Татарстанның халык шагыйре, күренекле җәмәгать һәм сәясәт эшлеклесе, Татарстан Республикасының Г.Тукай исемендәге Дәүләт премиясе лауреаты, Татарстанның М.Җәлил исемендәге республика бүләге лауреаты  Рәзил Вәлиевкә бу көннәрдә 70 яшь тулды. Шул уңайдан мәктәбебездә әдәби – музыкаль кичә үткәрелде. Кичәдә укучылар шагыйрьнең тормыш юлы һәм иҗаты белән таныштылар, шигырьләрен сөйләделәр. Кичә күңелле үтте.

Безнең халыкта элек –электән үк өлкәннәргә хөрмәт һәм аларга ярдәм итү - изге эш дип саналган. Тәрбия эшендә дә без моны үзебезнең максатыбыз һәм бурычыбыз итеп саныйбыз. Балаларда шәфкатьлелек, кешелеклелек, миһербанлылык сыйфатлары булдырырга тырышабыз.
Безнең Явлаштау урта мәктәбендә тимурчылык эше планлы рәвештә алып барыла. Укучыларыбыз өлкән яшьтәге әби – бабайларга, тыл ветераннарына, сугыш чоры балаларына һәрвакыт ярдәм итәләр.

   Учащийся 9 класса нашей школы Галиев Ранис в составе районной команды участвовал на Республиканском этапе Всероссийских соревнований юных хоккеистов клуба «Золотая шайба» им. А.В.Тарасова. Они заняли II место и получили кубок. Молодцы!

20-21 нче гыйнвар көннәрендә районыбызда мәгариф хезмәткәрләренең кышкы Спартакиадасы үтте. Мәктәбебез командасы составында булып, ярышларда үзләренең өлешлэрен кертеп, күп көч куйган коллегаларыбызга бик зур рәхмәтебезне белдерәбез. Молодцы! Сез булдырасыз!

   Бүген сыйныф сәгатьләрендә  укучылар белән сәламәтлек темасына әңгәмәләр үткәрелде. Балаларга грипп вирусы һәм аны кисәтү юллары, саклану чаралары турында аңлатылды.

Учащаяся 11 класса нашей школы Мирзагалямова Диляра успешно участвовала в республиканской научно – практической конференции  “КАИ – крылья для жизни” в номинации “Русский язык и литература”. Она награждена ценными подарками и сертификатом участника.

Мәктәбебезнең инглиз теле укытучысы Халиков Рамил Рафис улы республикакүләм “Ел укытучысы” һөнәри бәйгесенең муниципаль этабында җиңү яулап, зона ярышларында катнашачак. Аңа алга таба да җиңүләр телибез!!!

    5 нче сыйныф укучылары китапханәдә әйдаманнары Мирзагаләмова Диләрә белән берлектә, Татарстанның халык шагыйре Рәзил Вәлиевнең тормыш юлы һәм иҗаты белән таныштылар.

Һәр көнне 9, 11 нче сыйныф укучылары өчен ОГЭ һәм ЕГЭга әзерлек йөзеннән, консультацияләр үткәрелә. 

5 нче сыйныф укучысы Нәҗипова Альбинаны “Дулкыннар” республикакүләм  бәйгесенең “Рәсем” номиациясендә I урын алуы белән котлыйбыз һәм киләчәктә дә зур уңышлар телибез! (Җитәкчесе: Галимҗанов И.Ә.)