Бүген мәктәбебездә кышкы лагерь эшли башлады. Лагерьда 9 нчы, 10 нчы һәм 11 нче сыйныф укучылары ял итә һәм сәламәтлекләрен ныгыта. Шул ук вакытта ЕГЭ, ГИА га әзерлек эшләре дәвам итә. Лагерьның программасы бик кызыклы: боз сараена бару, Казанның истәлекле урыннарына сәяхәт кылу,татар халкында яратып уйный торган уеннар, волейбол, баскетбол уеннары һ.б.

Кыш ул йөрми үзе ялгыз гына

Иярткән ул матур бәйрәмне.

Нинди бәйрәм диеп сорасагыз,

Бүген бездә чыршы бәйрәме.

Кыш бабай, Кыш бабай

Безне бик ярата.

Ул безгә яңа ел

Бүләге тарата.

Бүген, нәкъ, шигырьдәгечә, Кыш бабай һәм Кар кызы, үзләренең дуслары белән укучыларга бүләкләр өләштеләр.

Мәктәбебездә традиция буенча һәр елны Яңа ел бәйрәме алдыннан, лотерея билетлары уйнатыла .Аны уйнату 9 нчы сыйныф укучыларына тапшырыла.Быелгы 9 нчы сыйныф укучылары да үзләренә йөкләнгә эшне әйбәт кенә башкарып чыктылар.Барлыгы 286 билет сатылды.

Башлангыч сыйныфларда ФГОС таләпләре буенча дәрестән тыш эшчәнлек оештырылып килә. Бүген әти-әниләр өчен дәрестән тыш эшчәнлекне күрсәтү максатыннан Ачык ишекләр көне үткәрелде. 1 нче классларда Хазиева Рәмзия "Күңелле математика", Шәймуллина Ләйлә "Үз кулларыбыз белән", 2 нче классларда Гафиятова Алисә "Кызыклы математика", 3 нче классларда Гузялова Алеся "Күңелле инглиз теле" дәрестән тыш эшчәнлеге шөгыле күрсәттеләр.

Традициягә кергән Кар сыннары конкурсында безнең мәктәп тә актив катнаша.Быел без кар сыннарын "Казан. Универсиада 2013" девизы астында ясадык. Безнең әкият геройларыбыз барысы да спорт сөючеләр.

Бөтенроссия төбәкара  "ЮНИС" фәнни-эзләнү эше буенча район турыннан узып, укучыбыз Хафизова Нәргизә  ЯР Чаллы шәһәрендә үткәрелгән конкурста катнашып, уңышлы чыгыш ясап кайтты.

Рус теле буенча үткәрелгән олимпиаданың район турында укучыбыз Балтачова Зөлфия  II урын, ә рус әдәбиятыннан I урынга лаек булды.Ә Мусина Рүзилә рус әдәбиятыннан III урынга лаек булды. Укучыларыбызны һәм аларның рус теле укытучылары Усманова Шәмсенур Гаязовнаны зур уңышлары белән котлыйбыз.

Химия фәне буенча үткәрелгән олимпиаданың район турында мәктәбебез укучысы Сәйфуллин Ранил II урынга лаек булды. Укучыбызны һәм аның укытучысы Галимҗанова Равилә Габделбәровнаны уңышлары белән котлыйбыз.

Мәктәбебезгә бадминтон буенча Европа чемпионы Ольга Козлова килде. Ул бадминтон түгәрәгендә шөгыльләнүче укучылар белән мастер-класс үткәрде.Укучылар бик канәгать калды.