24 гыйнвар көнне Шәмәрдән авыл җирлегендә хоккей ярышлары булып  узды. Ярышларда Шәмәрдән, Явлаштау һәм Тимершык командалары көч сынашты. Явлаштау командасы составында укучы егетләребез дә бар иде. Командалар барлык көчләрен куеп уйнаганнан соң, түбәндәге нәтиҗәләргә ирештеләр:

Явлаштау - Шәмәрдән     3:1

Тимершык - Явлаштау      1:0

Шәмәрдән – Тимершык   3:2  

Молодцы, егетләр!

22 январь көнне Балалар иҗат үзәгендә "Дулкыннар" республика бәйгесенең сайлап алу туры үтте. Бәйге Клара Булатова иҗатына багышланган иде. Укучылар осталык белән әдипнең шигырьләрен укыдылар, аның сүзләренә иҗат ителгән җырларны башкардылар, конкурска Клара Булатова әсәрләре буенча рәсемнәр тәкъдим иттеләр. Укучыларыбызны чын күңелдән җиңүләре белән котлыйбыз!

Рәсем номинациясе, уртанчылар төркеме:

1 урын – Мирзагаллямова Диләрә, Явлаштау урта мәктәбе, җит. Ахатова Т.А.,

Вокал номинациясе, уртанчылар төркеме:

2 урын – Ахатова Тамчыгөл, Явлаштау урта мәктәбе, җит. Ахметзянова А.Г.

Нәфис сүз номинациясе, уртанчылар төркеме:

3 урын – Хафизова Нәргизә, Явлаштау урта мәктәбе, җит. Шакирова З.Р.

Башлангыч сыйныф укучылары Гибадуллин Зөлфәт Фоат улы җитәкчелегендә саф һавада булдылар.  Алар чаңгыда йөрүнең төрле алымнарын өйрәнделәр, рәхәтләнеп чаңгы шудылар.

Бүген  5-7  нче сыйныф җитәкчеләре Галиева Г.Х., Ахметова С.В., Файзыханова А.И.  укучыларга Нюренберг процессына 70 ел уңаеннан “Фашизм турында ниләр беләсез” дигән темага тәрбия сәгатьләре үткәрделәр. Әңгәмә барышында, сугыш – бу сүз күп кешеләрнең күңелендә аяныч һәм сагыш уятуы,  анда аларның әтиләре, абыйлары, ирләре һәлак булулары турында балалар бәйнә-бәйнә үзләренең фикерләрен җиткерделәр. 

15 нче январь көнне мәктәбебездә капиталь ремонт башланып китте. Хәзерге вакытта зданиеның тышын төрәләр.

Бүген, 19 январь көнне Явлаштау урта мәктәбе 8-9 сыйныфларында тарих укытучысы Ярмиева Г.М. Нюрнберг шәһәрендә халыкара хәрби трибунал немец хәрби җитәкчеләренең эшен карауга 70 ел уңаеннан “Хаклык авазы” дигән темага дәрес үткәрде. Дәрестә “Нюрнберг 70 лет спустя” дигән документаль фильм күрсәтелде һәм фильм буенча әңгәмә үткәрелде.  Укучылар дәрестән бик тетрәнүле халәттә чыктылар

Мәктәбебездән 15 укучы Лесхозда Саба районы башлыгы Рәис Миңнехановның балалар өчен үткәрелгән чыршы бәйрәмендә катнашты. Укучыларыбыз бәйрәмнән күтәренке кәеф белән кайттылар.

Кар сыннары конкурсы нәтиҗәләре буенча безнең мәктәп III нче урынга лаек булды. Мәктәбебез янын бизәүгә хезмәте кергән һәркемгә дә зур рәхмәтебезне җиткерәбез.

В соревнованиях по баскетболу среди работников образования, команда нашей школы заняла II место. Поздравляем наших учителей и желаем им дальнейших спортивных успехов!

Бүген башлангыч һәм 5-6 сыйныф укучыларының Яңа ел бәйрәме үтте. Бәйрәмебез чыршы тирәсендә әйлән-бәйлән уеннары һәм концерт номерлары белән үрелеп барды. Яңа ел бәйрәме бик матур һәм күңелле үтте.