Бүген башлангыч сыйныф укучылары сыйныф җитәкчеләре белән берлектә, саф һавага чаңгыда шуарга чыктылар.

    Сегодня во время классного часа прошел урок мужества под названием «Жизнь после смерти». Урок был посвящен 75-й годовщине Любанской наступательной операции советских войск под Ленинградом. Учащиеся смотрели документальный фильм про ВОВ, узнали много нового из истории, поняли, какой ценой досталась Победа и активно вступали в диалог, обсуждая героические поступки.

   8 нче февраль көнне Балалар иҗат үзәгенең актлар залында отряд әйдаманнары арасында үткәрелә торган "Иң шәп әйдаман - 2017” ("Замечательный вожатый - 2017”) республикакүләм конкурсының муниципаль этабы үткәрелде. Бәйгедә мәктәбебезнең XI сыйныф укучысы Мирзагаләмова Диләрә уңышлы чыгыш ясап, III призлы урынны яулады. Афәрин, Диләрә! Киләчәктә дә зур уңышлар юлдаш булсын!

  Мәгариф хезмәткәрләре кышкы спартакиадасының зона ярышлары дәвам итә. Сабалылыр 8 нче февраль көнне Кукмара муниципаль районында үткән волейбол уенында – II, хоккейда III урынны яуладылар. Молодцы! Ярышларда катнашкан мөгаллимнәргә киләчәктә дә зур уңышлар телибез.

Татарстан Республикасы Дәүләт гербы – Татарстан дәүләти символы. 1992 елның 7 февралендә Татарстан Дәүләт Шурасы тарафыннан расланды.
Татарстан Республикасы Дәүләт гербының авторлары – филология фәннәре докторы Назым Ханзафаров (идеясе) һәм рәссам-монументалист, Татарстан Рәссамнәр берлеге әгъзасы Риф Фәхретдинов (башкаручы).

   6 нчы февраль көнне Балалар иҗат үзәгендә тәрбия эшләре буенча директор урынбасарларының һөнәри конкурсы булып үтте. Анда безнең мәктәбебезнең тәрбия эшләре буенча директор урынбасары Шиһабиева Фәйрүзә Нурислам кызы катнашты һәм уңышлы чыгыш ясады.

   Бу көннәрдә Бөтенроссия фән олимпиадаларының төбәк этабы бара. Мәктәбебезнең VI сыйныф укучысы Минкәбиров Айзат, математика фәне буенча 7 – 8 февраль көннәрендә Казан шәһәрендә үтәчәк олимпиадада катнаша. Айзатка уңышлар телибез.

 “Ел укытучысы - 2017” бөтенроссия һөнәри бәйгесенең зона этабы Мамадыш шәһәренең 2 нче лицеенда үтте. Анда районыбыз данын яклап, мәктәбебезнең инглиз теле укытучысы Халиков Рамил Рафис улы катнашты.

   2017 нче елның 1-3 февраль көннәрендә “Казан ярминкәсе” күргәзмәләр үзәгендә  Татарстан Республикасының "Яшь профессионаллар" (WorldSkills Russia) дип исемләнгән регионара чемпионаты узды. Анда Татарстаннан һәм башка регионнардан килгән катнашучылар  көч сынаштылар. Чемпионат эшче һөнәрләрен пропагандалау  максатыннан үткәрелә. Мәктәбебездән Акбиров Альмир һәм Галимҗанов Нурсил  әлеге чемпионатта булып, төрле һөнәрләр белән танышып кайттылар.

P.S. Татарстан 2019 елда яшьләр арасында эшче һөнәре буенча WorldSkills Russia  Бөтендөнья чемпионатын уздыру хокукын яулады.