Бүген лагерь ачылу тантанасы үтте. Күңелле биюләр, дәртле җырлар, матур шигырьләр һәркемнең күңеленә хуш килерлек булды. Лагерь начальнигыбыз Фәйрүзә Нурисламовна һәм вожатый апаларыбыз безгә күңелле яллар теләделәр.  Аннан соң кызыклы сораулар илендә сәяхәттә булдык. Әлеге илдә үзен иң белемле һәм тапкыр итеп Әүхәдиев Фәннүр танытты. Тәмле ризыклар белән сыйланыр алдыннан саф һавада берсеннән-берсе кызыклы уеннар уйнадык. Иң соңыннан “Сәлам юллыйм” уенын оештырдык. Көнгә нәтиҗәләр ясап, һәммәбез дә канәгать булып өйләребезгә таралыштык.

31 нче май көнне 11 сыйныф укучылары рус теленнән БДИ тапшырдылар.

Бүген 9 сыйныф укучылары математикадан дәүләт йомгаклау аттестациясе узалар. Аларга бүгенге һәм киләсе имтиханнарны уңышлы тапшыруларын телибез!!!

Бүген 11 нче сыйныф укучылары биология һәм информатикадан БДИ тапшыралар.Уңышлар телибез!!!

Бүген мәктәбебездә күңелле дә, моңсу да бәйрәм - "Соңгы кыңгырау " бәйрәме үтте.

21 май көнне 2001-2002нче елгы малайлар арасында Саба муниципаль районы беренчелегенә футбол ярышы булып үтте.Бу ярышта безнең мәктәп командасы да уңышлы уйнады. 

5 май көнне спорт һәм янгын сүндерү төрләре буенча район ярышында укучыларыбыз катнашып уңышлы чыгыш ясадылар.

8 май көнне  һәйкәл янында Җиңү бәйрәме уздырылды. Монда сугыш һәм тыл ветераннары чакырылган иде. Аларны авыл җирлеге башлыгы Фәйзуллин Н.Ф. һәм районнан килгән кунак котлады. Котлауларны дәвам итеп мәктәп укучылары үзләре әзерләгән концерт номерларын күрсәттеләр. Аннары һәйкәлгә чәчәкләр һәм веноклар куелды, сугышта ятып калганнарны искә алып бер минут тынлык игълан ителде.