Бүген  Лесхозда үткәреләчәк  шахмат ярышында безнең мәктәп командасы да катнаша. Түбәндәге состава уйнаучы мәктәп командасына уңышлар телибез: Ганиев Айдар, Хөсәенов Рәлис, Галиев Рәнис, Газизуллин Азат, Мусин Гаптельнур, Сәләхетдинов Булат, Марсилә Мәҗитовна, Ренат Хамитович. 

Бүген авылыбыз мулласы Фәйзрахманов Илнур җитәкчелегендә коръән аятьләрен һәм сүрәләрен яттан уку ярышы булды. Укучылар коръән аятьләрен һәм сүрәләрен бик матур итеп укыдылар. Ә иң оста укучылар Сабада чыгыш ясарга барачаклар. Алар түбәндәгеләр: Шакиров Алмаз, Фазлыев Алмаз, Гафиятов Йосыф, Сабирҗанов Айнур, Газизуллин Азат.

4 сыйныф укучылары 3 март көнне рус теленнән, 4 март көнне татар теленнән, 5 март көнне математикадан белемнәрен бәяләү мониторингында катнаштылар.

Бүген Явлаштау башлангыч профсоюз оешмасының 2009-11 елларга отчет-сайлау җыелышы үткәрелде һәм эшчәнлеге "канәгатьләнерлек" дип бәяләнде. Профком рәисе итеп кабат Шакирова Марсилә Мәҗитовна сайланды.

30 март көнне бию түгәрәге үтте. Балалар төрле халык биюләрен өйрәнделәр.

27-28 март көнне Яшел Үзән шәһәрендә хоккей уеннары булып узды. Районның җыелма "Тимерхан" хоккей командасы составында безнең мәктәптән Галиев Рәнис, Ярмиев Рәзил, Аухадиев Салават катнаштылар. 3 урынга ия булып бронза медальга ия булдылар.

28 март көнне район күләмендә мәгариф хезмәткәрләре арасында үткәрелгән бадминтон ярышында безнең мәктәп командасы да катнашты һәм бик зур уңышка иреште. Ир-ат директорлар арасында безнең мәктәп директоры Гибадуллин З.Ф. I урынны яулады. Котлыйбыз!!!