмак, бияләйләр,  концтоварлар һәм күчтәнәчләрне бердәм булып җыеп алып барып тапшырдык. Әлеге изге эшебез белән анда тәрбияләнүчеләрне шатландыру, үзебезнең күңелләребезгә җылылк өстәде. Бу игелекле эшне алга таба да дәвамлы булыр дип ышанабыз. Акциядә барлык катнашучыларга да рәхмәтебезне җиткереп,  киләчәктә дә мәрхәмәтле, изге күңелле булып  калуларын телибез.

Укучыларда  кешелеклелек,миһербанлылык,яхшыны  яманнан  аера  белү, тирә-юнебездәге ярдәмгә мохтаҗ булганнарны игътибарсыз калдырмау  сыйфатлары тәрбияләү максатыннан, сыйныфларда  "Игелеклелек дәресләре" үткәрелде.

9 нчы декабрь көнне Эзмә урта мәктәбендә Ватан Геройлары көне билгеләнеп үтелде. Гомуммәктәп линейкасында укучыларга әлеге көннең тарихы һәм Ватан геройлары турында мәгълумат бирелде. Мәктәп думасы активистлары педагог - оештыручы Н.С.Зиганшина белән берлектә һәйкәл-обелискка венок салдылар һәм батырларны бер минутлык тынлык белән искә алдылар.

Инвалидлар ункөнлеге уңаеннан игелекле эшләребез дәвам итә. Мәктәбебездә макулатура җыю оештырылды. Барлыгы 730 кг. макулатура җыеп тапшырып, аннан кергән сумма "Забота" фондына һәм Эзмә авылында яшәүче, ДЦП белән авыручы Шайдуллина Фәридә счетына күчерелде.

Балалар мәктәп Думасы активистлары инвалидлар ункөнлеге уңаеннан "Мәрхәмәт" исемле стена газетасы чыгардылар.

 Бүген мәктәптә “Билгесз солдат” көне билгеләнеп үтелде. Гомум мәктәп линейкасында элеге акция турында сөйләнде һәм Билгесез солдат  бер минут тынлык белән искә алынды. 
“Кыңгырау” группасы эзтабарлары белән “Билгезез солдат батырлыгы” дигән темага отряд җыены үткәрелде. Җыенның практик күнекмәләр өлешендә обелискка куярга чәчәкләр ясалды. 
Укучылар белән батырлар истәлегенә куелган обелискка чәчәкләр кую оештырылды.