Каникул көннәрендә 4 нче сыйныф укучылары белән рус теле, ӘТД һәм математика фәннәреннән май аенда үткәреләчәк Бөтенроссия тикшерү эшләренә әзерлек эшләре бара. 

   23 нче март көнне Габдулла Тукай исемендәге Арча педагогика көллиятендә, тел – әдәбият сөюче укучылар өчен оештырылган “Илһам” конкурсының зона этабы үтте. Безнең мәктәптән “Яшь прозаик” номинациясендә Галиева Гөлинә (җитәкчесе татар теле һәм әдәбияты укытучысы Галиева Г.Х.) уңышлы чыгыш ясады.Гөлинә бу бәйгедән иҗади уңышларына сөенеп, илһамланып кайтты.  

   Мәктәбебездә балалар һәм яшүсмерләр китабы атналыгы кысаларында, "Китаплар иленә сәяхәт" исемле кичә үткәрелде. Укучылар бу кичәдә яңа китаплар белән таныштылар, табышмакларга һәм викторина сорауларына җаваплар таптылар, китапларны саклап тоту кагыйдәләрен исләренә төшерделәр.   

   Шәмәрдән лицее базасында "Аҗаган - 2016" хәрби - спорт уеннары үтте. Командалар стройда җырлап бару, автомат сүтеп җыю, төз ату, турникта тартылу, эстафета һәм башка төрләр буенча көчләрен сынаштылар. Безнең мәктәп укучылары да бу уеннарда актив катнашты.  

   Мәктәптә каникул вакытында да укучылар тавышы тынып тормый. 9,11 сыйныф укучылары имтиханнарга әзерләнәләр, фәннәрне авыр үзләштерүче укучылар өстәмә консультацияләргә йөриләр.

 Башлангыч сыйныф укучылары, Мишәбаш мәктәбе укучылары белән берлектә, "Нарат" боз сараена бардылар. Алар тимераякта шуу серләренә төшенделәр, күңелле ял иттеләр. 

   Профориентация айлыгы кысаларында, төрле уку йортларыннан килгән вәкилләр белән очрашулар дәвам итә. Бүген КНИТУның нефтехимия һәм нанотехнологияләр факультеты студенты Галимов Рәнис, 8 -- 11 нче сыйныф укучылары белән очрашты. Ул укучыларны укырга керү шартлары белән таныштырды, сорауларга җавап бирде.