13 нче февральдән 19 нчы февральгә кадәр 1 нче сыйныф укучылары өстәмә каникулга киттеләр. Яллары күңелле һәм файдалы үтсен!  

     Бүген Явлаштау авыл җирлеге буенча «Россия чаңгы юллары – 2017» – «Татарстан чаңгы юллары - 2017»  үткәрелде. Традициягә әйләнгән зур күләмле бу спорт чарасында мәктәп укучылары, укытучылар һәм хезмәткәрләр бик теләп катнашты. 

    Мәктәптә укучыларны тормышка әзерләү һәм һөнәри юнәлеш бирү максатыннан, уку елы дәвамында планлы эш оештырыла. Әледән - әле төрле һөнәр ияләре белән очрашулар булып тора. Бүген бездә кунакта Казан сәүдә институты вәкилләре булып китте. Алар укучыларга укырга керү шартлары, торак мәсьәләсе турында аңлаттылар, укучыларны кызыксындырган сорауларга җавап бирделәр. Кыскасы, очрашу эшлекле һәм бик җанлы үтте. 

   Бүген башлангыч сыйныф укучылары сыйныф җитәкчеләре белән берлектә, саф һавага чаңгыда шуарга чыктылар.

    Сегодня во время классного часа прошел урок мужества под названием «Жизнь после смерти». Урок был посвящен 75-й годовщине Любанской наступательной операции советских войск под Ленинградом. Учащиеся смотрели документальный фильм про ВОВ, узнали много нового из истории, поняли, какой ценой досталась Победа и активно вступали в диалог, обсуждая героические поступки.

   8 нче февраль көнне Балалар иҗат үзәгенең актлар залында отряд әйдаманнары арасында үткәрелә торган "Иң шәп әйдаман - 2017” ("Замечательный вожатый - 2017”) республикакүләм конкурсының муниципаль этабы үткәрелде. Бәйгедә мәктәбебезнең XI сыйныф укучысы Мирзагаләмова Диләрә уңышлы чыгыш ясап, III призлы урынны яулады. Афәрин, Диләрә! Киләчәктә дә зур уңышлар юлдаш булсын!

  Мәгариф хезмәткәрләре кышкы спартакиадасының зона ярышлары дәвам итә. Сабалылыр 8 нче февраль көнне Кукмара муниципаль районында үткән волейбол уенында – II, хоккейда III урынны яуладылар. Молодцы! Ярышларда катнашкан мөгаллимнәргә киләчәктә дә зур уңышлар телибез.

Татарстан Республикасы Дәүләт гербы – Татарстан дәүләти символы. 1992 елның 7 февралендә Татарстан Дәүләт Шурасы тарафыннан расланды.
Татарстан Республикасы Дәүләт гербының авторлары – филология фәннәре докторы Назым Ханзафаров (идеясе) һәм рәссам-монументалист, Татарстан Рәссамнәр берлеге әгъзасы Риф Фәхретдинов (башкаручы).