В мире цветов так тепло и прохладно.

Целый букет ароматов и звуков...

Каждый цветок - он по-своему нарядный...

В форме изысканных праздничных кубков.

В мире цветов я желала б остаться,

Стать героиней рассказов и сказок,

Чтоб красотой каждый день любоваться,

Слиться с гармонией света и красок.

Җәйге чор балалар өчен иң күңелле вакыт. Урамда уйнарга да, иҗади шөгыльләнергә дә була. Зурлар төркеме малайлары схеманы карап, өйрәнеп вак лего уенчыкларыннан йортлар, агачлар, машиналар төзү белән мәшгульләр.(Гыйлемханова Ә.Ә.)

Намуслык, хезмәт сөючәнлек, кешеләргә мәрхәмәт, хөрмәт, Туган җиргә мәхәббәт сыйфатлары балага геннар белән генә дә күчми. Моңа билгеле бер максатлы тәрбия эше  нәтиҗәсендә генә ирешелә. Татар халкының "Нәрсәгә өйрәнсәң, шуны куарсың" дигән  мәкальле бар. Кечкенәдән үк кешене файдалы эшкә күнектерергә кирәк. Шушы хезмәт тәрбиясен истә тотып без уртанчы төркем балалары, тәрбияче Сабирова Р.Р. белән , үзләре утырткан борчак түтәленнән чүп утадылар һәм аларга су сиптеләр. Бердәм башланган, күмәк эшнең нәтиҗәсе дә озак көттермәс.

Кече яшьтәге балаларны музыкага, музыкаль әсәрләрне тыңларга кызыксыну уяту, җырларга һәм гади бию хәрәкәтләре ясарга өйрәтү максатыннан музыка әшчәнлекләре ел әйләнәсендә бара. Беренче кечкенәләр төркеме балалары музыка җитәкчесе Аухадиева Нурания Аюповна белән музыка әшчәнлегендә теләп шөгыльләнәләр. Нурания Аюповна күрсәткән хәрәкәтләрне тырышып эшлиләр. 

Бүген бездә сабантуй,

Эшләреңнең барын куй.

Тизрэк йөгер мәйданга:

Бәйрәм башлана анда.

Бүген бакчабызда балаларны халкыбызның гореф-гадәтләре белән таныштыруны дәвам итү, үзара дуслаштыру һәм берләштерү, уеннар аша сөйләм телен үстерү, сәламәт яшәү рәвешен пропагандалау, милли спорт уеннарына кызыксыну уяту максатыннан Сабантуй үткәрдек. Сабантуйда балалар үзара су ташу, капчык киеп сикерү, аркан тарту, чүлмәк вату, йомырка тотып йөгерү уеннарында ярыштылар. Бәйрәм җыр, бию, нәфис сүз белән үрелеп барды.

Сабан туе, Сабан туе,

Без бакчада уйныйбыз.

Ярышабыз, узышабыз,

Матур җырлар җырлыйбыз.

Россия көне уңаеннан  социаль яклау үзәге хезмәткәрләре  мәктәпкә әзерлек төркеме балалары  өчен кызыклы чара оештырды. Монда балаларга бу темага кагылышлы табышмаклар әйтелде,  Россия турында әңгәмә үткәрелде. Соңыннан балалар туган якка карата булган ярату хисләрен үзләренең рәсемнәрендә чагылдырдылар. Бу чараны оештыручыларга зур рәхмәт.

Бөек рус шагыйре А.С.Пушкинның туган коне уңаеннан  зурлар төркеме балалары китапханәгә сәяхәт кылдылар. Илсеяр Илдусовна балаларны А.С Пушкинның китаплары белән таныштырды. "Алтын балык" әкиятен иллюстрацияләр аша  сөйләде. Бу чарадан балалар бик күп мәгълүмат алдылар (Гилемханова Ә.Ә.)

6 июнь көнне, район мәдәният йортында, балалар өчен Түбән Кама татар дәүләт театры "Шомбай маҗаралары" дип исемләнгән спектакль тәкъдим итте. Спектакльне карарга "Шатлык" балалар бакчасыннан зурлар һәм мәктәпкә әзерлек төркеме  балалары бардылар. Әкият бик эчтәлекле, мавыктыргыч булды. Артистларның  нәни тамашачылар  белән аралашып уйнаулары балаларга бик тә ошады.

Буген зурлар төркеме балалары су патшалыгында кунакта булдылар. Аларны анда су анасы каршы алды. Ул аларны су асты дөньясы белән таныштырды. Балаларга сулыкларны пычратмаска кирәклеген аңлатты. Балаларга бу сәяхат бик ошады һәм алар  су асты дөньясы турында күп мәглумат алдылар. Балалар да  су анасын үзләренә кунакка  чакырып калдылар.