Мәгариф хезмәткәрләренең кышкы спартакиадасы уңаеннан үткәрелгән волейбол ярышларының  финал туры кабат Балык Бистәсендә үтте. Сигез команда катнашында үткән уенда Сабалылар беренчелекне яулады. Җиңүчеләрне чын күңелдән котлыйбыз!

Мәктәбебезнең хоккей мәйданчыгы көн дәвамында тынып тормый. Укучылар анда хоккей уйныйлар, үзара ярышалар һәм шуу серләренә өйрәнәләр.

Мәктәбебез укытучылары "Ел укытучысы - 2016" район конкурсында актив катнашалар. Аларга уңышлар телибез!

Мәгариф хезмәткәрләре кышкы спартакиадасының зона ярышлары дәвам итә. 29 гыйнвар көнне Балык Бистәсенең “Дельфин” спорт комплексында  мәктәп директорларыннан гына торган командалар волейбол уенында көчләрен сынашты. Саба районы командасы беренчелекне яулады. Молодцы!

24 гыйнвар көнне Шәмәрдән авыл җирлегендә хоккей ярышлары булып  узды. Ярышларда Шәмәрдән, Явлаштау һәм Тимершык командалары көч сынашты. Явлаштау командасы составында укучы егетләребез дә бар иде. Командалар барлык көчләрен куеп уйнаганнан соң, түбәндәге нәтиҗәләргә ирештеләр:

Явлаштау - Шәмәрдән     3:1

Тимершык - Явлаштау      1:0

Шәмәрдән – Тимершык   3:2  

Молодцы, егетләр!

22 январь көнне Балалар иҗат үзәгендә "Дулкыннар" республика бәйгесенең сайлап алу туры үтте. Бәйге Клара Булатова иҗатына багышланган иде. Укучылар осталык белән әдипнең шигырьләрен укыдылар, аның сүзләренә иҗат ителгән җырларны башкардылар, конкурска Клара Булатова әсәрләре буенча рәсемнәр тәкъдим иттеләр. Укучыларыбызны чын күңелдән җиңүләре белән котлыйбыз!

Рәсем номинациясе, уртанчылар төркеме:

1 урын – Мирзагаллямова Диләрә, Явлаштау урта мәктәбе, җит. Ахатова Т.А.,

Вокал номинациясе, уртанчылар төркеме:

2 урын – Ахатова Тамчыгөл, Явлаштау урта мәктәбе, җит. Ахметзянова А.Г.

Нәфис сүз номинациясе, уртанчылар төркеме:

3 урын – Хафизова Нәргизә, Явлаштау урта мәктәбе, җит. Шакирова З.Р.

Башлангыч сыйныф укучылары Гибадуллин Зөлфәт Фоат улы җитәкчелегендә саф һавада булдылар.  Алар чаңгыда йөрүнең төрле алымнарын өйрәнделәр, рәхәтләнеп чаңгы шудылар.

Бүген  5-7  нче сыйныф җитәкчеләре Галиева Г.Х., Ахметова С.В., Файзыханова А.И.  укучыларга Нюренберг процессына 70 ел уңаеннан “Фашизм турында ниләр беләсез” дигән темага тәрбия сәгатьләре үткәрделәр. Әңгәмә барышында, сугыш – бу сүз күп кешеләрнең күңелендә аяныч һәм сагыш уятуы,  анда аларның әтиләре, абыйлары, ирләре һәлак булулары турында балалар бәйнә-бәйнә үзләренең фикерләрен җиткерделәр. 

15 нче январь көнне мәктәбебездә капиталь ремонт башланып китте. Хәзерге вакытта зданиеның тышын төрәләр.

Бүген, 19 январь көнне Явлаштау урта мәктәбе 8-9 сыйныфларында тарих укытучысы Ярмиева Г.М. Нюрнберг шәһәрендә халыкара хәрби трибунал немец хәрби җитәкчеләренең эшен карауга 70 ел уңаеннан “Хаклык авазы” дигән темага дәрес үткәрде. Дәрестә “Нюрнберг 70 лет спустя” дигән документаль фильм күрсәтелде һәм фильм буенча әңгәмә үткәрелде.  Укучылар дәрестән бик тетрәнүле халәттә чыктылар