9-11 нче сыйныф укучылары Сабада оештырылган очрашуда катнаштылар. Алар КНИТУ укытучылары белән, уку йортындагы тәртипләр,андагы бүлекләр һ.б. белән танышып кайттылар.

Профком рәисе Шакирова Марсилә Мәҗитовна һәм мәктәбебез директоры Гыйбадуллин Зөлфәт Фоатович мәктәптә эшләп ялга чыккан һәр пенсионерның өендә булып, хәлләрен белештеләр һәм бәйрәм белән котладылар.

Башлангыч сыйныф укучылары көзге табигатькә экскурсия ясадылар.

Ял көне булуга карамастан, йөгерү көнендә укучылар да, укытучылар да актив катнаштылар.

Шимбә көнне районда үткәреләчәк Кабак бәйрәменә бик теләп әзерләндек.

Мәктәбебезгә район профсоюз җитәкчеләре Гузялова Гөлнәзирә Мөдәрисовна, Галимуллина  Дания Муллануровналар хезмәт коллективы белән очрашуга килделәр.

Шимбә көнне район буенча җиңел атлетика буенча ярышлар узды. Безнең мәктәптән дә укучылар актив катнашты.

11 сентябрь көнне Кукмара поселогында республика күләмендә оештырылган "Балкыш" фестиваленең зона этабы уздырылды. Безнең мәктәптән әлеге фестивальдә укытучыбыз Шигабиева Фәйрүзә Нурисламовна һәм укучыларыбыз Сәйфуллин Ранил, Зиннатова Ландыш катнаштылар.

Чакыра, тагын чакыра

Кыңгырау классларга.

Бүгеннән - Белем көненнән

Уку елын башларга.

Лагерьның 13 нче көне аеруча мавыктыргыч булды.Иртәнге аштан соң, мәктәп музеена экскурсиягә бардык. Анда Явлаштау авылы тарихы белән таныштык, борынгы әйберләрне карадык. Кызыклы һәм мавыктыргыч экскурсиядән соң пионербол, футбол буенча ярышлар булды.Спорт ярышларында ике команда егетләре дә сынатмады.Ә "Җәй кызы" конкурсына әзерләнеп килгән кызларыбыздан күзләр камаша иде. Конкурсның җиңүчеләре булып Миләүшә, Гөлфизә, Айсинә, Илүзә табылды.